sunnudagur, desember 31, 2006

(Áramóta)Upphitunarmyndnr:14 frá Austurríska/Ungverskakeizaradæminu




Um leið sendum við lesendum V.Í.N.-síðunar og velunnurum sem og landsmönnum öllum, hugheilar áramóta- og nýárskveðjur.
Gleðilegt ár öllsömul og þökkum allt hið gamla og góða á líðandi ári.


Kær áramóta og nýárskveðja


P.s Skráning hefst svo í Fyrstuhelgaríjúlíárshátíðarþórsmerkurferð 2007 stundvíslega þann 01.01.07 kl:00:01.
Í gegnum klíkuskap á að nota tækifærið og skrá eins og einn lítinn Stebbaling og líka Willy

fimmtudagur, desember 28, 2006

Upphitunarmyndnr:11 frá Austurríska/Ungverskakeizaradæminu

Í Sandgerðishrepp

Var að spá hvort einhver stemning væri fyrir því að fara á komandi laugardag í Hafnarfjörð en að sjálfsögðu myndum við fara út úr honum við fyrsta tækifæri og taka stefnuna á Sandgerðishrepp.
Að vísu ekki í þeim tilgangi, í þetta skiptið alla vega, til þess að kíkja á sveitakrána á Miðnesheiði heldur athuga með hvort ekki sé hægt að finna eitthvað strandgoss. Fyrst að indverska prinsessan er flutt þaðan burt. Svo væri etv hægt sé vilji fyrir hendi að taka smá rúnt um Reykjanesið í leiðinni.
Bara svona smá hugmynd með afþreyingu á laugardag.

miðvikudagur, desember 27, 2006

Upphitunarmyndnr:10 frá Austurríska/Ungverskakeizaradæminu

Nýtt lúkk á nýju ári

Eins og sjá má er verið að gera tilraun til að taka þessa síðu í Extreme Makeover enn einu sinni. Þrautþjálfaðir gibbonapar hafa unnið nótt sem nýtan dag yfir hátíðarnar að þessu verkefni og ná vonandi að klára það áður en árið verður flautað af. Myndin fyrir ofan er allavega komin, og svo bætist kannski eitthvað við á næstunni. Það má búast við einhverjum hnökrum á þessu svona fyrst um sinn, þessir apar eru ansi drykkfelldir og ekkert sérlega vandvirkir stundum. En jæja, best að fara að gera eitthvað...

sunnudagur, desember 24, 2006

mánudagur, desember 18, 2006

Jamm jamm



Jamm, eins og sjá má á teljara hér til, æji þið vitið hvar, má sjá að í dag eru sléttir 40.dagar í að úrvalslið skíðadeildar mun halda til Austurríska/Ungverskakeisaradæmisins. Sem er magnað
40 er svolítið ógnar tala. Það vill svo skemmtilega til að mörg okkar, innan þessa hóps, eru komnin á fertugsaldurinn og hinir nálgast hann óðum. Sama var þegar það rigndi eitt sinn í 40 daga og Nói og Síríus björguðu dýrunum frá drukknum. Móses, þó ekki Maggi Móses, var í 40 daga í eyðimörkinni eða var það 40 ár. Skiptir ekki öllu enda innan skekkjumarka. Síðan að lokum þá steig Jésús Kr. Jósepsson, sem er kallur Sússi meðal vina sinna, til himna eftir 40 daga. Þetta er því ofurtala.
Það er því vel við hæfi að birta eins og eina mynd frá Austurríska/Ungverskakeisaradæminu. Það er svo aldrei að vita nema þetta verði daglegt en þó með nokkrum undantekningum, Jafnvel þó nokkrum. En sjáum til hvernig gengur. Þetta er sú fyrsta og vonandi ekki sú síðasta

föstudagur, desember 15, 2006

Tilboð í peysur

Tilboð í peysur

Hef fengið tilboð í peysur frá 66° norður ásamt merkingu. Tilboð miðast við uþb 15 peysur:

Vík rennd peysa: dömu og herra: 8250 kr.

Vík hálfrennd peysa: dömu og herra: 7350 kr.

Silkiprent merking:
1 litur: stofnkostnaður: 7350 kr, lógó: 400 kr./stk.
2 litir: stofnkostnaður: 14320 kr, lógó: 580 kr./stk.

Miðað við 15 seldar peysur væri rennd peysa með einlita merkingu á uþb. 9130

Endilega brúkið tjáningakerfið hér að neðan og tjáið tilfinningar ykkar.

fimmtudagur, desember 14, 2006



Sunnudagsgöngutúrinn



N.k. sunnudag eða 17.des, viku fyrir jól og ammæli Stóra Stúfs, stefnir Göngudeildin á að halda til fjalla. Hugsanlega verður farið á Skálafell í Mosfellsdal, Stóra-Kóngsfell eða bara eitthvað allt annað fjall, fell eða hóll það kemur allt í ljós.
Brottför er áætluð um hádegisleytið eða strax eftir messu. Um að gjöra að nýta þessa litlu dagsbirtu sem er núna í svartasta skammdeginu.

Kv
Göngudeildin

miðvikudagur, desember 13, 2006

Nýheit

Ekki hefur borið mikið á nýliðun síðan auglýsingin var sett upp en hins vegar eru nokkur nýheit hér á síðunni. Sé litið hér til vinstri (sem allir nema Stebbi ættu að ráða við) má sjá nýjan dálk, vefmyndavélar. Restin ætti að skýra sig sjálf, vilji menn svo bæta við dálk þennan er upplagt að nota kommentin og webmaster kannar málin.

Góðar stundir.

þriðjudagur, desember 12, 2006

Nýliðun óskast!

Nýliðun óskast!
Sökum ört vaxandi ellimerkja óskar VÍN eftir nýliðun til starfa hið fyrsta. Æskilegt er að nýliðun hafi náð VÍN-aldri og beri með sér nokkurt lífsmark en að öðru leyti eru ekki gerðar frekari kröfur.

Áhugasöm nýliðun er beðin um að hafa samband við hipp og kúl lið VÍN.

föstudagur, desember 08, 2006

Nr:100000

Þá er komið að stóru stundinni eða hver verður gestur nr:100000 ske teljara hér neðst til vinstri.
Eins og áður verða glæsilegir vinningar fyrir 1,2 og 3ja sætið. Þar sem samtals heildarverðmæti vinninga er allt að 300 ísl.kr, sem afhendir verða við fyrsta besta tækifæri.
Hver verður sá heppni eða sú heppna. Það kemur í ljós spilið til að vinna og fylgist spennt með. Hver verður nr:100000, hver skyldi ná 100 kúlunum og hver nær 100 gröndunum. Þetta verður allt saman gaman að sjá.

Kv
Stemmtinemd

sunnudagur, desember 03, 2006

Á fellum



Göngudeildin fór í dag í afar hressandi sunnudagsgöngutúr og að þessu sinni voru alveg tvo heil fell sem lágu í valnum. Ekki slæmt það.
Sem sagt að var farið á Úlfarsfell og síðan var líka skundað á Hafrafell. Það voru þrír ungir sveinar sem lögðu í þessa ferð og það voru eftirfarandi aðilar:

Stebbi Twist
Stóri Stúfur
Jarlaskáldið

Eins og sjá má þá var hirðljósmyndarinn með í för og hefur hann nú komið þeim myndum sem teknar voru á sína myndasíðu svo að allur heimurinn geti séð afrekin hér.

Kv
Göndudeildin

E.s
Minni á fata- og tízkufundin annaðkveld þ.e. mánudagskveldið hjá Grænlendingunum

laugardagur, desember 02, 2006

Fell



Göngudeildin, hólasvið, var rétt í þessu að negla það niður að halda upp á fjall,fell eða hól á morgun. Fellið sem var fyrir valinu er fellið hanz Úlfars,þá er verið að tala um sjálfan Úlfar Eysteins sem er bróður Helga Eysteins og koma undan Eysteins Eysteins. Nóg komið að ættfræði.
Fara á eftir hádegi á morgun sunnudag 3.des um leið og messuhaldi lykur eða fljótlega eftir hádegisbil. Já, svo ca þá. Rétt eins og fyrr eru allir velkomnir með

Kv
Göngudeildin

föstudagur, desember 01, 2006

Terrorismi

Þessi síða varð fyrir hryðjuverkum fyrir nokkrum dögum. Þess vegna lítur hún svona út núna. Unnið er að viðgerðum.

Kv.
Tækninemd.

miðvikudagur, nóvember 29, 2006

Af fjöllum og fötum

Göngudeildin stefnir á að halda upp á hóll á morgun, fimmtudag 30 nóv, stefnan er að fara eftir vinnu eða ca 16:30. Ætlunin er að þessu sinni að skunda upp á Reykjafell og þar með að halda sig á litlu hólunum áfram. Sem fyrr eru allir velkomnir með.

Svo er það hitt mál málanna.
Snorri hinn aldni pe..., nei við skulum bara hafa það Snorri hinn aldni. Sá kappi hafði verið á einhverju spjalli við Brabrasoninn og eitthvað varð þeim tíðrætt um nýjan fatnað á V.Í.N. Var Snorri svo kappsamur og umhuga um þetta mál að hann vill endilega bjóða fólki heim til sín komandi mánudag þ.e. 4.des n.k kl:20:00 till þess að ræða þessi mál og viðra sínar hugmyndir varðandi þetta.

Fleira var það ekki

Kv
Göngudeildin að hafðu samráði við Tízkuráð

sunnudagur, nóvember 26, 2006

Grímannsfell



Eins og áður hafði komið fram þá hafði göngudeildin hug að halda upp á fjall í dag. Var slíkt gert ásamt því að taka eitt aukalega í leiðinni. Harka það
En fjórir vaskir sveinir fóru í blíðu og kulda upp á Grímannsfell og Kolhóll. Eftirfarandi kempur fóru:

Stebbi Twist
Magnús frá Þverbrekku
Arnór Gauti
Kaffi

Þar sem hirðljósmyndarinn var með í för, að sjálfsögðu vopnaður myndavél, er hægt að skoða afrekin á stafrænu myndaformi hér.

Kv
Göngudeildin

laugardagur, nóvember 25, 2006

Fréttir af fjöllum II



Maggi Móses hafði aftur samband við fréttavaktina nú í dag um kl:14:00.
Þá voru þeir staddir undir Loðmundi við Tjéllingafjöll á leið á Hveravelli úr Setrinu. Þar fundu þeir loks snjó, ef snjó skal kalla því þeir líktu þessu við flórsykur. Skv öðrum fréttum á víst Kjalvegur að vera svo gott sem auður.
Þrátt fyrir 19.stiga frost í Veiðivötnum fór lítið fyrir því hvíta. Það hlýtur að hafa verið hressandi að vera í Veiðivatnaskálanum í 19.stiga gaddi. Hvað um það.
Þeir bíðu spikspenntir eftir að komast á Hveravelli og elda þar læri, skola því niður með pilsner. Allt í glimrandi gleði hjá björgunarsveitarhermönnunum.

Kv
Fréttadeildin

föstudagur, nóvember 24, 2006

Hólarölt

Göngudeildin hélt í byrjun vikunnar ólöglegan samráðsfund þar sem ákveðið var að fara, núna um helgina, á einn hóll í nágrenni borgarinnar. Þrátt fyrir að Stóri Stúfur hafi verið fastur í rúminu í lok vikunnnar var ákveðið á framhaldsfundi að kvika hvergi frá fyrri áformum.
Stefnan er svo að fara á sunnudaginn á fell eitt í Mosfellssveitinni sem nefnist Grímannsfell. Svona fyrir þá sem sem vilja kynna sér fellið betur eru nánari upplýsingar á bls 74 í 151 tindur íslensk fjöll.
Farið verður eftir hádegi á sunnudaginn og eru allir velkomnir með. Nánari tímasetning á brottför kemur seinna

Kv
Göngudeildin smáfjallasvið

(Uppfært 25.nóv)

Þá er kominn tímasetning á heilzuræktina. Ætlunin er fara af stað á bilinu 13:00-13:30 eða bara strax eftir hádegismessu.

Fréttir af fjöllum

Maggi Brabra var, rétt í þessu, að hafa samband við fréttadeildina. En hann er í jeppó með Flubbunum ásamt Reykjavíkurskátunum á fjórum Patrolum. Voru þeir á leiðinni í Veiðivötn í fyrstu lotu.
Þegar fréttaritari hafði samband við fréttavaktina voru þeir að koma að Vatnsfelli. Veður var gott og skyggni ágætt. Minna fór samt fyrir snjónum en vegur var orðinn hvítur með ca 1mm þykku snjólagi. Á leiðinni var víst hálkublettir á víð og dreif. Skil ekki afhveju ekki var hægt að safna þeim saman og hafa þá alla á sama stað. En það er nú annað mál.

Þetta voru fréttir af fjöllum

þriðjudagur, nóvember 21, 2006

La Grande Bouffe - Uppgjör

Þá eru vonandi allir búnir að jafna sig á timburmönnunum eftir matarveisluna miklu, og farnir að huga að næsta skralli, hvar og hvenær sem það verður. Helstu reiknimeistarar VÍN hafa setið sveittir undanfarna tvo sólarhringa við gerð uppgjörs eftir matarveisluna, og hafa komist að eftirfarandi niðurstöðu:

Kostnaðarreikningur:

Ket 12.500 kr.
Önnur matvæli 14.233 kr.
Bústaðir 16.000 kr.
Fordrykkur 3.580 kr.

Samtals 46.313/11 = 4.210 kr á mann.

Er þess auðmjúklega farið fram á að einstaklingar þeir er þátt tóku (aðrir en þeir þrír er lögðu út fyrir herlegheitunum) leggi téða upphæð inn á reikning 0115-26-42760, kt. 241077-4629.

Með fyrirfram þökk,
Nemdin.

sunnudagur, nóvember 19, 2006

Los Fotos

Klöppum fyrir Jarlaskáldinu fyrir að vera búið að skella á alnetið myndum frá La Grande bouffe 2006.
Hirðljósmyndarinn á heiður skilið. Hurra!!

föstudagur, nóvember 17, 2006

Allt að gerast...

...og klukkan er!

Já, nú er allt bókstaflega að verða vitlaust fyrir Matarveizluna miklu. Hinir ýmsu aðilar eru bókstaflega að tapa sér í undirbúningi sem er væntanlega á lokastigi nú þegar þetta er ritað. En hvað um það og ekki orð um það meira.

Ætlaði bara að minna fólk á húsbandið sem mun leika fyrir danzmenntum á harmonikuballinu í kveld og sjá um dinnermuzik annaðkveld.
Hér er að sjálfsögðu verið að tala um sillingina í Das Richard Clayderman coverband. Það ætti nú vart að þurfa að kynna þessa eðalhljóðfæraleika en þess er nú samt þörf.
Hljómsveitina skipa eftirfarandi:

Jogvan í Fötu frá Færeyjum á Bylgistúpu
Jan Mayen frá Angmagssalik á Munnangurshörpu
Jón Rídalín á Fiðlugranda
Abula Bin Lati Ósómi á Mekkanikku
og síðast en ekki síst Einar Örn frá Svefneyjum á Purkhorn.

Á meðan húsbandið spilar, í bústaðnum í Reykjaskógi, mun þjóðdanzafélag eldri borgara á Stokkseyrarbakka stíga á stokk.

Fleira var það ekki
Góðar stundir
Tónlistarráð.

fimmtudagur, nóvember 16, 2006

Er ekki bara stemning fyrir því???

Já, já, já ég veit. Þetta er alveg skelfileg klísja en Litli Stebbalingurinn notaði hana nú samt. Örlítið skárra en ,,eru ekki allir í stuði´´, sem er bara töff sem bókaheiti. En hvað um það þarna hefur undirritaður notað tvær að ofnotuðustu setningum þessa máls og það á degi íslenskrar tungu. Mæli frekar að á þessum degi sé skálað fyrir góðri fyllibyttu sem Hallgrímsson, Jónas var. Afsakið, en þarna missti sagnaritarinn sig aðeins út einhverja vitleysu sem kemur efni þessa fátæka pistils ekki vitund við.

Rétt eins og landsins lýð ætti að vera ljóst verður matarveizlan mikla haldin um komandi helgi. Þetta er einn af föstum liðum sem V.Í.N. heldur árlega ár hvert.
Svona ef fólki leiðist í vinnunni á morgun, nú eða í dag. Kannski ef sumir hafa ekkert að gjöra í kveld þá ætti fólk að geta stytt sér aldur með að rifja upp fyrri matarveizlum á stafrænu formi.

Hér er sú fyrsta
Þetta er árið eftir hinar skelfilegu Ölvunarborgir
Þetta er sama ár og hér að ofan, en á þeim tímum er Lilli fór á fjöll.
Og að lokum hér er svo síðasta ár.

Vona að hafsjór minninga hafa náð að flæða við að sjá þessar myndir.
Þeir sem ekki koma eða hafa aldrei farið sjá hverju þeir missa af. Hinir, sem eru að fara, fái bara vatn í munninn.

Góðar stundir
Manneldisráð.

þriðjudagur, nóvember 14, 2006

Af alpagreinum skíðaíþróttarinnar

Skv öruggum heimildum málgangsins þá er ætlunin að opna í Hlíðarfjalli á Agureyrish um helgina. Í ljósi fyrirhugaðar ferðar norður yfir heiðar eru þett góðar fréttir.
Nú er bara vona að þetta haldist og bæti bara í.
Fleira var það ekki að sinni

Góðar stundir
Skíða-og rennslisdeildin

þriðjudagur, nóvember 07, 2006

LGB

Svona rétt eins og landsins lýð ætti að vera ljóst er okkar árlegi hátíðarkvöldverðarsumarbústaðaferð á næsta leyti eða bara eftir 10.daga.
Sjálfsagt liggja vel flestir með hausinn á kafi ofan í Kökubók Hagkaups, Grillbók Gunnars, Anarchist Cookbook og öðrum slíkum kokkabókum, og er það vel.

Það er samt annað mál sem ferðanemdin er að spá með en það er hvað gjöra skal til afþreyingar á laugardeginum, svona fyrir utan þetta augljósa, sem er auðvitað að lauga sig og sína á laugardegi í Laugardalnum. En hvað um um það.
Hvað skal gjöra? Já, það er stóra smurningin sem svarið vantar við.
Á bara að skella sér til Hnakkaville og góna á fótbolta? Líkt og gert var árið sem sumir voru nefbrotnir. Enga Ölvunarborgir þetta árið, takk fyrir.
Eða skella sér í smá jeppó rétt eins og árið sem sumir vígðu nýja bíllinn sinn með að bleyta aðeins felgurnar.
Skoða náttúrufyrirbæri eins og var gert í matarveizlunni þar sem boðið var upp á gæsina góðu.
Ellegar skal halda til jökla sem gert var síðasta ár.
Rétt eins og komið var að hér áðan er svo möguleiki að fara í laug á laugardegi og þá kemur þessi til greina. Rétt eins og hugmyndir voru uppi um fyrr á þessu ári
Svo má líka nota daginn til að rækta líkama og sál með því skunda upp einhvern hól í nágrenninu

Nú er bara um að gera fyrir fólk að leggja höfuð í bleyti, en auðitað án þess að bleyta hárið að sjálfsögðu, og reyna finna eitthvað snigðugt og skemmtilegt til að gjöra.
Engin hugmynd er svo slæm að ekki megi ræða hana.

Kv
Ferðanemd

E.s. í óspurðum fréttum er það hélst að Blöndudalurinn sé búinn að útvega annað bústað í Miðhúsaskógi. Sá á víst að vera svefnstaður fyrir þá sem vilja fara snemma að sofa.

laugardagur, nóvember 04, 2006

Skíðafréttir

Skv. þessari frétt þá átti að opna skíðavæðið á Oddskarði í dag. Sem er mjög gott. Fréttasvið skíðadeildar hefur fengið þetta staðfest. Þetta verður allt að teljast frekar svona jákvætt.

Ekki verður það sama sagt um Hlíðarfjall á Agureyrish. Þar er bara hiti og ógeð þessa stundina, en þó er von áður en V.Í.N. heldur í sína Aðventuferð til Agureyrish til skíðaiðkunar.

Held að óhætt sé að fullyrða að útlitð sé eina svartast í Bláfjöllum. Hvað um það meðan það telst vera vetur þá er von. Nú er bara um að gera að hvetja sem flesta að koma sér út og stíga þar snjódanzinn. Allir að taka nokkur spor í kveld hvort sem er heima í stofu eða á danziballstöðum bæjarins. Treysti á að Skáldið komi til að stunda trylltan snjódanz líkt því er von og vísa.

Með von um mikinn snjó og hörku frost
Kv
Skíðadeildin

þriðjudagur, október 31, 2006

La Gran Bouffe - taka tvö

Góðir hálsar, líkt og hér kom fram fyrir ríflega mánuði síðan stendur til að halda hið svokallaða La Gran Bouffe dagana 17.-19. nóvember næstkomandi. Undir gleðina hefir Jarlaskáldið fest leigu á sumarbústað í eigu starfsmannafélags þess, nefndur Jónshús, eftir gefanda þess, Jóni "vonda" Ólafssyni. Mun hann vera staðsettur í Reykjaskógi (bústaðurinn þ.e., veit ekkert hvar Jón er), sem er ríflega 10 km fyrir norðan Laugarvatn, rétt áður en komið er að Brekkuskógi. Þar ku vera svefnpláss fyrir hátt á annan tug manna, sæmilega hátt til lofts og vítt til veggja, og ætti bústaðurinn því að geta húsað væntanlega gesti, fari fjöldi þeirra ekki fram úr hófi. Nú eru einungis 17 dagar til stefnu, og þó að það sé langur tími í pólitík er það mat undirbúningsnemdar að vissara sé að fara að huga að skipulagningu.

HVERJIR MÆTA?

Eins og þeir sem til þekkja vita snýst La Gran Bouffe um að útbúa og njóta góðs matar og drykkjar í fallegu umhverfi og helst ágætum félagsskap, þó að iðulega sé nú tekið upp á ýmsu öðru þegar leikar taka að æsast. Eðli fagnaðar þessa er ólíkt mörgum skemmtunum Vinafélagsins, einkum og sér í lagi sakir staðsetningar og viðhafnar, sem kemur í veg fyrir að allir og amma þeirra geti sótt fagnaðinn. En hverjir eiga og mega mæta? Einfaldasta skýringin væri: þeir sem eru í VÍN. En þar sem það mengi hefur aldrei verið almennilega afmarkað dugar það kannski ekki. Niðurstaða Jarlaskáldsins er því nokkurn veginn á þá leið að allir sem hafa mætt áður í La Gran Bouffe eða hefur verið sérstaklega boðið af til þess bærum aðilum eigi rétt til að sækja fögnuðinn. Til þess bærir aðilar eru þeir aðilar sem eiga VÍN-peysu, sem sullað hefur verið bjór á. Komi upp vafamál verða þau leyst af gerðardómi.
Þeir heppnu aðilar sem rétt eiga á að sækja fögnuðinn ættu að sjálfsögðu að fjölmenna allir sem einn, og þakka æðri máttarvöldum fyrir að njóta slíks heiðurs, en reynslan sýnir að það mæta aldrei allir, hverjar sem ástæðurnar eru. Það er hins vegar afar mikilvægt að vita hverjir ætla að mæta, og þeir sem ekki skilja hvers vegna það er, ja, þeir ættu líklega bara að vera heima. Tilvalið væri að nota kommentakerfið hér fyrir neðan til að tilkynna fyrirætlanir sínar, nota símtæki, eða tilkynna til þess bærum aðilum það á annan hátt.

HVAÐ SKAL ETA?

Sem fyrr segir er aðalatriðið í hátíð þessari að njóta góðra veitinga. En hvaða veitinga? Soðin lifrarpylsa og blóðmör? Brennivín í kók? Haggis? Campari? Langreyður? Rísottó!?! Nei, það er vissara að huga vel að veitingunum svo engin verði slysin. Því er ráðlegt að væntanlegir gestir fari að leggja höfuðið í bleyti og spá í hvað sniðugt væri að gera, og ef menn hafa góðar tillögur má alveg geta þeirra í kommentum. Svo væri ekki galið að halda einn af okkar sívinsælu undirbúningsfundum þegar nær dregur, t.d. seinni part næstu viku, og (vonandi) komast þar að niðurstöðu. Einn fyrir alla, allir fyrir einn, og aðeins dregið úr seldum miðum.

Heimsfrægir...

...á Íslandi! Eða hvað?

Í tilefni þess að jólin er komin í Ikea þá var litli Stebbalingurinn að ráfa um síður alnetsins, æi þið við þetta sem Al Gore fann upp, að skoða jeppaferðamyndir. Þegar undirritaður rakst á þessa fínu mynd. Já, við birtumst víða og það að óspurðu

sunnudagur, október 29, 2006

90.dagar

90.dagar. Já, dömur mínar og herrar í dag eru nákvæmlega 90 dagar eða 3X30.dagar nú eða bara einfaldlega 3.mánuðir í það að úrvalslið skíðadeildar V.Í.N. muni skunda út á flugstöð Eiriks Haukssonar með stefnuna á Austurríska/Ungverskakeisaradæmið. Rétt eins og sjá má á teljara hér til hægri. Já, hægri.
Já er nú hræddur um það. Þann 27.janúar kl:15:20 verður tölt um borð í vél frá Iceland Express, þar sem heilzað verður upp á sjálfann Heimsborgarann, með stefnuna á Friedrichshafen. Þegar komið verður til Týskalands verður gerður þar stuttur stanz og er ætlunin að koma sér sem fyrst til Týrólasýzlu í Austurríska/Ungverskakeizaradæmisins.
Fyrsti stanz þar verður Stanton og rifjuð upp kynni af Giglmaier. Skíðað verður í Stanton og nágrenni í nokkra daga. Jafnvel verður kíkt á Krazy Kanguruh og Mooserwirt
. En þó bara ef við verðum í góðu skapi eins og einu sinni eða tvisvar sinnum eða svo.
Eftir daga í Stanton er svo óráðið hvað verður en við komum til með að enda í Kitzbuhel. Uppi eru komnar hugmyndir um einhverja dvöl í Innbrú áður en haldið verður til Kitzbuhel. Ferð mun svo ljúka 7.feb á komandi ári

Skíðadeildin þakkar fyrir sig að sinni

miðvikudagur, október 18, 2006

Aðventuferð til Agureyrish



Sjá, kæru landsmenn, ég boða yður mikinn fögnuð. Eftir stíf fundahöld í allan dag með tilheyrandi kaffidrykkju og kleinuáti hefur undirbúningsnemd skíðadeildar VÍN komist að þeirri niðurstöðu að fara í opinbera heimsókn til Agureyrish á aðventunni, nánar tiltekið dagana 8.-10. desember. Standa vonir til þess að þá verði jafnvel opnar skíðalyftur í Hlíðarfjalli (og ekki eru þessar fréttir að skemma fyrir) svo iðka megi vetraríþróttir í bland við aðra skemmtun. Þar sem gera má ráð fyrir að hitastig verði með lægra móti og tjaldgisting e.t.v. ekki heppileg hefur kvenarmur undirbúningsnemdarinnar fest leigu á íbúð við götu sem heitir Furulundur, sem einhverjir gætu kannast við. Ojæja, það er sosum ekki meira að segja um það, nú er bara að fara út í geymslu og finna skíðin og brettin og skella sér svo norður yfir heiðar þegar þar að kemur. Þaðheldégnú.

mánudagur, október 16, 2006

Hverusvollus

Eins og sjá má ,,á döfunni´´ hér hægra megin á síðuni, mikið er alltaf jafngaman að benda fólki á að líta til hægri (þarna fór undirritaður aðeins út fyir efnið). Þá er fyrirhugað nú um komandi helgi að V.Í.N. skelli sér í hálendisferð. Svona fyrir utan þá sem ætla að standa í röð alla helgina. Stefnan er sett á stað þar sem hægt er að taka eina umferð í heimsbikarmeiztaramótinu í Sprellahlaupi.
Staðarvalið er ekki af verri endanum eða sjálfir Hveravellir eða Hverusvollus eins þeir nefnast víst á fræðimáli. Þar er ætlunin að dvelja eina nótt á söguslóðum Fjalla-Eyvinds og hanz kvindi Höllu.
Farið verður á laugardaginn og komið svo til byggða daginn eftir eða á hvíldardaginn 22.okt. Er skipulagning í öruggum höndum mastermechanicplanner aka Hrönnslan og bezt að beina öllum smurningum til hennar. Sem ætti væntanlega að vera hægt í þar til gerðu athugasemdakerfi hér að neðan. Þar væri líka fróðlegt að sjá hverjir hafa hug á því að fara.

Kv
Jeppadeildin

sunnudagur, október 15, 2006

miðvikudagur, september 27, 2006

Barca og Buffe

Það er vonandi að fólk sé ekki búið að týna farseðlunum sínum eða pakka vegabréfinu neðst í ferðatöskuna (Vignir) enda Barca bara á morgun. Þrátt fyrir annríki við flutninga og ýmislegt fleira tókst Jarlaskáldinu í vikunni að festa leigu á sumarbústað í nóvember, sem væri e.t.v. hægt að brúka undir La Gran Buffe ef allt annað klikkar. Nánar tiltekið 17.-20. nóv. (jú, dálítið seint) einhvers staðar á Suðurlandsundirlendinu. Bústaðurinn er með rúm fyrir 5-6 og svefnloft með 10 dýnum og þykist eiga borðbúnað fyrir 20 manns þannig að það mætti sjálfsagt troða helling af fólki þar inn, en Jarlaskáldið hefur gist þarna og sýnist að mikið fleiri en 12 væri orðið ögn þröngt. Hér eru nokkrar myndir af slotinu. Allavega, þetta stendur til boða þar til annað betra býðst, en nú ætlar Skáldið að fara að skoða veðurspána í Barcelona. Jamm, ágætt.

Hver vill ekki djamma með Chuck?

föstudagur, september 22, 2006

þriðjudagur, september 19, 2006

Rugludalur

Jamm, þar sem allt stefnir í það, óðfluga, að ekkert verði að ferð vor í Rugludal þetta sumarið nú eða árið. Í sárabætur fyrir það þá kemur hér smá fróðleikur um dalinn góða.

Rugludalur
Eyðibýli fremst í Blöndudal. Stóð bærinn í mynni samnefnds dals en milli dalsins og Blöndugils er stór, kúpt hær er heitir Rugludalsbunga (562 m.y..s) og hún langt innan af heiði. Þarna var fyrrum skógur nægur til kolagerðar en þó mjög eyddur árið 1708.

Vona að þetta hafi verið sumum huggun. Líka er það von mínfólk af haft af þessu eitthvert gagn og einnig nokkurt gaman.
Góðar stundir

föstudagur, september 15, 2006

Og enn styttist...

Þetta er nú ekki amaleg mynd af honum Stefáni hérna fyrir ofan með nýja besta vininum sínum. Hann virkar líka dálítið saddur á myndinni, eins og hann sé nýbúinn að éta eitthvað ofan í sig. Hvað gæti það nú verið?

Nú styttist heldur betur í Barcelona-för, 13 dagar þegar þetta er ritað, og vonandi allir búnir að læra frasana sem bent var á í síðasta pistli. Á fundi undirbúningsnefndar var viðruð sú hugmynd að ferðalangarnir hittist á næstunni til þess að leggja einhver drög að því hvað skuli gera þarna úti, ekki kannski að negla niður skothelda dagskrá heldur bara gefa fólki tækifæri til að nefna hvað það hefur helst áhuga á og sjá og gera og vita hvort ekki megi smíða eitthvað út úr því. Hugmyndin er að hittast á þriðjudagskvöldið næsta, 19. september, staðsetning óákveðin enn sem komið er, og ræða málin. Ef einhverjir sjá sér engan veginn fært að mæta væri heppilegt ef þeir kæmu því á framfæri í kommentum eða með öðrum hætti. Góðar stundir.

þriðjudagur, september 12, 2006

Og það styttist...

Jæja gott fólk, þá er nú heldur betur farið að styttast í margumrædda Barcelonaför, og ekki seinna vænna að rifja upp grundvallaratriðin í spænskunni. Ferðalöngum til hægðarauka má benda á þessa síðu, þar sem finna má alla helstu frasa sem nauðsynlegir eru á spænskri grundu. Svo er bara að vera duglegur að æfa sig!

Skemmtinemdin.

sunnudagur, september 10, 2006

(Fr)Réttir

Nú um rétt liðna helgi var skundað í réttir þar sem landbúnaðurinn fékk að njóta starfskrafta nokkra hraustra V.Í.N.-liða. Feykna fjör þar á ferðinni
Jarlaskáldið var að sjálfsögðu með myndavélina á lofti og er búinn að setja afraksturinn inn á síðu sína á alnetinu. Held barasta að myndirnar tali alveg sínu máli og segi allt sem segja þarf. En þær er hægt að skoða hér.

Njótið vel

Kv
Landbúnaðarráð

fimmtudagur, september 07, 2006

Til þeirra sem málið varðar

gefnu tilefni er athygli vakin á því, til þeirra sem málin varða, að muna eftir grænu stígvélinum. Endurtek: munið eftir grænu stígvélunum með reimunum.

Kv
Landbúnaðarráðuneytið

mánudagur, september 04, 2006

Rapp, skólarapp!

Nei, ekki alveg að þessu sinni

En skyldi þessi tónlistarsillingur verða á tónleikatúr um Týról, ásamt dýrunum í Týról, þegar V.Í.N. heldur innreið sína í austurríska/ungverskakeisaradæmið nú á útmánuðum.
Ef það klikkar má alltaf vonast eftir að ubersillinginn M.C.Ferris

föstudagur, september 01, 2006

Að gefnu tilefni

Á Spáni er gott...

...að djamma og djúsa!!!

Sagði sönglagaskáldið virta eitt sinn. En hverjum er ekki svo sem sama um það á þessari stundu.

Núna, rétt eins og sjá má á teljara hér til hægri (mikið er nú alltaf gaman að benda fókli að líta sér til hægri), þegar tæpur mánuður er í ferð vor til Katalóníu. Er rétt að minna á það að á Spáni kostar stór bjór minna en lítill bjór, kippa minna en stór bjór og kassi minna en kippa. Þetta er haft eftir öruggum heimildum eða sjálfum heimsborgaranum og ekki fer hann með rangt mál.

Að lokum er líka gott að minna fólk að pakka niður sandölum og ermalausum bolum.

Nóg að sinni

Kv
Undanfarardeild

fimmtudagur, ágúst 24, 2006

La Grande bouffe - Kafli 1

Daginn,
Nú styttist dagur sem óð fluga og allir vita hvaða gleðitíðindi það boðar. Jú, senn styttist í La Grande bouffe. Eins og allir vita þá er tilgangur með stórveislunni sá að fara út í sveit með frillum og reyna að éta sig til dauða. En nóg um það...
Nú eru góð ráð dýr því komið er að því að velja dag- og staðsetningu. Eftir að hafa ráðfært mig við nokkra þaulvana LGB-fara komumst við að því að dagsetningin 27.-29. okt. henti vel til stórveislna en myndum við gjarnan vilja ykkar skoðun á því.
Jafnframt væri gott að fá hugmynd um hversu margir stefna á að fara því eins og fjöldinn hefur verið undanfarin ár þá er sennilega bezt að reyna að krækja í tvö hús eða hús í stærri kantinum. Þetta hús gæti verið upplagt en það er í viðgerð og verður ekki í leigu fyrr en í nóvember. Þá er spurning hvort við ættum að fresta för fram til 2. eða 3. helgar nóv. mánaðar. Endilega brúkið skilaboðaskjóðuna, segið ykkar skoðun og látið vita hvort þið hyggist fara eður ei.

þriðjudagur, ágúst 22, 2006

Friedrichshafen og helgin fram undan

Nú rétt í þessu var úrvalssveit skíðadeildar VÍN að punga út á þriðja tug þúsunda hver einstaklingur og festa með því kaup á flugi til og frá Friedrichshafen, brottför þann 27. janúar á ári komanda og heimkoma 7. febrúar sama ár. Sveit þessa skipa þegar hér er komið sögu Jarlaskáldið, VJ og Alda, auk þess sem óstaðfestar fregnir herma að Twisturinn hafi jafnvel bæst í hópinn og gott ef ekki með laumufarþega með sér. Eru allir áhugasamir hvattir til að festa kaup á slíkum miða og slást með í för hið fyrsta, enda er miði möguleiki og þú vinnur ekki ef þú spilar ekki með, og aðeins dregið úr seldum miðum. Þá er bara eftir að ákveða ákvörðunarstað (Kitzbühel?), og ganga frá smáatriðum eins og hóteli og svoleiðis. Jawohl!

Þá er rétt að vekja athygli á dagskrá næstu helgar, Baggalútsball í Verahvergi á föstudaginn, og er krafa gerð um snyrtilegan klæðnað. Daginn eftir er stefnan svo tekin í Mörkina. Það er alltaf gaman í Mörkinni...

sunnudagur, ágúst 13, 2006

Á skíðum

Gott fólk!

Jamms, nú senn líður að hausti. Degi er betur heldur farinn að styttast í annann endann. Við svo telur undirritaðurtími sé kominn að huga að skíðaferð til Austurríska/ungverskakeisaradæmisins alla vega byrja á því að verzla inn flugmiða svo hann verði á sem beztum kjörum.
Það eina sem er alveg ákveðið er hvert fljúga skal eða Friedrichshafen við Bodensee. Ekki hefur tímasetning verið negld niður en mokkrum hefur verið fleygt fram, t.d. eins og fara út laugardaginn 27.jan og koma heim miðvikudaginn 07.feb 2007 sem og 31.jan til 10.feb.
Hvar skíðað verður svo, hefur ekki verðið ákveðið en ýmislegt komið í umræðuna. Nú er bara tækifærið til að ræða málið á lýðræðislegum grundvelli og gaman væri að heyra hugmyndir um staði og tíma. Líka væri áhugavert að sjá hverjir hefðu áhuga að skella sér og jafnvel líka hverjir sjá sér ömuglega fært um að mæta.

Kv
Skíðaferðanemdin

laugardagur, ágúst 05, 2006

Eyjar!

Við erum komnir til Eyja, eitthvað að hitta peyja! Og hér sé stuð! Orðinn pabbi og svona. Gaman gaman. Annars er bara bongóblíða, og enginn gert neitt af sér, sem til tíðinda telst. Ja, fyrir utan Skáldið. Hvurnig er það annars, er það nokkuð framhjáhald ef það er í annarri sýslu? Hélt ekki. Svo koma myndir fljótlega. Eða ekki. Djamm!

föstudagur, ágúst 04, 2006

11 vinir óskast!

Mig gæti vantað 11 vini til að hjálpa mér að skipta um dekk á bíl. Ég er búinn að skrá okkur til leiks, spurning hvort fleiri geri það til að eiga meiri líkur á útdrætti. Nánar hér.

miðvikudagur, ágúst 02, 2006

Á Þjóðhátíð ég fer...

Víst er fagur Vestmannaeyjabær... söng skáldið eitt sinn, þó ekki Jarlaskáldið, og þangað skal halda á komandi Þjóðhátíð. Án efa rétt eins og meirihluti þjóðarinnar hefur sjálfsagt gert sér grein fyrir og það fyrir löngu síðan.

Líkt og nokkur hin fyrri ár mun undanfararhópur fara á undan hinum. Undanfararnir að þessu sinni eru auk þess sem þetta ritar þ.e. Stebbi Twist eða bara litli Stebbalingurinn, Jarlaskáldið og Kaffi. Munu kappar þessir fara á fimmtudaginn til eyjunnar fögru í suðri.

Komandi fimmtudag 03.gústa n.k mun sagnaritarinn stimpla sig út úr vinnunni og skunda úr skýlinu og yfir í flugstöð. Mun samt örugglega fá einhvern úr hlaðdeildinni til að skulta sér eða bara fá línuna til að redda sér. Kemur allt í ljós. Bara að fylgjast með.
Þegar í flugstöðina verður komið mun allur undanfararhópurinn koma saman. Áætluð brottför er kl:16:45. Fararskjótinn mun víst vera Dornier 328 frá City Star (Landsflugi), bara spurning hvort það verði þessi eða þessi. Kannski að við endum bara á einni svona??? En fyrir þá sem vilja vita meira um þessar vélar þá er það hér. Um 20 mín síðar lendum við á Heimaey og förum beinustu leið í sérvöruverzlun ríkzins er úr tollinum er komið.
Hinir koma svo 23.klst síðar í gleðina miklu. En það eru víst þeir VJ og Svenson

Síðan er stefnan að koma heim á mánudeginum og vonandi að við komumst í loftið á áætluðum tíma eða 15:15 og um 30 mín síðar verðum við í flugstöðinni í Reykjavík að bíða eftir dótinu okkar. Á bakaleiðinni mun víst farið vera Dornier 228 og hér eru nördaupplýsingar um hana.

Nóg í bili og brúðubílinn bíður

kv
Undanfararnemd

laugardagur, júlí 29, 2006

Ammili


Jæja, gott fólk, við erum hér stödd í þrítugsammili Vignis og það er allt á suðupunkti. Matnum var í upphafi skipt í tómatlausan annars vegar og ógeðslegan hins vegar, og hefur ekki frést af neinum sem orðið hefur meint af. Gjafir hafa verið ýmsar, fótbolti, klámspóla, Chevrolet Corvette, smjör og þar fram eftir götunum. Músík hefir einnig verið af ýmsum toga, við mismikinn fögnuð. Veðrið hefir verið til fyrirmyndar. Ekki hefir enn orðið vart við ofurölvun, en það ætti að fara að detta inn þá og þegar. Það er engin röð við salernið. Og skulum vér þar láta gott heita, og óska Vigni til hamingju með að vera orðinn alveg óskaplega gamall.

Góðar stundir.

fimmtudagur, júlí 27, 2006

Helgi komandi

Góðir hálsar!

Rétt eins og flestir landsmenn ættu að vita þá ætlar VJfagna 3.áratugum á komandi laugardag.
Að þessu sinni ætlar hann að breyta út af vananum og fagna því í höfuðstað þessa skers en ekki í Þjórsárdal líkt og mörg hin fyrri ár.
Þetta þýðir að ekki verður farið í helgarferð en það má vel fara í stutta ferð. Fara á flöskudaginn og koma svo aftur í bæinn á laugardag. Hæfilega snemma fyrir ammælisundirbúning.
Annaðhvort má fara og taka þjóðveginn beint á eitthvað tjaldstæði t.d. Þjórsárdal, svona til að halda í hefðina þessa helgina. Eða bara eitthvað allt annað. Allar hugmyndir um hvar má tjalda eru vel þegnar.
Hins vegar er spurning með að finna eitthvað smá jeppó. Ammælisbarnið hafði minnst á að hægt væri að fara Svínaskarð. Þá væri hægt að enda á Þingvöllum(vera alveg að drepast úr frumlegheitum), nú eða bara allt annars staðar. Svo er má alveg örugglega fara annað en samt betra að það sé ekkert alltof langt frá borg óttans né of langt. Allar hugmyndir eru vel þegnar. Ekki nennir maður né meikar að vera heila helgi í bænum svona yfir hásumarið. Að vera slíta þetta svona í sundur með ammælum. Hvað um það. Orðið er laust í þar til gerðu athugasemdakerfi. Ekki vera feimin

Kv
Jeppadeildin

sunnudagur, júlí 23, 2006

Helgarmyndirnar

Góðir lesendur!

Farið var núna dagana 21-23.júlí í Landmannalaugar og bíltúr um Faxasund og Skælinga. Fínasta ferð í alla staði.
Sérlegur hirðljósmyndari V.Í.N. stóð sig i stykkinu og tók myndir sem nú eru aðgengilegar á alnetinu. Þær er hægt að nálgast hér.

Góðar stundir!

(Uppfært 26.07)

Fyrir þá sem ekki hafa tekið eftir því þá hefur hinn myndasmiðurinn þ.e. enginn annar en Tiltektar-Toggi líka sett sinn myndaafrakstur inn á alnetið. Hanz myndir er hægt að nálgast hér.

miðvikudagur, júlí 19, 2006

Kæru landsmenn

Næsta helgi skal nýtt til útiveru. En hvurt er spurt. Mig langar að kasta fram hugmynd sem er eitthvað á þessa leið:

Fara Emstruleið inn í Hvanngil á föstudagskveldi og gista þar. Á laugardegi er farið inn í Landmannalaugar með viðkomu í íshellunum í Hrafntinnuskeri. Sunnudegi skal varið í heimferð með viðkomu í Hrunalaug ef við rötum!

Gaman væri að fá álit landsmanna á því hvað skal gjöra og hvet ég alla til að nota skilaboðaskjóðuna hér að neðan til að segja sitt álit.

fimmtudagur, júlí 13, 2006

Í fréttum er þetta helst...

Leifar af búnaði tveggja manna sem fórust á Skaftafellsjökli árið 1953 hafa fundist á jöklinum. Eyjólfur Magnússon og Alexander H. Jarosch, sem báðir stunda doktorsnám við Háskóla Íslands fundu hluta búnaðarins þann 6. júlí sl. og í kjölfarið var gerður út leiðangur til að leita að líkamsleifum mannanna.
Nánar hér.

föstudagur, júlí 07, 2006

Tjaldsvæði

Ef menn eru eitthvað í vandræðum með að ákveða hvert eigi að fara.

Þá er hérna listi yfir flestöll tjaldsvæði á Íslandi.

Bráðsniðugur vefur sem á eftir að eflast í framtíðinni.

http://www.tjaldsvaedi.is/

miðvikudagur, júlí 05, 2006

Að vera maður eða mús



Vonandi eru allir búnir að jafna sig eftir síðustu helgi, því ekki má slá slöku við, það þarf að nýta þetta örstutta íslenska sumar og ekkert múður. Út úr bænum skal halda, og þá er bara spurningin, hvert?
Sú hugmynd hefur komið upp að blanda saman sumarstemmningu við vetraríþróttir. Þá koma tveir staðir helst til greina, Snæfó og Kelló, hvort tveggja góðir kostir. Er það tillaga þess er hér ritar að sækja heim fyrrnefnda staðinn, enda langt síðan síðast, auk þess sem veðurguðirnir benda til þess að þar verði bongóið hvað mest um helgina. En þar sem þetta er ekki einræði (þó það myndi vissulega leysa mörg vandamál og vera að flestu leyti betra) er mál að áhugasamir tjái sig um hugmynd þessa, annaðhvort greiði henni atkvæði sitt eða komi með aðrar hugmyndir sem þeim þykir gáfulegri. Orðið er laust.

mánudagur, júlí 03, 2006

Myndir

Ef einhver hefur áhuga á að rifja upp helgina þá eru myndir mættar á lýðnetið. Sjáumst svo bara hress í Rugludal um næstu helgi. Og takk fyrir mig. Þetta var ekki næstum jafnleiðinlegt og ég óttaðist.

fimmtudagur, júní 29, 2006

Stúlkur athugið!



Þeir eru komnir aftur, Pelle og Hasse, bræðurnir síkátu úr innstu myrkviðum Svíþjóðar, og munu skemmta alla helgina í Þórsmörkinni með leik, söng og dansi. Þeir hafa sem kunnugt er ekki skemmt síðan þeir bleyttu allar kvenmannsbrækur í Mörkinni 2003, og biðin því orðin löng. Sætaferðir frá öllum helstu þéttbýliskjörnum, og sérstakt tilboðsverð, 52.000 kr., en 74.000 með "full release".

AÐEINS ÞETTA EINA SKIPTI!

Skemmtinemdin

Læri, læri, tækifæri...

Matseðill laugardagskvöldsins komandi er ekki af verri endanum. Holugrillað úrbeinað lambalæri með heitri og kaldri sósu kartöflum og salati.
Matreiðslumeistari: Kjartan kokkur (þrjár Michelin stjörnur)

Eftirtaldir eru skráðir í gourmet veisluna:
Maggi Bra. og Elín
Stebbi Twist og Guðrún
Nórurnar
Haffi
Toggi
Gústi og Oddný
Oddnýjarvinkona
2xBlöndahl
& VJ
+ gestir

Þeir sem eru skráðir eru vinsamlegast beðnir að millifæra veislugjöld kr. 1300 á reikning VÍN.
bnr. 528-14-604066
kt. 3007765079

Að lokum: gleðilegan fyllibyttudag

miðvikudagur, júní 28, 2006

Sá allra síðasti

Þá er komið að stóru stundinni. Nú skal sá allra, allra síðasti listinn birtur. Hér eftir verður það of seint að gera nokkuð við listann góða. Dveljum ekki lengur við það.

Fallega og skemmtilega fólkið:


Stebbi Twist
VJ
Jarlaskáldið
Haffi
Adólf
Maggi Brabra
Frú Andrésson
Andrés Þór
Stóri Stúfur
(S)Auður
Svenson
Hrönnsla
Hubner
Óli Explorer
Guðrún
Óli Flubbabróðir
Halldór Flubbabróðir
Runi og fjölskylda
Justa
Frænkan
Einhleypt vinkona Frænkunnar


Bílar:


Willy
Hispi
Lilli
Sigurbjörn
Barbí
Svartfellingur
Bronson
Framsóknarflokkurinn
Jeepinn
Explorer
Litli Kóreustrákurinn

Magnaður listi. Mikið á eftir að vera gaman hjá okkur og leiðinlegt hjá hinum sem ekki verða með okkur og ætla bara að hanga heima og helluleggja. Þeirra missir ekki okkar. Það er greinilega allt að gerast og klukkan er.
Svo svona rétt í lokin er rétt að geta þess að farið var í síðustu undirbúnings- og eftirlistferð fyrir fyrstuhelgaríjúlíárshátíðarþórsmerkurferð núna um síðustu helgi. Allt lítur vel út og allir vegir eru færir. Ekkert sem á að koma í veg fyrir mikla gleði

Annars þá sjáumst við bara á flöskudaginn, eigum þá gleðilegan fyllibyttudag og drekkum okkur í drazl.

Kv
Undirbúnings- og eftirlitsnemd

Í fréttum er þetta helst

Nú er gleðin barasta alveg að bresta á, og líkt og oft vill verða þegar margir koma saman fer Gróa á Leiti á flakk og hafði hún frá ýmsu að segja í stuttu spjalli við undirbúningsnemdina.

En heyrst hefur...

...að Stebbi Twist hafi sést á bílasölum undanfarna daga að leita sér að Toyotu, í ljósi "breyttra einkahaga"...

...að Maggi Blö hafi leitað bæði til Einars Vilhjálmssonar, Atla Eðvaldssonar og alls íslenska skíðagöngulandsliðsins í leit að afsökunum til að mæta ekki í Mörkina, en án árangurs, svo hann ku vera væntanlegur...

...að Jarlaskáldið hafi birgt sig upp af svefnlyfjum og eyrnatöppum til þess að ná loksins að festa svefn í Mörkinni...

...að vaselín sé einnig að verða uppselt á höfuðborgarsvæðinu, og mun það tengt væntanlegri glímu...

...að Herra og Frú Andrésson séu í stökustu vandræðum þar sem hústjaldafriðunarnefnd hafi bannað þeim að fara með "nýja" tjaldið sitt í Mörkina, og vísi til sögulegs mikilvægis...

...að Alda hafi fengið vinkonu sína til að mæta, svo fremi að vinkonan nái í leigubíl...

...að viðbúnaður hjá Björgunarsveitum á Suðurlandi sé í hámarki, einu stigi hærra en yrði við Kötlugos...

...að engir hestar verði sjáanlegir í Mörkinni, en þó ekki loku fyrir það skotið að þar sjáist hinar ýmsu gangtegundir, jafnvel með hraðabreytingum...

...að ríkisstjórnin hafi ákveðið að nota væntanlegan gróða af sölu fyrir ferðina í Áfengis- og tóbaksverslun ríkisins til að fjórfalda hringveginn...

...að þeim sem skrifaði þennan pistil verði fleygt í Krossá af þeim sem voru dissaðir í honum...

þriðjudagur, júní 27, 2006

3 dagar



Þrír er töfratalan eins og segir í kvæðinu, þrír voru vitringarnir, þrír bjórar eru í hálfri kippu og þrír væru fingur á hvorri hendi ef maður missti tvo af hvorri, en það eru einmitt þrír dagar í FyrstuhelgaríjúlíárshátíðarÞórsmerkurferð, og þrír dagar síðan VÍN-verjar sátu síðast þar að sumbli. Fyrir þá sem af því misstu eða vilja rifja gleðina upp er bent á þetta.
Annars er það helst að frétta að hinar ýmsu undirbúningsnemdir funda stíft þessa dagana, svo að allt verði sem best úr garði gjört þegar hátíð gengur í garð, og heiti ég þó ekki Garðar. Þá hefur Gróa á Leiti verið á fullu um allan bæ að safna sögum í sarpinn og má búast við einhverjum uppljóstrunum þar að lútandi á næstu dögum. Látum þetta duga í bili, góðar stundir.

föstudagur, júní 23, 2006

Fimm, Fimm, Fimmvörðuháls!



Nú er þetta aldeilis alveg að bresta á, brottför innan seilingar og endalaus gleðin skammt þar á eftir. Í kveld hélt galvaskur hópur undanfara inn í Mörk, þrír VÍN-verjar auk sérlegs aðstoðarmanns, og slógu niður tjöldum á hreint prýðilegum stað. Fer því hver að verða síðastur að bregða sér með, en eins og allir vita er miði möguleiki og aðeins dregið úr seldum miðum. Sumsé, lokaundirbúningsferðin fram undan, mætið eða verið ferhyrningar. Góðar stundir.

PS. Og til að koma sér í stemningu fyrir helgina, hlustið á þetta

fimmtudagur, júní 22, 2006

Mörkin

Þetta er alveg einstaklega góð mynd hjá Nóra núna. Gríðarlega lýsandi hvernig næstu tvær helgar verða í Þórsmörk.

Bongó bongó blíða.

Það á að fara ýmsar leiðir í mörkina núna helgina. Einhverjir ætla að fara yfir Eyjafjallajökul, aðrir fara Fimmvörðuhálsinn og enn aðrir ætla bara að keyra inneftir.

Þetta verður svo bestað og fundin besta leiðin til að komast inn í Mörk fyrstu helgina í júli.

Kveðja
Undirbúningsnemd.

miðvikudagur, júní 21, 2006

Næst síðasti

Jæja, góðir hálsar þá er komið að þeim næst síðasta í þessari æsispennandi þáttaröð. Sem stundum hefur jaðrað við að vera skyldari sápuóperu en öðru. Hvað um það.

Mannfólk:


Stebbi Twist
VJ
Jarlaskáldið
Haffi
Adólf
Maggi Brabra
Frú Andrésson
Andrés Þór
Stóri Stúfur
(S)Auður
Svenson
Hrönnsla
Hubner
Guðrún


Bílatæki:


Willy
Hispi
Lilli
Sigurbjörn
Barbí
MonteNegro
Bronson
Framsóknarflokkurinn
Jeepinn

Hér hafið þið það.
Framundan er svo síðasta undirbúnings- og eftirlitsferð fyrir fyrstuhelgaríjúlíárshátíðarþórsmerkurferð.

Góðar stundir
Undurbúningsnemd eftirlitsdeildar.

sunnudagur, júní 18, 2006

Á skíðum...

...skemmti ég mér!!!

Svona rétt áður en lengsti dagur ársins brestur er kominn tími að fara að huga að skíðaferð næsta veturs.
Iceland Express var núna um helgina að auglýsa flug til Friedrichshafen í vetur. Það er bara silld. Stutt í alla helstu skíðastaði austurríska/ungverskakeisaradæmisins og ekkert tengiflug, því miður þá bara eitt takeoff, og ódýrt að koma sér á staðinn. Nú þurfa menn, og jafnvel konur líka, að leggja höfuðið í bleyti og koma með tillögur um áfangastað og tíma. Svo er bara að negla þetta niður og af stað...

Kv
Skíðadeildin

föstudagur, júní 16, 2006

Fimmvörðuháls

Göngudeildin setti sig í samband við hinn aldna perra núna í vikunni. Ástæðan er sú að gamli skarfurinn er víst gildur limur í ferðafélagi einu er nefnist Útivist. Það vill nefnlega svo skemmtilega til að Útivist er aðstöðu í Básum og selur þar tjaldstæði. En það kemur sér vel fyrir áætlaða gönguferð yfir Fimmvörðuhálsinn n.k. helgi eða Jónsmessunna.
Hugmyndin var að Öldungurinn myndi reyna að notfæra sér klíkustarfsemi sína og fá meðlima afstátt fyrir okkur hina líka.Hann stóð sig í stykkinu og talaði við þá.
Það þarf víst ekkert að panta en fyrstir koma, fyrstir fá. Svo nú er bara smurningin þarf að fara innúr á fimmtudeginum eða ætla einhverjir innúr á flöskudeginum með dótið og skutlast svo á Skóga á laugardeginum.
Svo á ekkert að láta veðurótta stjórna lífi sínu eða öræfaótta. Bara drífa sig yfir hálsinn. Það væri nefnilega ágætt að fá að sjá hve margir hafa hugsað sér að fara svo hægt sé að gera viðeignadi ráðstafarnir.

Kv
Göngudeildin

fimmtudagur, júní 15, 2006

Hvað á að gera um helgina

Hvað á að gera um helgina ??

Er það brúðubílinn í bænum eða vatnaskíðun i kerlingarfjöllum ??

miðvikudagur, júní 14, 2006

Nú fer hver að verða síðastur!!!

Já, það eru orð að sönnu því nú fer hver að verða síðastur til að skrá sig í hina sívinsælu fyrstuhelgaríjúlíárshátíðarþórsmerkurferð. Því eftir þessum lista eru bara 2.eftir svo tíminn er að hlaupa frá ykkur þarna úti. Ekki það að litli Stebbalingurinn hafi nokkurn tíma séð þennan tíma hlaupa. Eða séð tíma svona yfir höfuð ekki frekar en rafmagn, sem er ekki til. Né heldur veit ég um nokkurn mann sem hefur séð tíma. Eða hvað um það. Um að gera að koma sér á listann o það strax. Já núna strax. Hættum nú að bulla um það og birtum dýrðina

Manneskjur:


Stebbi Twist
VJ
Jarlaskáldið
Haffi
Adólf
Maggi Brabra
Frú Andrésson
Andrés Þór
Stóri Stúfur
(S)Auður
Svenson
Hrönnsla
Hubner
Óli Explorer
Guðrún

Fjórhjóladrifstækin:


Willy
Hispi
Lilli
Sigurbjörn
Barbí
MonteNegro
Bronson
Framsóknarflokkurinn
Jeepinn
Explorer

Óbreyttur listi frá því síðast. Sem þarf svo sem ekki að vera neitt slæmt. Nú er bara um að gera að fara að safna brennivíni og öðrum göróttum drykkjum.

Nú að allt öðru. Eins og lofað var, fyrir ekki svo margtlöngu, veglegum verðlaunum fyrir gest nr:75.000. Og er er að koma að því. Nú verður gaman.
Eins og sjá má á teljara hér til hægri, mikið er gaman að benda fólki á til hægri, er ekki svo margir í það að þessari tölu verður náð. Eins og í mörg hinn fyrri skiptin verða vegleg verðlaun í boði. Til að gæta jafnréttis þá verður að sjálfsögðu verðlaun í karlaflokki og stúlknaflokki og hinum ýmsu aldursflokkum. Svo má ekki gleyma jákvæðri mismununinni.
Þá er bara fyrir þann heppna/heppnu að gefa sig fram í athugasemdakerfinu hér fyrir neðan. Jafnvel má nota tækifærið og skrá sig í fyrstuhelgaríjúlíárshátíðarþórsmerkurferð.

Kv
Undirbúningsnemd Eftirlitsdeildar

mánudagur, júní 12, 2006

laugardagur, júní 10, 2006

Þó, Þór, Þórs, Þórsmerkurlisti

Jæja, þá er komið að því að birta skráningarlistann fyrir fyrstuhelgaríjúlíárshátíðarþórsmerkurferð fyrir árið 2006. Rétt eins og glöggir lesendur hafa eflaust gert sér grein fyrir þá er listinn þessa vikuna frekar svona í seinna fallinu. Á því eru ýmsar skýringar s.l. miðvikudag, en er ætíð reynt að birta nyjustu tölur, var tæknin að stríða manni og ekkert hægt að gera þá. Fimmtudag almenn leti og svo í gær, flöskudag, skrapp undirritaður í eftirlits- og undirbúningsferð til Ve(r)stmannaeyja. Var verið að kanna jarðveginn fyrir Þjóðhátíð 2006. Sem er mjög góður og munu niðurstaða ferðarinar birtast hér á alnetinu á næstu dögum eða fljótlega eftir að skýrzlu hefur verið skilað til stjórnar.
Nóg um Eyjar og Þjóðhátíð í bili því þetta snýzt allt saman um fyrstuhelgaríjúlíárshátíðarþórsmerkurferð. Komum okkur loks að því

FÓLKIÐ:


Stebbi Twist
VJ
Jarlaskáldið
Kaffi
Adólf
Maggi Brabra
Frú Andrésson
Andrés Þór
Tuddi Tuð
(S)Auður
Svenson
Hrönnsla
Hubner
Óli Explorer
Guðrún

Samgöngur:


Willy
Hispi
Lilli
Sigurbjörn
Barbí
MonteNegro
Bronson
Framsóknarflokkurinn
Jeepinn
Explorer

Eins og sjá má þá haa ekki miklar breytingar frá síðast. Eiginlega bara engar og því er vert að minna á að bara verður dregið úr seldum miðum. Ótal glæsilegra vinninga í boði þar sem heldar verðmæti vinninga er allt að 300.ísl.kr og sérstök aukaverðlaun er Panflauta.

Kv
Undirbúningsnemd eftirlitsdeildar

föstudagur, júní 09, 2006

fimmtudagur, júní 08, 2006

Börsungar



Í gærkvöld var haldinn úrslitafundur um þrítugsammilisferð á hausti komanda líkt og flestir lesendur ættu að vita þar sem fundurinn var einkar fjölmennur. Sýndist sitt hverjum eins og gengur og gerist en að lokum var sú ákvörðun tekin að fela sérlegum millilandaferðafulltrúa VÍN að falast eftir tilboðum í för til Barcelona-borgar í kringum septemberlok, og voru það 10 manns sem kváðust tilbúnir í slíkt ævintýri.
Hlutirnir eru stundum fljótir að gerast þegar fólk í fæðingarorlofi tekur sig til: Pöntuð hefur verið ferð fyrir tíu manns og einn að auki til Barcelona-borgar þann 28. september og er heimkoma áætluð 2. október. Hið eina sem væntanlegir ferðalangar þurfa að gera er að reiða fram staðfestingargjald að upphæð 14.000 kr á allra næstu dögum og geta svo eytt næstu mánuðum í að láta sig dreyma um að teyga ölið á Römblunni í léttu bongói. Þeir sem ekki eru svo heppnir að vera meðal hinna 11 útvöldu eru beðnir um að hugsa ráð sitt, en ekki of lengi, því það er víst ekkert of mikið af sætum eftir í relluna. Sem fyrr minnum við á að miði er möguleiki og aðeins er dregið úr seldum miðum. Takk fyrir.

Tillagan um sólarlandaferð til Búlgaríu var felld.

miðvikudagur, júní 07, 2006

Myndir

Sælt veri fólkið!

Fyrir þær fáu sálir ekki vissu þá fór V.Í.N. í sína hvítasunnuferð um síðustu helgi. Það vill einmitt svo skemmtilega til að síðasta helgi var nefnilega hvítasunnuhelgin 2006. Ótrúleg tilviljnum það.
Ferðinni var heitið í Skaftafell eða Skaptafell og næsta nágrenni. Fínasta ferð alveg það, og þótt ótrúlegt sé þá var sjálfur öræfaóttinn með í för og það í öræfasveitinni. Magnað! Vonandi að hann láti nú sjá sig meira það sem eftir er af sumri.
Hirðljósmyndarinn, sjálft Jarlaskáldið, var að sjálfsögðu með myndavélina og er hægt að sjá afraksturinn af því á myndasíðu Skáldsins. Myndir úr hvítasunnuferðinni er hægt að nálgast hér. Njótið vel

Að lokum þakka ég samferðafólki mínu frá um síðustu helgi fyrir góða ferð. Takk fyrir mig

Góðar stundir

föstudagur, júní 02, 2006

Brottför



Jæja góðir hálsar, þá er loks komið að fyrstu "alvöru" útilegu sumarsins, allir komnir í gírinn, tilbúnir að skella pottunum á grillið og gulrót upp í... ja, látum það liggja milli hluta. Að höfðu samráði við sérlegan ferðafulltrúa í Suðurlandsdeild samgönguráðuneytisins hefir verið ákveðið að brottför verði úr borg óttans kl. 19.00 stundvíslega (sem yrðu mikil nýmæli í sögu VÍN ef tækist). Fregnir herma að sjálfur Öræfaóttinn muni mæta og því um að gera að grípa tækifærið til að sjá þessa goðsagnaveru sem flestir hafa heyrt um en fáir séð. Og svo allir saman:

Við kjósum Framsókn, bjartsýn við kjósum Framsókn, bjartsýn við kjósum...

fimmtudagur, júní 01, 2006

Barcelona

Ákvað að hringja í Heimsferðir og kanna með laus sæti til Barcelona fyrir 15 manns ( þá er miðað við að allir mæti) og það er nú ekki orðið mikið í boði.
Það sem heillaði mig mest er ferð 21-26 sept. Flogið er út um 7 á fimmtudagskvöldi og komið heim um 9 á þriðjudagsmorgni. Þessi ferð er mun fyrr en hinar og verður hitinn þá væntanlega meiri eftir því, svo eru þetta líka fleiri dagar :)
Aðrar ferðir sem eru í boði eru allar í 3 nætur, 27 okt og svo allar helgar í nóvember. Verðið á þessum ferðum er mjög svipað en veltur að sjálfsögðu líka á hótelinu sem við veljum.
Þá er bara málið að drífa í að ákveða þetta svo það verði nú ekki uppselt.
Endilega látið álit ykkar í ljós annars fæst aldrei niðurstaða í þetta mál

Skaftafell eða Skaptafell

Jæja þá heldur hópurinn af stað í Skaftafell eða Skaptafell á morgun.

Það er 7 kallar sem vitað er um núna sem ætla fara.

Menn þurfa að taka eiginlega allt það dót með sér sem þeir eiga. Klifurtúttur, belti, gönguskó, ísaxir, brodda og bara allt mögulegt því ekki er búið að ákveða dagskrá helgarinnar.

Kveðja
Undirbúningsnefnd.

miðvikudagur, maí 31, 2006

Vinsældarlistinn

Þá er senn komið að lokum maímánuðar og eftir að maí lýkur mun maístjarnan ekki skína meir á þessu áru. En hverjum er ekki svo sem drullu, skítsama. Nú framundan er er síðasti mánuðurinn á undan fyrstuhelgaríjúlíárshátíðarþórsmerkurferð og það er það sem eina máli skiptir.
Rétt eins og má sjá hér fyrir neðan, í fréttatilkynningu frá Jarlaskáldinu, þá er lokaundirbúningur kominn á fullt skrið. Enda ekki seinna væna. Þetta fer allt að bresta á og kvenfólk er farið að missa legvatnið af spenningi yfir komu V.Í.N. í Þórsmörkina sem er okkur svo kær og ljúf. Nú skulum við koma okkur að máli málanna á vinsældarlistan sívinsæla og þann sama og allir sem máli vilja skipta velja vera á. Allir eru velkomnir nema hnakkar og Frakkar. Nú eftir að júnímánuður gengur í garð geta menn síður reiknað með að fá stórglæsilega vinnninga því nú verða seldir miðar látnir mæta afgangi þ.e. þeir sem skrá sig hér eftir. Þannig er það nú barasta.
Ýkt óheppin(n)

Fólk sem ætlar að skemmta sér:


Stebbi Twist
VJ
Jarlaskáldið
Haffi
Adólf
Maggi Brabra
Frú Andrésson
Andrés Þór
Dr. Phil
(S)Auður
Svenson
Hrönnsla
Hubner
Óli Explorer
Guðrún

Tækin sem koma okkur á staðinn:


Willy
Hispi
Lilli
Sigurbjörn
Barbí
MonteNegro
Bronson
Framsóknarflokkurinn
Vilhjálmur
Explorer


Þetta er magnað að sjá.

Rétt eins og glöggir lesendur hafa sjálfsagt rekið augun í þarna kominn einn nýr einstaklingur inn. Þess má geta að þetta var eini aðilinn sem svaraði ferðafélagsauglýsingu svæðisstjóra og mætti í atvinnuviðtal og var samþykkt.

Dveljum ekki lengur við það heldur skal nú undirbúingi haldið áfram á fullu, og þá meina ég blindfullu, hvergi skal slegið slökku við.


Kv
Undirbúningsnemd eftirlitsdeildar

Skaftafell eða Skaptafell

Jæja eftir að vera búinn að spjalla við veðurfræðinga Íslands, spá þeir einna "best" fyrir Skaftafellið.

Veður spáin er lítur svona út.



Ekki slæmt.

Kveðja

þriðjudagur, maí 30, 2006

Niðurtalningin hafin fyrir alvöru

Í ljósi þess að í dag er akkúrat mánuður í FyrstuhelgaríjúlíárshátíðarÞórsmerkurferð er tími til kominn að spýta í lófana og hefja undirbúning fyrir alvöru. Framlag Jarlaskáldsins í þá veruna verður að sjá um að uppfæra daglega myndina hér fyrir ofan með myndum úr Merkurtúrum fyrri ára. Vilji menn koma með uppástungur að myndum til birtingar, eða, það sem e.t.v. líklegra er, benda á myndir sem þeir vilja ekki að birtist (hvernig mætti það annars vera?) mega koma skilaboðum til Jarlaskáldsins þar að lútandi með þeim hætti sem þeir telja best. Tekið skal fram að það er aldrei heitt á könnunni í Árbænum, en það er kannski kominn tími á það...

mánudagur, maí 29, 2006

Fjall fjall og aftur fjall

Jæja göngunefnd VÍN ætlar að ganga á Esjuna á morgun þriðjudag og það á bæta tímann síðan síðast.

Mætum öll!!

Göngunefnd VÍN.

miðvikudagur, maí 24, 2006

Framboðslisti

Jæja, gott fólk!

Svona rétt eins og vel flestir hafa sjálfsagt gert sér grein fyrir eru borgar,bæjar og sveitastjórnakosningar komandi laugardag. Þá koma allir til með skunda á sinn kjörstað og merkja þar X fyrir framan D. Þó svo að Skáldið vilji nú ekki viðurkenna það þá mun það kjósa Gísla Fliss. Ef Jarlaskáldið mun neita því og þræta fyrir það þá vitum við að það hefur kosið EXBÉ og vonast til að Bingi komist í meirihluta þá með Sjöllunum. Hvað sem allri pólitík líður þá er annað sem brennur á huga undirbúningnemd eftirlitsdeildar en það er að sjálfsögðu fyrstuhelgaríjúlíárshátíðarþórsmerkurferð.

Nú er framboðsfrestur alveg að renna út. Hann mun renna sitt skeið á enda kl:12:01 á hádegi eftir hádegi laugardaginn 27.maí nk í Laugardalnum á laugardaginn í Laugardalslauginni á laugardaginn í Laugardalnum. Þó svo enn verði hægt að skrá sig og einhverja sem það þekkir þá verður bara dregið úr þeim miðum sem seldir verða fyrir þessi tilteknu tímamörk. Nóg um það. Komum okkur að því sem mestu máli skiptir:


Fólk

Stebbi Twist
VJ
Jarlaskáldið
Haffi
Adólf
Brabrasonurinn
Frú Andrésson
Andrés Þór
Stóri Stúfur
(S)Auður
Svenson
Hrönnsla
Hubner
Óli Explorer

Ökutækin:


Willy
Hispi
Lilli
Sigurbjörn
Barbí
MonteNegro
Bronson
Framsóknarflokkurinn
Jeepinn
Explorer

Eins og gefur að líta er þetta gríðarlega sterkur listi og mun leiða liðin í mikla gleði núna fyrstuhelginaíjúlíárshátíðarþórmerkurferðinni 2006. Og ekki orð um það meir

Kv
Undirbúningsnemd eftirlitsdeildar

þriðjudagur, maí 23, 2006

Hvít Sunna

Þannig er mál með ávexti og vill svo merkilega til að í dag eru 10.dagar í helgina sem kennd er við Sunna einhverja sem kunn vera hvít. Jafnvel hvítari en undirritaður.
Annað sem er stórmerkilegt í þessu samhengi er að ef dregnir eru 2.dagar frá, þá munu vera 8.dagar í þessa ágætu helgi. Hitt sem ekki er síður merkilegt í sambandi við þetta allt saman er að ef það bætast við 2.dagar mundu það vera 12.dagar í þessa Jésúhelgi sem gefur oss frídag. Sem er mjög gott.
Jæja, en nú skal hætt allri kennslu í frádrætti og samlagningu. Enda er Litli Stebbalingurinn ekki kennslukona eins og Snorri hinn aldni perri.

Nú þegar hratt líður að þessari fyrstu ferðahelgi ársins, eins og einhverjir sjálfskipaðir spekingar hafa haft á orði, ber að huga að því hvert skal halda þessa einu löngu helgi. Þó svo sumir kunna að halda því fram að verzlunarmannahelgin sé löng og eftir þá skal það ítrekað hér að þeirri helgi er fyrir löngu ráðstafað.
En aftur að helginni sem kennd er við Sunnu hina hvítu. Það hefur viljað vefjast fyrir fólki hvurt skal halda þessa daga og ætlar undirritaður að koma með eina uppástungu. Hugmynd þessi er ekki frumleg, frekar en margt annað sem frá sagnaritanum kemur, en hvað um það. Látum hana flakka engu að síður.

Tillaga þessi er Skaftafell eða Skaptafell, man aldrei eftir hvor bróðirnium þetta er nefnd, og þá ekkert endilega með það í huga að fara á Hvannadalshnjúk. Það er svo nóg annað hægt að gera sér til dundur þarna og á næstu grösum.
Menn hafa líka nefnd norðanverða ve(r)stfirði og er það vel. Bezt að láta aðra um að tala um það.
Svo er bara orðið frjálst og fáir staðir svo slæmir að ekki megi athuga með að fara þangað dagana 2-5.júní n.k.

Svo að lokum þá virðist ekki vera vanþörf á því að minna á ferðafélagsauglýsingu svæðistjóra hér neðar á síðunni.

Kv
Hvítasunnusöfnuðurinn.