miðvikudagur, desember 24, 2014

Gleðileg jól öll saman.

og farsælt komandi ár !!!

Sjáumst sem oftast á nýju ári. ...


föstudagur, nóvember 14, 2014

fimmtudagur, nóvember 13, 2014

Krunka fer í kvennareið



októbermánuði síðast liðnum fór Krunka í sannkallaða kvennareið í gegnum Jaðarinn ásamt 80 öðrum tjéllingum. Þetta var sum sé fjallahjólastelpusamhjól Hjólaþjálfunnar og Arnarins, Óhætt er að fullyrða að þær stöllur hafi fengið hið prýðilegasta veður þarna. Amk var Jaðarinn þurrari en þegar hjólheztadeild V.Í.N. fór þarna. Það var töff að sjá hersinguna leggja af stað af Bláfjallavegi en það var svo endað í köku og grilli við Elliðavatnsbæinn. En þar á meðal var Hrabbla á Cube LTD SL

Krunka var vopnuð myndavél og má sjá útkomuna hér

þriðjudagur, nóvember 04, 2014

Aftur hjólað á Helgafell


Þann 11.okt s.l lét Litli Stebbalingurinn Matta Skratta plata sig aftur til að taka léttan túr upp á Helgafell. Að auki var Bergmann með oss í ferð. Því voru þarna þremenningarnir þrír á ferðinni eða:

Stebbi Twist á Cube
Bergmann á Merida
Matti Skratti á Specialized

Sá svo Patti um að koma okkur uppeftir eins og svo oft áður

Þessi ferð var í allastaði betri en sú síðasta og sjálfsagt spilaði veðrið þar stóran hluta en líka það að manni tókst að hjóla örlítið meira en síðast en ekki áttum við roð í gamla manninn þ.e Matta Skratta.

Allavega þá má nálgast myndir frá deginum hjer

sunnudagur, nóvember 02, 2014

Fann ekki leiðina heim



Núna fyrstu helgina í október fór FBSR með nillana í B1 upp í Tindfjöll þar sem verklegi hluti rötunar fór fram. Nú þetta var allt svo sem hefðbundið nema hvað að þessu sinni var Litli Stebbalingurinn akandi. En það var lagt af stað úr bænum á flöskudegi og er komið var við Fljótsdal var bæði nillum og inngengnum hent út til að rölta uppeftir. Einni gildi limur V.Í.N, þarna var

Stebbi Twist

Síðan voru þónokkrir góðkunningjar eða:

Matti Skratti og Arnaldur Diablo sem höfðu yfir umsjón með þessu eins og oft áður
Brekku Billi
Sleða Stebbi 
Ásdís hanz Stebba

Sleða Stebbi og Ásdís hanz Stebba voru á LC 90 og undirritaður ásamt Brekku Billa á FBSR5 sem er Togaogýta Hrælúx. Það kom oss skemmtilega á óvart hvað mikil snjór var uppfrá. Reyndar hundleiðinlegur snjór að því leyti að hann þjappaðist lítið sem ekkert en mjór er mikils vísi.
Við komum svo að þvi þar sem tjaldbúðir voru reistar og slógum upp Rei-tjaldinu og komum okkur fyrir. Ljúft að komast aftur í tjald og lúlla í því.

Þegar við risum svo á fætur á laugardagsmorgninum hafði snjóað meir og ekkert nema gott um það að segja. Eftir að nillunum var komið út á örkina gerðum við bílamaurar heiðarlega tilraun til að komast upp í ÍSALP skála. Höfum ekki fleiri orð um það en þangað drifum við ekki. Ofan í einum lækjarfarvegi var snjór upp að húddi og pikkfestist sá Grái þar.
Sökum veðurs og aðstæðna m.a snjóflóðahættu var prógraminu aðeins breytt en ekki farið nánar út í það. Við Billi skruppum svo aðeins til Hvolsvallar að næla okkur í meiri steinolíu fyrir gamla selið og á leiðinni kíktum við aðeins á B2 sem voru í straumvatnsbjörgun í skálanum undir Felli.
Síðan um kveldið var allt afskaplega hefðbundið. Bauna og pulzurétturinn frægi, einn týndist um nóttina. En vegna aðstæðna var ekki hægt að fara að Hafrafelli og því gengið bara aftur niður að Fljótsdal. Við á FBSR 5 renndum niðureftir og kíktum aftur á B2. B1 kom svo niður og þá gat maður ekki misst af keppninni.
Niðurstaða helgarinnar var samt sú að ef snjórinn heldur sér þarna þarna þá lofar það góðu fyrir veturinn

En allavega þá geta áhugasamir kíkt á myndir frá helginni hjer

miðvikudagur, október 29, 2014

Með snöru um hálsinn



Eins og sjá má hér var jafnvel hugmyndin að taka hjólheztatúr næztsíðustu helgina í sept og þá fara Svínaskarð. En eins og oft vill verða þá verða hlutirnir ekki eins og ætlað var í fyrstu. Það týndist úr þeim sem sýndu áhuga og að lokum stóð Litli Stebbalingurinn einn eftir. Nú þá er ekkert annað að gjöra en að breyta plönum. Við Maggi Andrésar ákváðum að skella okkur í hjólatúr á laugardeginum. Allt í einu var Matti Skratti kominn í hópinn og rétt áður en við fórum eitthvað út í buskann kom kauði með þá hugmynd að hjóla Snöruna. Var það samþykkt samhljóða enda vissum við ekkert út hvað við vorum búnir að láta plata okkur út í. Það voru því þrír sem endu að fara þennan dag en það voru:

Stebbi Twist á Cube LTD SL
Maggi á móti á Gary Fisher Cobia 29
Matti Skratti á Specialized Enduro Evo

Pattinn hanz Matta Skratta sá svo um að koma okkur á upphafs-og lokapunkt

Skemmst er frá því að segja að þetta er snilldar leið. Óhætt að fullyrða að við eigum eftir að fara þarna aftur næzta sumar

En bezt að hafa bara sem fæst orð um þetta og láta myndir tala sínu máli hér

sunnudagur, október 26, 2014

Fuglaskoðun í Heiðmörk




Nú um miðjan síðasta mánuð eða öllu heldur þann 16.sept s.l fór B2 hópur FBSR í kveldhjólheztaferð í Heiðmörkina. Litli Stebbalingurinn ákvað að skella sér með og nýta ferðina til fuglaskoðunnar. Reyndar var Stebbalingurinn ekki eini gildi limurinn þarna þetta kveldið því Bergmann skellti sér líka. Svo voru þarna góðkunningjar V.Í.N. eða þeir Bubbi Flubbi aka Bubbi Trucker og Haukur Eggerts

En af svona gömlum vana er ætlunin að telja hér upp nokkra ásamt hjólheztafáka þeirra:

Stebbi Twist á Cube LTD SL
Bergmann á Merida Big Nine TFS

Síðan góðkunningarnir:

Bubbi á Specialized Awol
Haukur Eggerts á Wheeler Pro 29

Upps það gleymdist að minna á einn svona semi gildan lim en það er Benfield sem var með í ferð

Benfield á Trek

Og er hjer með beðist velvirðingar á þessari gleymsku og mistökum

Svo komu bæði nillar sem og inngengnir á alls konar týpum af hjólum ss eins og:

Trek
Scott
Specialized
Wheeler
Mongoose

Jafnvel einhverju sem ég er að gleyma

En þetta var svo sem hefðbundin fuglaskoðun í Heiðmörk nema hvað í restina vorum við í kapphlaupi við myrkvið en í lokin var orðið ansi dimmt en svo sem bara gaman að því

Sé einhver nenna hjá einhverjum má skoða myndur hjér

föstudagur, október 24, 2014

Hnútar og flækjur



Núna fyrstu helgina í september hélt FBSR námskeið í fjallabjörgun fyrir nillana í B2. Litli Stebbalingurinn var á svæðinu til að aðstoða m.a Eldri Bróðirinn við kennslu. Allt þetta frekar hefðbundið. Farið á landsins helgasta stað þ.e Þingvelli á laugardeginum og síðan í Stardal á sunnudeginu. Hef svo sem ekkert fleiri orð um það en hafi fólk ekki gaman af hnútum og þess háttar má ekki reikna með að það hafi gaman af myndum frá helginni.

Talandi um myndir þá má skoða þær hjer

fimmtudagur, október 23, 2014

Bústaðaskreppur



Nú síðustu helgina í gústa eða laugardag til sunnudags var Eldri Bróðirinn svo elskulegur að bjóða okkur, ásamt fleirum sem geta talist góðkunningjar V.Í.N, en það voru Steinar og Hildur annars vegar og Viktor og Áslaug hins vega ásamt Arnari Þór.
Við renndum frekar seint í hlað en hófum bara handa við að gjöra matinn kláran og komu allir með humar í forrétt, síðan kom aðalréttur að lokum sá Áslaug og Hildur um eftirrétt. En restin af kveldinu var svo sem hefðbundið spjall og síðan fór karlpeningurinn í pottinn. Allt svo sem rólegt í góðum félagsskap.
Er vaknað var á messudag og eftir að hafa mallað egg og beikon gengum við frá sem meztu enda þurftum við að fara snemma aftur í höfuðborgina. Leitt að þurfa fjósa svona snemma en stundum er það bara svo. Við allavega kunnum Eldri Bróðirnum hinar beztu þakkir fyrir höfðinglegt boð og ekki síðri móttökur

Sé nenna og áhugi má skoða myndir hjer

miðvikudagur, október 22, 2014

Helgafellið hjólað



Laugardag einn þ.e síðasta laugardag í gústa lét Litli Stebbalinginn, einn góðkunningja V.Í.N. þ.e Matta Skratta, plata sig upp á Helgafell í Hafnarfirði. Kauði lofaði því að þetta væri ekkert mál á hardtail svo maður sló bara til.

Við renndum á bílastæðið við Helgafell og tókum niður hjólin. Mikið var ljúft að hjóla bara að Helgafell en ekki labba. Svo tók brekkan við upp fellið og við bárum hjólin meira upp en að hjóla. Svo fór að rigna en þeir spáðu sól. Eftir venjulegar toppamyndir hófst niðurferð og ekki var langt komið niður á við þegar Stebbalingurinn hrasaði og lenti á móbergs sem leiddi af sér smá rispu. En menn eru ekki frá því að Helgafellið hafið lækkað um nokkra metra við þetta fall. En hvað um það þá minnkaði sjálfstraustið aðeins við þetta svo Matti Skratti hjólaði nú talsvert meira enda á töluvert betri hjólhezt fyrir svona glenz. Engu að síður skiluðu báðir sér niður að bíl sáttir og glaðir með afrek dagsins.

Það sem kom helst á óvart við þetta er hvað þetta tók skamman tíma og náttúrulega hvað þetta var fjandi skemmtilegt
En allavega þá má skoða myndir frá för þessari hjer

þriðjudagur, október 21, 2014

Stykkishólmur: Safnadagur



Jæja er ekki kominn tími á færzlu og segja loks frá fjórða degi Stykkishólmsreisu oss. Mánudagur rann upp og var hvorki bjartur né fagur. Við byrjuðum daginn á því að kíkja í smá heimsókn til skyldfólks þeirra mæðgna sem eiga nýuppgjört hús þarna í Hólminum. Svo tókum við smá göngutúr um kauptúnið. Síðar um daginn fórum við gamla fólkið í Norska húsið en þar er rekið safn, svona eins konar byggðasafn. Fyrir sögunjörðinn Stebba Twist var þetta skemmtileg heimsókn og hægt að mæla með því fyrir áhugasama. Síðan eftir tók bara við undirbúningur fyrir heimför sem gekk svo sem áfallalaust fyrir sig og litið til segja frá annað en það að alltaf er jafn leiðinlegt að keyra Mýrarnar.

En sé áhugi má skoða myndir hér

mánudagur, október 13, 2014

Stykkishólmur: Letidagur



Það var kominn upp messudagur. Rétt eins og stendur í hinni heilagri ritningu þá á maður að halda hvíldardaginn heilagan. Það má segja að slíkt hafi verið gjört þennan dag. Enda var úti hávaða snæfellskt rok og nennan eiginlega eftir því bara. Annars telst helst til tíðinda þennan dag var ferð út á leikvöll með Skottu. Ætli þá sé ekki bezt að vara fólk við fullt af myndum af Skottu að róla sér. Annars fór dagurinn bara í sjónvarpsgláp, blaða-og bókalestur ásamt síðdegiskaffi.

En allavega þá má skoða myndir frá þessum tíðindalausa degi hér

laugardagur, október 11, 2014

Stykkishólmur: Beinagrind í Berserkjahrauni



Það var þá runninn upp laugardagur. Þann dag hafði verið sett á plan smá hjólheztahringur en sá átti að verða um Helgafellssveit og síðan í gegnum Berserkjahraun. Dagurinn byrjaði reyndar óskap hversdagslega eða með ferð í nýlenduvöruverzlun. Svo tók bara við undirbúningur fyrir hjólheztaferð sem aðallega fólgst í því að skipta um föt.

En allavega þá var stígið á sveif um sveitina og vel hægt að mæla með þessum hring og þá sérstaklega kaflanum í gegnum Berserkjahraun. Svo er líka skemmtilegt að horfa út á Breiðafjörðinn frá Helgafellssveit og ekki skemmir að hafa Drápuhlíðarfjall og Bjarnarhafnarfjall svona sitthvoru megin við sig. Sum sé skemmtilegur en ekki krefjandi hjólheztatúr á laugardegi.

Þegar var svo komið aftur í Hólminn þar sem fólk gjörir stykkin sín var vel við hæfi að skella sér í sund. Enda laugardagur og á laugardögum laugar fólk sig skv gamalli íslenzkri hefð. Þarf vart að fara mörgum orðum um sundlaugina í Stykkishólmi því hún ætti að vera flesum gildum limum að góðu kunn enda held ég bezta sundlauginn á Snæfellsnesi. Eftir laugarferð á laugardegi tók við grill og að sjálfsögðu hjólabjór með.
Kveldið fór svo bara í áhorf á (drykkju)menningarnæturtónleika Rásar tvö sem sýndir voru beint í sjónvarpi allra landsmanna.

En alla vega lagi einhverjum til að skoða myndir frá deginum má gjöra slíkt hjer

fimmtudagur, október 09, 2014

Stykkishólmur: Í hólminn til að gjöra stykkin sín



Núna næzt síðustu helgina í gústa höfðu foreldrar  Krunku ásamt vinafólki boðið oss, litlu fjölskyldunni á H38, í bústað í Stykkishólmi. Ef bústað skal kalla því þetta var bara orlofsraðhús. Slíkt boð var þegið og heldum við veztur á boginn á flöskudagskveldi á Rex með tvö stk hjólhezta á kúlunni. Enda var ætlunin að taka smá hjólheztahring á laugardeginum.

Ferðin byrjaði í Úlfarárdal þar sem komið var við í tveggja ára ammæli og belgurinn fyltur með kökum og öðrum sætindum áður en haldið var út á land. Fyrsti og eini stanzinn var í Borgarnesi þar sem Rex var fylltur af óendurnýjanleguum orkugjafa til ferðarinnar. Við renndum svo í Hólminn einhverntíma um kveldið og það verður að segjast í enn eitt skipið, mikið er alltaf jafnleiðinlegt að keyra Mýrarnar, en hvað um það. Við komum okkur bara fyrir og svo varð almennt tjill með bjórsmökkun og snakkáti.

Það má skoða örfáar myndir frá þessu kveldi svo hjér

þriðjudagur, október 07, 2014

Hjólheztaferð FBSR: Dagur 3



Það rann upp messudagur í Skálanum í Krók og allir risu á fætur á u.þ.b. sama tíma. Merkilegt það. En eftir hefðbundin morgunverk sem samanstóðu ma af morgunmessu, morgunmat og Mullersæfingum. Eftir að því lauk var hafist handa við að gjöra sig klára fyrir daginn. Að sjálfsögðu var skilið við skálann í ekki síðra ástandi en við komum að honum og eftir það höfust menn og konur við að gjöra hjólheztafáka sína klára fyrir átök dagsins, það voru smurðar keðjur, stilltir gírar og sitthvað fleira smálegt.

Svo var bara stígið á sveif með stefnuna í Langadal í Þórsmörk. Fyrst lá leiðið að Mosum við Markarfljót. Ansi gaman að hjóla í gegnum gilið þar og þessa leið bara heilt yfir. Það var komið við í Hobbitaholunni sem er þarna á leiðinni. Er komið var að skálanum við Mosa var gjörður þar stuttur stanz áður en haldið var að Emstrum í gegnum Hattfellsgil. Sáum aðeins glita í skálanum við Hattfell en komum þar eigi við. En undir Hattfelli var vart stætt sökum hvassviðris en öllum tókst þó að skila sér í Emstrur. Þar var tekið hádegishlé. Að sjálfsögðu drógum við upp afganginn af lærinu sem snædd hafði verið kveldið áður með öllu tilheyrandi meðlæti. Það var gaman að sjá svipinn á sænsku ferðagöngugörpunum sem voru að pína ofan í sig þurrmat er við hin gúffuðum íslenska lambalærinu ofan í okkur. Þarna kom líka annar hjólahópur sem var að koma frá Strút.

Svo var kominn tími að halda áfram ferð vor. En þarna var aðeins farið að ýrja úr lofti en auðvitað kvartar maður ekki yfir því. Við tók ferð í Þórsmörk með fullt af giljum upp og niður en svo sem skemmtileg hjólaleið þar sem maður náði að hjóla. Við komum svo í Langadal og þar tóku á móti okkur heilagir munkar úr austurvegi. En þar sem ekki voru allir bílar komnir á svæðið var ekkert annað gjöra í stöðunni en að hjóla á móti þeim. Það gekk að meztu leyti og mættum við bílunm rétt vestan við Merkurker. Þá var bara hjólum skutlað á pallinn á Sexunni, skipt um föt og léttur snæðingur tekinn. Þar með eiginlega lauk formlega hjólheztaferð FBSR 2014 og mikili s(n)illdarför.

Hafi einhver áhuga má skoða myndir hjer

fimmtudagur, október 02, 2014

Hjólheztaferð FBSR: Dagur 2



Maður vaknaði upp á laugardagsmorgni endurnærður eftir góðan nætursvefn á snilldar hálendistjaldsvæði. Við tóku hefðbundin morgunverk s.s eins og morgunmatur, morgunmessa og Mullersæfingar. Eftir að tjöldin höfðu verið rifin niður, töskur skultlað í bíla var loks hægt að stíga á sveif. Allir voru léttir í lundu enda aðstæður til hjólheztareiðar hinar beztu ekki skemmdi veðrið fyrir. Ekki leið á löngu uns komið var að fyrsta vaði en það var lítið og auðvelt. Eftir að beygt hafði verið útaf Dómadalsleið kom fljótlega að því sem flestum kveið fyrir en það var ríflega 400 metra hækkun upp Pokahryggina. Hækkunin hafðist nú hjá öllum og hæðst fórum við í 977 m.y.s í hæð. Gaman að því.

Það hæðsta sem Litli Stebbalingurinn hefur farið á hjóli amk enn sem komið er. En ef minnið mitt er ekki að svíkja þá eiga VJ og Maggi á móti hæðarmetið í Hjóladeild V.Í.N. frá því að kapparnir hjóluðu Laugaveginn á því herrans ári 1999, en þá sáu Litli Stebbalingurinn og Willy um að trússa fyrir kauða. Það var gaman að því. Svo 2006 AD hjóluðu VJ og Jökla-Jolli Fimmvörðuháls og eiga því rúmlega 1000 m.y.s. á hjóli þar. Smá sögustund

Eftir þetta lá leiðin bara niður á við eða svona að meztu leyti. En við fylgdum þarna veginum að meztu og tókum nokkra brekkuspretti, bæði upp og niður en þeir niður í móti voru heldur skemmtilegri, við fórum nokkrum sinnum yfir Markarfljót á vaði. Lítið var í fljótinu og því auðsótt mál. Svo við Álftavatn skildu leiðir við bílana. Við hjólum sem leið lá að Torfahlaupi, með stuttri viðkomu í Líkhelli, og síðan meðfram hlíðum Sátu á reiðstígum. Mjög svo skemmtilegur kafli, uns við komum aftur að Markarfjóti við Krók en þar fórum við yfir á göngubrú og hinum megin beið náttstaður okkar sem var skálinn í Krók. Það er tiltölulega nýbúið að gera skálann upp og óhætt að fullyrða að þarna er kominn sannkölluð hálendishöll. Fáranlegur munur á skálanum frá því maður kom þarna síðast. Má hrósa nýjum eigendu/umráðamönnum fyrir það hvað vel hefur tiltekist í að endurbyggja skála þennan og alveg með þeim flottari sem undirritaður hefur komið í og gist í. Ekki skemmdi svo fyrir að bílstjórarnir höfðu hafið undirbúning fyrir grill en á matseðlinum var að sjálfsögðu fjallalambalæri. Óhætt er að fullyrða að þarna hafi verið sannkölluð hálendisveizla en ostar og kex í forrétt, lambalæri og tilheyrandi í aðalrétt síðan pönnukökur, rjómi og súkkulaði í eftirrétt og auðvitað kaffi. Allt þetta rann ljúft ofan í svanga munna. Svo eftir uppvask og ýmsar hetjusögur var bara skriðið ofan í poka og haldið í draumaheima

Hafi fólk áhuga má skoða myndir frá deginum hér


þriðjudagur, september 30, 2014

Hjólaheztaferð FBSR: Dagur 1



Jæja, það er víst ennþá sumar þó komið sé fram í gústa. En að þessu sinni var haldið í hjólheztaferð um Fjallabak með FBSR. Ekki beint V.Í.N.-tengt sem samt óbeint. Þarna í ferðinni voru 3 gildir limir V.Í.N. ásamt tveimur góðkunningjum.

En gróft ferðaplan fyrir ferðina var á þennan veg. Byrjað að hjóla í nágrenni Landmannahellis og Pokahryggir hjólaðir suður á boginn, farinn bílvegur og og yfir Markafljót, kringum Laufafell og aftur yfir Markafljót, áleiðis að Álftavatni og þaðan að Torfahlaupi og síðan reiðgötur meðfram hlíðum Sátu, fara yfir göngubrú yfir Markarfljót við Krók og gista síðan á skálanum þar. Á messudag yrði hjólað áfram í Mosa og á brú yfir Markarfljót í Hattfellsgil og þaðan slóða að skála í Emstrum (Botna) og síðan hjólað þaðan í Þórmörk. Svo eftir nennu að Stóru Mörk. Sum sé stórgott plan og allt leit úr fyrir stórskemmtilega hjólheztaferð.

Þar sem það voru teknar slatta af myndum þá er kannski óþarfi að bomba ca 160 myndum i eitt albúm heldur skal þessu skipt niður á dagana og um leið hefur maður smá líf á þessari ástsælu síðu vor. Síðan er líka skemmtileg tilbreyting að það eru ekki endalaust margar myndir af Skottu að smjatta á trúðasleikjó og kannski verður þetta áhugaverðugra fyrir flesta.. Jæja komum okkur að ferðasögunni  sjálfri

Það var á flöskudagskveldi að her manns kom saman í höfuðstöðvum FBSR við Flugvallarveg eða 13 sálir. Þar af voru 3 gildir limir eða þau:

Stebbi Twist á Cube LTD SL
Krunka á Cube Nature PRO
Eldri Bróðirinn á Wheeler PRO69

Svo voru líka tveir góðkunningjar:

Eyþór á Ford F350 sum sé sá um að vera annar helmingurinn af trússgenginu
Haukur Eggerts á Wheeler PRO29

En þarna blandaðist saman fullt af hjólum en tegundirnar samanstóðu af:

3 stk af Cube
2 stk af Wheeler
2 stk af Trek
2 stk af Giant
1 stk af Scott
1 stk af Norco

samtals 11 hjólarar og tveir bílstjórar.

Fyrsti leggurinn lá yfir Hellisheiðina á þremur bifreiðium með viðkomu í Krónunni á Höfðanaum en bílarnir voru

FBSR3: Hyndai Starx H1
FBSR4: Toyota HiLux
FBSR6: Ford F350

Fyrsta stop var svo Hoflandssetrið í Verahvergi og þar fór fólk mett af mat. Síðan var ekið sem leið lá upp í Landmannahelli. Ekki voru allir sammála um hvaða leið skyldi farin og fóru 2/3 upp Landveg en 1/3 fór upp Gnjúpverjahrepp og yfir stífluna fyrir ofan Búrfell. Skemmst er frá því að segja að Landvegurinn er fljótfarnari. En hvað um það. Þegar komið var upp í Landmannahelli var svo sem bara slegið upp tjöldum.
Þarna kom reynsla á nýtt tjaldstæði á hálendinu. Þetta fær sko fyrstu einkunn. Miklu færra fólk en td í Landmannalaugaum ásamt því að hælarnir runnu ofan í jarðveginn eins og ofan í mjúkt smjer, síðast en ekki síst þægilegt að liggja þarna. Þannig að þarna mun maður tjalda í framtíðinni þegar maður á leið um svæðið. Skítt með Landmannalaugar

Það eru ekki margar myndir frá flöskudagskveldinu en alla vega má skoða þær hér

sunnudagur, september 28, 2014

Verzló: Messudagur



Messudagur rann upp en þó varla bjartur né fagur. Það var amk skýjað. En hvað um það. Eftir að allir voru komnir á fætur og höfðu lokið við messu, bæn, morgunmat síðan Mullersæfingar sem aðallega fólust í því að elta hunda sem aðrir tjaldstæðageztir höfðu meðferðis var komið að hápunkti dagsins. Svona alla vega hjá þeim minnstu en það var ferð yfir í dýragarðinn í Slakka. Jú, jú allir skemmtu sér þar og allt það fengu ís. Svo var bara kominn tími að huga að heimferð því það beið jú vinna hjá Litla Stebbalingnum allt of snemma á mánudagsmorgninum. En eftir hamborgaraát og fellun á tjaldi var ekið sem leið lá heim á veg. Þar telst helst til tíðinda að þar sáum við Patról draga Togaogýta. Ótrúlegt að slíkt skuli ekki hafa verið gjört í skjóli nætur.

En nenni lesendur að skoða myndir frá deginum sem aðallega eru af Skottu að klappa loðdýrum og smjatta á ís má gjöra slíkt hjer

föstudagur, september 26, 2014

Verzló: Laugardagur



Þá rann upp laugardagur. Eftir að hafa tekið því rólega fram eftir degi en svo var kominn tími á að gjöra eitthvað eða fara. Úr varð að kíkja að Háafoss. Það var svo sem bara ekið sem leið lá upp Gnjúpverjahrepp og beygt út af þjóðveginum við Hólaskóg, þar sem er varla stingandi strá, og ekið sem leið lá veginn að Háafossi. Síðan var bara túrheztast þarna teknar myndir og notið þess að vera úti í stórbrotinni náttúru. Eftir þessa fossaskoðun var svo rennt á Flúðir til að fara í sund. Eftir mikla leit tókst að finna sundlaug sem var opin sem var einmitt á Flúðum. Eftir að hafa baðað sig var kominn tími að koma sér á tjaldsvæðið á Laugarás, opna öl og fíra upp í grillinu. Bið oss svo bara kveldmatur og létt almennt kveldspjall.

Sé vilji til þá má skoða myndir frá deginum hjer

miðvikudagur, september 24, 2014

Verzló: Flöskudagur




Þó svo að sumarfríið hafi verið búið og sömu sögu má segja af sumartúrnum en þá er ekki þar með sagt að sumrinu hafi verið lokið. Síður en svo. Nú var runnin upp verzlunnarmannahelgi. Eftir að hafa rætt við nokkra varð niðurstaðan sú að við heldum á Laugarás en þar hittum við fyrir félaga okkar frá verlzó 2012 en þá vorum við á Álfa(bikar)skeiði. En þetta voru þau:

Eyþór Kári
Bogga
Katrín 

á Lata Róbert með kombí kamp í eftirdragi


Svo í kjalsoginu á þeim komu við þ.e

Stebbi Twist
Krunka
Skotta Twist

á Rex og bara með tjaldborgartjaldið í farangurrýminu síðan að sjálfsögðu grillið líka

Þess má svo geta að félagi vor Magnús Brabrason og fjölskylda heldu örlítið austar en við eða á Hellishóla. En þar var líka Halli Kristins, sem er með ykkur á Bylgjunni, og kíktu þeir m.a upp í Tindfjöll sem er vel.

En alla vega þá komum við okkur fyrir neðst á tjaldstæðinu. Sem síðar átti aðeins eftir að koma í hausinn á okkur síðar. Önnur saga. Eftir að hafa tjaldað og allt það var fírað upp í grillinu þar sem eðalborgurum var skellt á grillið, étið og skollað niðr með bjór. Svo kom bara að háttatími. Af sem áður var um verzlunnarmannahelgi

En amk má skoða myndir frá deginum hjer

sunnudagur, september 21, 2014

Sumartúrinn 2014: Eftirmál



Jæja þá er loks frásögninni af sumrinu 2014 lokið. Óhætt er að segja að þetta hafi verið skemmtilegt ferðalag þrátt fyrir nokkur óvænta og óplanaða atburði. En með góðra manna hjálp leystist það allt.
Líka var snilld að hafa svona góðan félagsskap með og má segja að litlu stelpurnar hafi haft eina mezt gaman að því. Sömuleiðis var gaman að rekast á gamla félaga og gilda limi eða þá Stebba Geir og Kára Smartís. Vonandi að einhverjir hafi fengið hugmyndir eða heyrst/séð af góðum stað til að sjá eða gista á. Að lokum þá er óskandi að þessi frásögn kveikji vilja hjá fleirum að slagst með í för á næzta ári en víst er að bæði Hólmvaðsklanið sem og Twistfjölskyldan er strax farið að hlakka til sumarfrísins á sumri komandi

föstudagur, september 19, 2014

Sumartúrinn 2014: Heim á leið


Já helgin er svo lengi að líða, hversu lengi má ég bíða. Fram á þriðjudagskveld. Já það var runninn upp þriðjudagur og vinnan beið manns næzta morgun. Fátt annað í stöðunni en að koma sér í borg óttans. Lítið um það að segja í sjálfu sér. Bara ekið sem leið lá suður á boginn eftir þjóðvegi 1. Alla vega skiluðu sér allir heim og hjer eru örfáar myndir frá deginum

Þar með var sumartúrnum 2014 lokið. Skemmtilegir dagar í frábærum félagsskap. Þá er bara vonandi að við verðum ennþá fleiri næzta sumar.

fimmtudagur, september 18, 2014

Sumartúrinn 2014: Horft í suðurátt



Upp var runninn bezti dagur vikunnar sem er auðvitað mánudagur rétt eins og fleztir ættu að vita. Nú var farið að horfa til heimahaganna. Fyrir því voru aðallega tvær ástæður Litli Stebbalingurinn þurfti jú að mæta til vinnu á miðvikudagsmorgni sem og voru spámenn ríksins sammála um að það ætti að fara að kólna og gjöra slagveðursrigningu norðan heiða. Hvað sem því líður þá tókum við saman í blíðu og kvöddum Hlíð að sinni. Fyrsta stopp á heimleiðinni var Vogafjós en þó ekki til fá okkur tertusneið með rjóma heldur bara til kíkja aðeins á mööömööö. Börnin höfðu jú gaman að því. Reyndar var gjörður stutt neztispása þarna en bara með heimasmurt á bílastæðinu. Öll hersingin rúllaði svo vestur á leið til Agureyrish en þegar þar var komið voru allir orðnir svangir. Niðurstaðan var að kíkja í Kristjánsbakarí, sem er fleztum að góðu kunnugt eftir all nokkrar skíða-og menningarferðir þar sem gizt er í Furulundi, snæða síðan bara í Tröllagili. Þar átti líka að taka aðeins stöðuna og kíkja á veðurspá.
Eftir að allir voru orðnir mettir fóru pabbarnir á lýðnetið til að kíkja á skeytin. Loka niðurstaðan varð svo sú að Hólmvaðsklanið hélt til Ólafsfjarðar þar sem Arna og Tommi, hinn finnski, voru og ætluðu þau að heilza upp á þau. En þar var sko rigningarspá. Þar kvöddu við þessa góðu ferðafélaga og þökkuðu þeim fyrir skemmtilega daga, bara vonandi að það verði aftur næzta sumar svona eðal selskapur í sumartúrnum. Óskuðum við þeim góðrar ferðar en sjálf Twistfjölskyldan varð eftir í Tröllagilinu. Við gistum þar yfir nóttina og svo sem fátt markvert, ef þá nokkuð gjörðist, annað en við höfðum það bara gott þarna.

Fyrir áhugasama má skoða myndir hjerna

miðvikudagur, september 17, 2014

Hjólað eins og sveitt svín í forleik



Það var víst hjólheztatúr í Heiðmörk með FBSR í gærkveldi. En það er svo sem ekki megin tilgangur þessa pistils, en þar kveiknaði sú hugmynd að hjólheztast Svínaskarð komandi helgi. Við þá sem rætt var við þ.e Arnar Bergmann og Bubbi Trucker kom i ljós að messudagur hentar 67% aðspurðra betur en laugardagur.
Það er því bara eiginlega neglt niður að hjóla þessa leið komandi messudag, nema nátturlega veðurguðirnir verði okkur ósammála. Að sjálfsögðu eru allir áhugasamir velkomnir með

Kv
Hjóladeildin

þriðjudagur, september 16, 2014

Sumartúrinn 2014: Laugar



Messudagurinn rann upp mjög svo bjartur og fagur. Örugglega heitasti dagurinn á þessu ferðalagi. Eins og fram kom í færzlunni fyrir neðan þá var ákveðið á símafundi að kíkja í kaffi til stórmeiztarans Kára Smartís og eins af stofnmeðlimum þessa góða félags. En hvað um það. Hólmvaðsklanið ætlaði hins vegar veztari leiðina að Dettifossi og skoða líka ma Hljóðakletta.
Við Twistfjölskyldum komum yfir að Laugum í Reykjadal http://www.nat.is/travelguide/ahugav_st_laugar.htmþar sem Smartísinn tók á móti oss með kostum og kynjum. Við sátum svo bara úti í garði hjá kauða og grillaðist þar. Úff hvað það var heit.
Eftir að hafa kvatt meiztarann fórum við yfir þjóðveginn og í sveitasundlaugina á staðnum. Tókum líka aðeins út tjaldstæðið. Þetta lofar allt góðu þarna. Skjólsælt, get vottað um að það verður pottur þarna, sundlaug, bar og flest það sem á að vera á svona stað. Síðan lofaði Kári okkur skemmtilegum fjallahjólaleiðum á þingeysksu heiðunum og skemmtilegum jeppa slóða um Laxárdal. Svo ef fleiri verða komnir á racera þá má sjálfsagt fara skemmtilegan götuhjólahring þarna.
Er við komum aftur að Hlíð var bara hafist handa við að elda hveiti. En eitthvað teygðist á túr þeirra úr Hólmvaðinu en þau fengu sér bara flatböku á Vog. Við getum amk alveg mælt með þeim bökum. En svo fór bara kveldið í almennt spjall og flest heimsins vandamál leyst þetta kveld

Myndir frá deginum má svo skoða hjer

sunnudagur, september 14, 2014

Sumartúrinn 2014: Garðar Svavarsson



Það vildi svo skemmtilega til að er oss vorum á Mývatnsslóðum voru einmitt mærudagar á Húsavík. Var því niðurstaðan að kíkja westur á Húsavík yfir daginn. Áður en til þess kom hafði meistari Stebbi Geir boðið allri hersingunni að koma yfir í fjölskyldióðal sitt um kveldið og fá afnot af grillinu þeirra. Svoleiðis höfðingsboði er ekki hægt að hafna. Þegar til Húsavíkur var komið þurfti auðvitað að byrja á því að renna við í sérvöruverzlun ríkizins og bæta þar á birgðirnanr. En dagurinn fór bara í almennt rölt eins og kerlingin sagði eittsinn ,,sýna sig og sjá aðra". Við ma hittum sjálfan Neil Armstrong eða fyrsta manninn sem fékk sér ostbita úr tunglinu og pabbi Lance Armstrong. Sumir prufuðu sjókajak eða humarsúpu. Við enduðum daginn á heimsókn í Lystigarðinn áður en við fórum í nýlenduvöruverzlun. Rétt áður en við renndum svo út úr Húsavík hringdi hinn mikli stórmeiztari Kári Smartís. Kauði er jú fluttur norður og það á Laugar í Reykjadal. Ákveðið var þarna á símafundi að við myndum renna yfir á messdag í kaffi.

Er komið var aftur á Hlíð var bara farið að undirbúa kveldmat og röltum við svo yfir í Reykjahlíð uns við komum að höfðingsetri Stebba Geirs&Co. Þar buðu þau oss upp á sósu með matnum ásamt salati síðan var líka opin rauðvínsbelja sem var smakkað aðeins á. En þetta var skemmtileg heimsókn og alltaf gaman að hitta á gamla vini og eiga gott spjall. Þökkum við þeim Stebba og Hildi kærlega fyrir konunglegar móttökur.

Skyldi einhver hafa áhuga á því sem dreif á dag okkar þarna þennan dag má forvitnast hjer

föstudagur, september 12, 2014

Sumartúrinn 2014: Áfram skal haldið



Rétt eins og fram í næztu færzlu á undan þá þurfti Polly á endurhæfinu að halda eftir vatnsdælu missinn. Það kom svo upp á daginn að við gátum fengið bílaleigubíl í sama flokki Polly á vægast sagt fáranlegu verði en stað VW Polo þá fengum við Hondu Jazz. Aðeins meira innra rými í þeirri sjálfrennireið. Sem var amk ekki til þess að álit mitt á Honda minnkaði. Klárlegu beztu japönsku bílarnir en hvað um það.

Líka kom fram í síðustu færzlu Hólmvaðsklanið var komið á Mývatn og á Hlíð sem það ætlaði að vera á eitthvað næztu 2-3já daga eða svo. Eftir að hafa hlaðið Djassinn þá var ekkert annað að gjöra en koma sér austur í Mývatnssveit sem og var gjört. Fátt markvert ef þá nokkuð varð á vegi okkur austur. Er við komum á áfangastað var þar Kristjan Brabrason mættur ásamt Spúzzu sinni og dóttir svo það varð sæmilega fjölmennt enda bara gaman að því. Eftir tjöldun tók við matseld og nokkur önnur kveldverk. Eitt það skemmtilegasta við Mývatn er allur sá fjöldi af útlenskum ,,furðubílum" og var Litli Stebbalingur ófeiminn við að munda myndavélina í návist slíkra tækja.

En alla vega þá eru myndir frá flöskudeginum hjer

miðvikudagur, september 10, 2014

Sumartúrinn 2014: Tíminn líður hægt



Það var búið að skilja Polly eftir á verkstæði og ætlaði kauði að byrja á vagninum seinni part dags svo ekkert var annað gjöra en að bíða rólegur frétta, taka síðan stöðuna þegar eitthvað kæmi í ljós.
En alla vega eftir að hafa vaknað og klárað allt sem tilheyrir að í kjölfarið á því var farið í smá bíltúr. Eftir að hafa heyrt hinar ýmsu sögur var rúllað suður að Hrafnagili til að sjá mannmergðina sem átti að vera þar. Það er óhætt að segja að tjaldstæðið á Hrafnagili hafi verið vel nýt en auðvitað þurftu menn líka að leggja við hliðina á hjól-eða fellihýsinu sínu en það voru ekki margir fermetrar lausir þarna. Eftir þennan rúnt tók bara við hádegismatur en við rúlluðum í Kristjánsbakarí í göngugötunni og snæddum það. Dagurinn var síðan m.a nýttur í viðhaldsvinnu á kæliboxinu.
Síðan í kveldblíðunni þá snæddum við kveldgrillmatinn svo utan dyra en það var skemmtileg tilbreyting. Síðar um kveldið kom stóri dómur. Bifvélavirkinn hringdi og tjáði oss að Polly hafði beygt ventla svo ekki var hann að fara lengra þetta fríið. Þá var ekkert annað í stöðunni en að semja við kauða og endurtaka stöðuna allhressilega.
En þess má geta að Hólmvaðsklanið hafði lagt leið sína á Mývatn og slegið upp tjaldbúðum á Hlíð.

En fyrir áhugasama má sjá myndir frá deginum hjer

mánudagur, september 08, 2014

Sumartúrinn 2014: Pollý gefur upp öndina





Eftir að hafa snætt morgunmat og öllu því sem tilheyrir skruppum við pabbarnir með ungana okkar í Grettisból, minnir að það heiti, eða bara víkingagarðinn. Þar fengu ungarnir að hlaupa um og stóru strákarnir
 gripu aðeins í vatnsbyssurnar. Eftir einhverntíma var bara rölt til baka þar sem tími var kominn að taka saman. Ekki var alveg neglt niður hvar skyldi enda um kveldið en hugmyndir voru t.d Systragil, Sígríðarstaðaskógur eða Laugar í Reykjadal. En hvað um það. Eftir að allir voru búnir að pakka og raða í sjálfrennireiðarnar var ekkert að vanbúnaði að dóla sér áfram sem leið lá lengra austur á leið.

En rétt áður en komið var á Stóru Giljá fór að bera á einkennilegu hljóði í Polly sem var greinilega tengt vélinni og nokkrum sek síðar drap hann á sér. Okkur tókst að láta hann renna heim að einhverri heimreið. Litli Stebbalingurinn vatt sér út og opnaði húddið. Það leyndi sér ekki hvert var upphaflega meinið en vatnsdælan hafði ákveðið að kveðja þennan heim. Ekkert var annað í stöðunni nema heyra í Magga á móti og fá hann til að draga oss á Blönduós. Jú, jú að sjálfsögðu var kauði boðinn og búinn að koma og bjarga oss. Eftir að hafa sent börn og buru í sund, losað sig við Ken og fengið spotta lánaðan kom bjargvætturinn. Vel gekk að komast þessa ca 12 km á Blönduós þrátt fyrir að Polly væri svo gott sem bremsulaus.
Er á Dósina var komið var hægt að skoða aðeins betur og kom þá í ljós að tímareimin væri líka ónýtt og í bezta falli hafði hann hoppað yfir á tíma. Greinilegt var samt að við færum ekki lengra á vélarafli Polly. Nú tók við símhringingar hingað og þangað um landið. Redda varahlutum, reyna koma bílnum á verkstæði, engin verkfæri með í för né kannski nennti maður ekki  að eyða fríinu í frekar stóra viðgerð úti á plani. En úr varð að pabbi Krunku kæmi ásamt félaga sínum með bílakerru og Ford F250 til að koma okkur í höfuðstað norðurlands.

Einhver bið var í þetta því fólk þurfti jú að klára að vinna og svo tekur smá tíma að keyra á milli. Á meðan koma Hólmvaðsklanið úr sundi og eftir smá spjall þá heldu þau bara auðvitað áfram og við ætlum bara að heyra í þeim og stefndum á að hitta á þau 1-2 dögum síðar. Við þurftum svo einhvernveginn að drepa tímann. Því neyddist maður til að brjóta sjálfskipað viðskiptabann. Þar sem það er ekki nokkur kjaftur sem les þessa síðu þá skiptir engu þó maður játi þessa syndir upp á sig. En við ma skelltum okkur í sund. Það verður að segjast að þarna er hinn prýðilegasta sundlaug, svona 2007 stíll en næztum setti sveitarfélagið á hausinn, en allar sundlaugar sem setja sveitarfélög á hausinn eða næztum því eru góðar sundlaugar. En ekki það að Litli Stebbalingurinn ætli að mæla með sundlaugarferð á Blönduósi ekki meðan þjóðvegur 1 liggur þarna í gegn. Nú eftir að hafa laugað sig var kominn tími að næra sig. Við skunduðum á Pottinn þarna í bæ til þess að éta. Skítsæmilegasti matur en ekki það að ég ætli að mæla með því að fólk éti þarna amk ekki á meðan að þjóðvegur 1 liggur þarna í gegn. Nú eftir mat var haldið yfir á N1 í eftirrétt sem var auðvitað ís. Eftir alla matveizluna var tekinn stuttur göngutúr um bæinn til að drepa tímann unz bjargir kæmu. Já,  þetta er frekar sorglegur bær amk þetta litla sem við skoðuðum. Garðar í órækt og hús illa viðhaldin.

En svo kom að því að Fordinn mætti á svæðið með bílakerruna. Eftir að bjargvættirnir voru búnir að pulza sig upp var hafist handa við að koma Polly upp á kerruna. Það gekk nú bara ágætlega og eftir að hafa strappað þann bláa fastan var ekið af stað sem leið lá austur til Agureyrish. Óhætt er að fullyrða að Polly hafi aldrei farið eins hratt upp Bólstaðarhlíðina né upp á Öxnadalsheið og það með dautt á vélinni uppi á bílakerru, enda amerískt hestöfl sem sáu um þetta. Svei mér þá ef Polly hafi ekki bara líka slegið sitt hraðamet niður Bakkaselsbrekkuna líka. Klukkan var svo að slá í 22 er við komum til Agureyrish og við renndum með Polly beint á verkstæðið. Þar ætlaði kauði að kíkja á gripinn ca seinni part næzta dags og vonuðumst við til þess að Polly hefði ekki gjört oss það að beygja ventla. Við enduðum því daginn að komast í skjól í Tröllagilinu og nú var ekkert að gjöra en koma sér fyrir, bíða frétta og taka svo stöðuna hver svo sem hún yrði

Af Hólmvaðsklaninu er það helst að frétta að eftir sundferð heldu þau áfram og yfir í Skagafjörð. Nefnilega í Varmahlíð var Kristjan Brabrason, þ.e bróðir Magga Brabrasonar, með sínum stúlkum á tjaldstæðinu þar. Slógu þau þar upp Ken og ætluðu svo að halda áfram lengra austur á fimmtudeginum. Mývatn eða Ásbyrgi. Allt það yrði bara að koma í ljós og skýrist hér á næztu dögum

Annars eru myndir frá þessum tíðindamikla degi hér

miðvikudagur, september 03, 2014

Sumartúrinn 2014: Á Grettisslóðum



Rétt eins og glöggir lesendur þessa sorprits tóku sjálfsagt eftir þá auglýsti Litli Stebbalingurinn hér og hér hvort það væri einhver áhugi fyrir því að taka sameiginlegan sumartúr á því herrans ári 2014. Fjölskyldan í Hólmvaði lýsti yfir áhuga að koma með í sumarleyfistúr. Fyrstu hugmyndir voru að fara á norðanverða Vestfirði en þegar nær dró brottfarardegi voru veðurguðirnir ekki okkur hliðhollir amk ekki með Vestfirði. Því var bara ákveðið að herja á norðurlandið enda bezta spáin fyrir það svæði.

Það var sum sé þriðjudaginn 22.júlí er sumartúrinn hófst. Við Twist klanið renndum í Hólmvaðið eftir að hafa mett oss af plokkfisk. Þar hófst svo ferðalagið.

Í ferðalagið fóru:

Stebbi Twist
Krunka
Skotta Twist

á Polly

Maggi á móti
Elín Rita
Andrés Þór
Birgir Björn
Magnea Marta

Á Sindý með Ken í eftirdragi.

Ekki var komið langt á leið er það fattaðist að gleymst hafði að skutla tjaldi um borð í Polly. Því var ekkert annað að gjöra en snúa við hjá skógræktinni við Úlfarsfell og sækja seglskýlið. Svo var bara brunað í Borgarnes þar sem farið var í nýlenduvöruverzlun og tankað. Síðan var bara ekið sem leið lá norður á boginn yfir Holtavörðuheiði og gerður stuttur stanz í Staðarskála. Þar var ákveðið að gjöra næturstanz á Laugarbakka í Miðfirði.
Við rúlluðum þar og slógum upp tjaldbúðum. Þar verður að segjast að þarna er alveg fyrirtaks aðstaða. Tjaldflötin er hælavæn, aðstöðuhús með eldhúskrók, klósetti, þvottavél, þurrkari og úti þvottasnúrur. Svo ef einhverjir eru haldnir sjúklegum og óruddstuddum ótta við að gista í tjaldi má kaupa þarna gistingu í rúmi. Það telst svo alltaf stór kostur þegar heitt vatn er á tjaldstæði það einfaldar mjög svo allt uppvakst. Að auki er þarna tunnugrill og smá hópaðstaða. Toppurinn var svo að innifalið í þessu öllu var svo heitir pottar og við allir guttarnir skelltum okkur í þá. Sum sé hin allra fínasta aðstaða á alla máta. Svo var verzlunin ekki að skemma fyrir. Þar var til ullarsamfestingur í stærð fyrir Tudda tuð.
Alla vega þá fór ansi vel um okkur þarna enda fátt um fólk þarna og ekki vandamál að verða sér úti um bekk.
En fyrir forvitna má skoða myndir frá deginum hjer

mánudagur, september 01, 2014

Tóti og Jarlaskáldið ganga í það heilaga



Rétt eins og flestir hér í þessum hóp vita þá fór Jarlaskáldið á skeljarnar í fyrra og bað hanz Tóta. Viti menn hún sagði já. Nú þann 19.júlí s.l var komið að stóra deginum hjá þeim. Þau voru svo elskuleg að bjóða oss upp á útilegu þessa helgi í Borgarfirði nánar tiltekið við Brúarás. Þegar staðsetning var ljós kveiknuðu nokkrar ljósaperur hjá Litla Stebbalingnum um að gjöra eitthvað á laugardeginum t.d hjólheztatúr. Því voru hjólheztar með í för ásamt því að Eldri Bróðirinn og Danni Djús ætluðu að slást með í för og kom Djúsinn með hugmynd að hring.
Annars voru það einungis 3 V.Í.N.-liðar, fyrir utan tilvonandi brúðhjón, sem renndu í hlað á Brúarás á flöskudagskveldinu og slógu þar upp tjöldum. Nokkir af MR gengi Skáldsins voru líka mætt eða komu skömmu síðar. Djúsinn og Huldukonan voru svo í bústað skammt frá og kom sá fyrrnefni á sínum hjólheztafák um kveldið í spjall og bjórsmakk. Eins og áður sagði voru bara þrjú sem mættu á flöskudagskveldinu en það voru:

Eldri Bróðirinn
Stebbi Twist
Krunka

Litli Kóreustrákurinn um að koma oss og hjólheztunum á vettvang.

Um hádegisbil á laugardeginum var skellt sér í hjólheztatúr/hring sem lá frá Brúarás, framhjá Hraunfossum, gegnum Húsafell, yfir Hvítá, Hálsasveit, Kalmarstunga, Fljótstunga og svo Hvítársíða aftur að Brúarás.
Þessa leið fóru eftirfarandi kappar og hjólheztar:

Stebbi Twist á Cube
Eldri Bróðirinn á Wheeler
Danni Djús á Scott

Þetta gekk með ágætum og er við komum í Fljótstungu og Hvítársíðu vorum við á blautum leir bornum malarvegi sem þýðir bara að við komum hressilega drullugir aftur til baka en það er bara gaman að því. Maður vex aldrei upp úr því að drullumalla. Leikföngin verða bara aðeins dýrari. En hvað um það. Eftir að við komum aftur í Brúarás var farið að græja sig fyrir sundför og hafði hópurinn farið í sund á Kleppjárnsreykjum og eftir hjólabjórinn fylgdum við bara í kjölfarið en áður en við fórum fór að fjölga í hópnum.

VJ
HT

Á Blondí renndu í hlað og í kjalsoginu á þeim voru líka

Maggi á móti
Elín Rita

á Sindý

Þau fóru bara strax að undirbúa og hefja ris á tjöldum meðan við skelltum okkur í sund.

Það fjölgaði svo gestunum er leið á að athöfnin hófst

Yngri Bróðirinn
Erna

Gunni
Adólf

Jökla Jolli
Auður

Danni Djús
Huldukonan

Þá var hægt að ganga frá gjöfinni og óhætt að fullyrða að okkar brúðkaupsgjöf hafi verið þyngsta gjöfinn og jafnvel líka sú stæzta

Ásamt fullt að öðrum geztum.

Óhætt er svo að segja að bæði athöfnin og tala nú ekki um veizluna hafi verið ansi vel heppnuð. Veizlan var amk skemmtileg og vel veitt í mat og drykk. Kleinurnar komu skemmtilega á óvart og runnu ljúft niður með mjólkinni.

Svo á sunnudeginum var bara pakkað í sól og síðan gætt sér á grilluðum pulzum. Þetta var amk ansi skemmtileg helgi.
Það má amk skoða myndir frá helginni hjer

sunnudagur, ágúst 31, 2014

Sumar 2014: Agureyrish-Dagur 10



Þá var komið að síðasta deginum á Agureyrish þetta sumar, eða svo hélt maður. Framundan var brúðkaupsútilega við Brúarás í boði Tóta og Jarlaskáldsins. Dagurinn byrjaði á því að renna niður á tjaldstæði við Þórunnarstræti til að koma það óskilamun til réttra eiganda en Borghildur hafði gleymt símanum sínum í kaffiboðinu deginum áður. Þar leikju þær vinkonur sér aðeins á meðan pabbarnir gæddu sér á alvöru útilegu uppáhelling. Ætíð ljúft að kaffið sitt og jafnvel kleinu með. Á heimleiðinni renndum við feðgin upp í Hlíðarfjall og kíktum þar á aðstæður en þá mátti alveg finna lænu til að skíða í og það um miðjan júlí. En hvað um það. Það þurfti víst að pakka niður slíkt gjörir sig ekki sjálft og svo kom bara að því að koma sér aftur suður. Heimferðin gekk vel enda svo sem um steindauðan þjóðvegaakstur um að ræða en rennt var í borg óttans um miðnætti.
Nenni einhver að sjá hvað á þennan dag dreif má gjöra slíkt hjer

laugardagur, ágúst 30, 2014

Sumarið 2014: Agureyrish-Dagur 9



Það var kominn miðvikudagur og þá eftir hádegi fer að halla í rétta átt. Amk þegar það er venjuleg vinnuvika hjá venjulegu fólki. Þennan dag langaði Litla Stebbalingnum að kíkja á söguslóðir djáknas frá Myrká í Hörgárdal en þó aðallega til að sjá Hraundranga ,,hinum megin" frá þ.e ekki frá þjóðveg 1. Þetta var svo sem sæmilegasti bíltúr og alltaf gaman að koma á nýjar slóðir. Ekki er Hraundrangi síður tignarlegur séður frá Hörgárdal. Er við komum aftur í höfðuðstað norðurlands renndum við á tjaldstæðinu við Þórunnarstræti en þar voru Bogga, Eyþór og Katrín ásamt fylgdarliði að koma sér fyrir. Úr varð að við buðum þeim í T12 til kaffisamsætis. Síðan fór bara restin af deginum og kveldinu í almennt ekki neitt svona eins og á að vera í fríinu.
Annars má svo skoðamyndir frá þessum degi hér.

föstudagur, ágúst 29, 2014

Sumarið 2014: Agureyrish-Dagur 8



Þriðjudagur sem vill einmitt svo skemmtilega til að er einmitt þriðji dagur vikunnar Gaman að því. En þennan dag var ein bezta spáin fyrir Mývatnssvæðið svo við ákáðum bara að skella okkur austur og rölta þar upp á Hverfell eða Hverfjall, fer eftir hvort fólk er sunnan Mývatns ellegar norðan. En hvað um það. Þetta var alveg hin rólegasta ganga en um leið skemmtilegur hringur á toppnum sem hægt er að taka. Frábært útsýni m.a var gaman að sjá Dimmuborgir svona ,,ofanfrá" og annað útsýni yfir Mývatn og nágrenni. Annars eftir þessa heilzubótargöngu var neztisstanz við Samkaup Strax og tekin svo lengri leiðin heim.
Annars geta bara forvitnir skoðað myndir frá deginum hér

miðvikudagur, ágúst 27, 2014

Sumarið 2014: Agureyrish-Dagur 7



Mánudagur eru svo sannarlega bezti dagur vikunnar og það sannaðist þennan mánudag. Sól skein í heiði og sumarblíða. Fyrst það var loks komið sumar var tilvalið að skreppa aðeins í Eyjafjörðinn og kíkja í Jólahúsið, verzla þar jóladót enda styttizt óðum í sólrisuhátíðina. Alla vega þá var verzlað sitthvað þar og Skotta skemmti sér þar konunglega. Þegar við höfðum lokið erindum okkar í jólahúsinu var komið svo gott sem hádegi. Kom upp sú hugmynd að kíkja á Kaffi Kú og snæða þar hádegisverð. Það er óhætt að mæla með heimsókn þangað. Alveg prýðilegur matur, við gæddum okkur á gúllassúpu með nautakjeti beint frá býli og prýðlegasta kaffi á eftir. Skottu og reyndar þeim fullorðnu líka leiddist ekki svo að kíkja í fjósið ekki var svo verra að skoða síðan líka dráttarvélar nýlegar sem og af eldri gjörðinni. Fínasta skemmtun það. Síðan var bara dagsins notið á eyrinni
Sé áhugi fyrir hendi má skoða myndir frá deginum hér

þriðjudagur, ágúst 26, 2014

Sumarið 2014: Agureyrish-Dagur 6


Þetta var messudagur og óhætt að fullyrða að hvíldardagurinn hafi verið haldinn hátíðlegur. Fyrir utan að klára allsherjar þrif á Polly var bara ekki annað gjört.
Örfáar myndir frá deginum hér

miðvikudagur, ágúst 20, 2014

Sumarið 2014: Agreyrish-Dagur 5



Það var kominn laugardagur og loks farið aðeins útfyrir bæinn. Svo sem ekkert frumlegt en komið við á einum stað þar sem Litli Stebbalingurinn hafði aldrei komið á áður. Það var sum sé Hjalteyri. sem um ræðir. Þar eru nokkur hús, varla meira en húsaþyrping og gömul síldarverksmiðja frá Kveldúlfi, Það var nú samt gaman að koma þarna. Snyrtileg hús og vinaleg svo að auki nokk merkilega saga á bakvið síldarverksmiðjuna. Demantur fyrir sögunörd eins og Litla Stebbalinginn.
Bíltúrinn hélt áfram í norðurátt, gegnum, Dalvík og Ólafsfjörð síðan gjörður stuttur stanz á Siglufirði. Á bakaleiðinni var rennt við í kaffi og vöfflur hjá bræðrum frá Bakka í Svarfaðardal á kaffihúsi Gísla, Erík og Helga á Dalvík. Má mæla með því. Síðan var bara ekið sem leið lá aftur til Agureyrish
En alla vega þá eru myndir frá deginum hér

þriðjudagur, ágúst 19, 2014

Sumar 2014: Agureyrish-Dagur 4


Flöskudaginn var nákvæmlega ekkert gjört. Fyrir utan smá rölt um tjaldsvæðið á Hömrum og síðan fengum við skyldfólk í kaffi eftir hádegi. Annað var svo sem ekki á dagskráninni þann daginn.
Amk er myndir af litlu og engu hér

mánudagur, ágúst 18, 2014

Sumarið 2014: Agureyrish-Dagur 3



Á þriðja degi norðan heiða var byrjað á því að taka smá göngutúr. Var tækifærið nýtt í leiðinni til að skottast með Skottu á róló og síðan á bakaleiðinni sníktum við kaffi hjá einum innfæddum. Seinni partur dags var svo brúkaður til þess að skola af Pollý og taka hann í gegn að innan. Annars var bara svona almennt tjill þennan dag og hápunktur dagsins er Stebbalingurinn rakst á gamla Togaogýta bifreið sem maður helt að allar slíkar væru komnar í sitt náttúrulega ástand
Annars má skoða myndir af engu hér

sunnudagur, ágúst 17, 2014

Sumar 2014: Agureyrish-Dagur 2



Óðinsdagur 08. júlí rann upp og aldrei þessu vant var bara ágætis blíða í kauptúninu við botn Eyjafjarðar. Þessi dagur fór í svo sem ekki neitt nema kannski afslöppun, lestur góðra bóka, bæjarferð og sólsleikju á pallinum við hús foreldra Krunku. Ekkert spennandi né áhugasamt. Enda kannski fjöldi mynda eftir því.
Hafi einhver nennu að skoða myndir ekki af neinu má gjöra það hér

laugardagur, ágúst 16, 2014

Sumar 2014: Agureyrish-Dagur 1



Það hafði verið ákveðið á sameiginlegum fjölskyldufundi fyrr um veturinn að halda norður í höfðuðstað norðlendingafjórðungs og vera þar í einhverja daga. Svo myndum við skilja Skottu eftir hjá afa og ömmu er haldið væri í brúðhlaup í Borgarfirði. En hvað um það.
Þriðjudaginn 8 júlí var haldið sem leið lá norður um veg með stefununa á Eyjafjörð. Veður var með ágætum og frekar tíðindalaus þjóðavegaakstur. Það sem helst getur talist fréttavert er að Litla Stebbalingnum tókst að láta láta bösta sig. Missti kauði þolinmæðina fyrir aftan tvö hjólhýsi við Veiðilæk og ekki vildi betur til en þegar framúrakstri var að ljúka þá blasti við hraðamyndavél og hraðamælirinn sýndi rúmlega 100 svo varð úr að ríkissjóður varð 7500 verðlausum íslenskum nýkrónum ríkari eftir þetta.
En það skemmtilegasta við för þessa er að þegar í Staðarskála var komið var í gangi knattspyrnuleikur á milli Vestur-Þjóðverja og Brazilíu. Var staðan 1-0 fyrir Vestur-Þjóðverjum en svo mátti maður varla líta frá sjónvarpsskjánum og þá var komið verztur-týzkt mark. Gaman að því og staðan var við brottför 5-0 fyrir Prússlandi. Reyndar varð líka þarna svona míni ættarmót fyrir Skottu og Krunku. Það var svo rennt til Agureyrish um miðmæturbil eftir tíðindalausan akstur frá Staðarskála þar sem einni kúkableju var grýtt út á N1 á Blönduósi
En svona fyrir forvitna þá má skoða myndir frá bíldeginum hér

E.s Bezt að vara lesendur við (örugglega óþarfi þar sem ekki nokkur kjaftur les þessa síðu lengur) en þarna eru fullt af myndum af Skottu að kjammsa á ís og öðrum viðlíka barnamyndum. Hafi fólk ekki gaman að slíku má sleppa að skoða þær