mánudagur, desember 23, 2002

jamm og jæja. Langt er nú liðið frá því ég ritað greinarkorn á þennan góða vef okkar VÍN mann og kvenna og verður hér með bætt úr því (á að vera að taka til en af augljósum ástæðum þá nenni ég því ekki).
Nú til að fagna því og halda uppá (þetta gerist jú ekki svo oft) að Veðurstofan hafði ekki spáð rigningu og roki í skipti númer 859 þennan veturinn og ákváðum að halda í austurátt nánar tiltekið Sólheimajökul og glíma þar við sprungur og svelgi af ýmsum stærðum og sortum (hljómar eins og smákökur). Ferðalangar voru undirritaður (oftar en ekki nefndur Blöndahlinn), Ingólfur Ólafsson (gjarnan nefndur Léttfeti eða ofvirkus maximus eða bara Golli)og svo Stefán Þórarinsson (jafna kenndur dans). Verður hér með sögð saga þeirra.
Nú eftir að hafa vaknað á réttum tíma (alla vega sá þetta skrifar) var beðið eftir Léttfeta sem bæði hafði vakna of seint og ekki tekið sig til kvöldið áður (sem er ekki mjög gott eins og einhver orðar það....alsymmitriskar rúðurþurrkur blablabla). Eftir að því var lokið var haldið til Twistsins og hlustað á tuðið í honum yfir því hvað við værum nú seinir...svo þegar það var búið þá var bara fundið eitthvað annað til að tuða yfir (hann hafði nú ekki opnað á sér kökuopið í heila 6 klst enda búinn að vera sofandi!!!!!). Það þarf varla að taka fram að Blöndahlinn tók bara undir tuðið í Stebba (enda annálaður fyrir finnast á sér brotið og þurfa að tjá sig um það!!!!)
Nú svo var haldið á Lélegt og keypt bensín bæði fyrir vélfáka og menn. Reyndar gleymdist Lélegtskeinirinn sem er lífsnauðsynlegur fyrir hverja ferð en sem betur fer var afgangur úr síðustu ferð þannig að þetta kom ekki að sök.
Nú svo rúllað úr bænum og á Hvolsvöll. Pylsa étin (staðalbúnaður í hverri ferð austur) en einu veittum við athygli það var að bjórflaskan góða var horfinn. Hvort flaskan sé horfinn vegna þess að einhver sem er meiri fyllibytta en við og hefur keypt hana eða að því að hún tekur allt borðpláss og ekkert speis er fyrir jólaskraut skal ósagt látið. Í það minnst var hún farinn og olli það nokkurri sálarangist hjá ferðafélögum.
Sólheimajökull heilsaði okkur með nöprum vindi en fyrst og síðast engri rigningu og gaf þetta fín fyrirheit fyrir góðan túr. Eftir að hafa verið beðnir af skilti að fara varlega og vera ekki að tjalda í námunda við jökulinn vegna jarðhræringa var spígsporað að jökli og uppá hann (vorum reyndar að velta fyrir okkur hvort það gæti staðist að ef maður fer ekki varlega (svo sem að detta og lenda illa á jöklinum eða misstíga sig.......heyrðinafniðmagnúsblöndahl) gæti ollið því Katla gamla færi að gjósa.Alla vega vorum við beðnir um að vera ekkert að hnerra. Voru svelgirnr þrír sem við hoppuðum ofan í, skemmtum okkur konunglega og voru þeir af öllum stærðum og gerðum í orðsins fyllstu merkingu. Sumir svo erfiðir að undirritaður gerði í buxurnar í einum þeirra og þurft að tussast uppúr honum öðru vísi en ætlar var. Kom það manni þægilega á óvart að sjá Ingólf másandi þegar hann kom uppúr...... hann er þá ekki vélmenni eftir allt saman!!!! Sýndi Stefán að hann er ekki bara jeppakall heldur vel liðtækur í príli. Eftir að hafa rifjað upp hvað snýr og hvað snýr aftur á ísöxunum sást til hans spólandi í fyrsta lága upp ísveggina. Sem sagt fínarístúr í alla staði. Ekkert klámblað, enginn bjór og ekkert dorítos. Langt síðan maður hefur lent í þessu!!!!!!
Nú svo var það rúsinan í pylsuendanum en það var að gamall og góður vinur kíkti í heimsókn. Hann hefur ekki látið sjá sig mjjjjjjjjjjööööööööööögggggggg lengi en það er snjórinn. Varð okku allhvumsa við en alltaf gaman að geta sagt "long tæm nó sín"
Það þarf víst ekki að segja ykkur tryggum lesendum að dagurinn endaði á Hverfisbarnum í einhverri geðveikustu stöppu af fólki sem maður hefur lent í. Shit fólk var með marbletti eftir að hafa verið hamrað utan í keðjuna í röðinni!!! Það var þarna fólk sem var að falla í yfirlið af troðningi. Liverpool..Juventus....Sheffield Wednesday hvað!!!!!
Læt þetta nægja í bili
Óska mönnum og meyjum til sjávar og sveita í nálægð og fjarlægð gleðilegra jóla og drullist svo til að éta yfir ykkur en munið að jólin er hátíð ljóss og friðar............óóóó´´oóónieeeeeeeeeeeeiiiiiiiiii jólin eru árleg hátið þar sem haldið er uppá afmælið mitt!!!!!!!!

Góðar stundir

föstudagur, desember 20, 2002

Samkvæmt orðabók VÍN:
Maðurinn með minnið (e. twisted mind): Sá sem heldur upplýsingar og skráir í hugminni sitt það er gerist í mannfögnuðum VÍN. Sendir jafnframt frá sér sérstök viðvörunarhljóð er hætta steðjar að eða upplýsingar tapast vegna gleymsku annarra.

miðvikudagur, desember 18, 2002

Í tilefni þess að nú styttist óðum í Ítalíuför okkar Vínverja ákvað ég nú að skoða þessar síður sem hann Vignir vísaði okkur á. Þetta lítur nú bara asskoti vel út. Fullt af snjó og búið að opna slatta af lyftum. Ég held að við getum nú bara farið að vera nokkuð spennt. Ekki það að ég sé ekki búin að vera spennt. En þetta er nú ekki ástæðan fyrir því að ég læt loks í mér heyra á þessari síðu. Nei ég hef nú fréttir að færa Vínverjum. Hann Óli Björgvin gamli vinur okkar, sem allir ættu nú að muna eftir þó ekki hafi sést til hans í langan tíma, er fluttur inn til kærustunnar. Bara orðinn fjölskyldumaður og farinn að skipta á kúkableyjum. Ég segi nú ekki annað en það að allt getur gerst og fyrst þetta er að gerast þá virðist enn vera von fyrir okkur Vinverja. Þó að það megi nú alveg taka barnið út úr dæminu.
Jæja, nú styttist í millijólaognýársferði V.Í.N. Sem verður farin helgina 27-29. des n.k.. Ég stend við þá hugmynd sem ég setti fram fyrir aðventuferðina sem varð eitthvað endasleppt vegna öræfaótta sumra félagasmanna.Þ.e. að fara á Kjöl á föstudeginum og gista þar og svo Hraunamannaafrétt, niður með Leppistungum og Svínárnesi. Endu að síður þá hefur önnur ferðahugmynd skotið upp kollinum hjá mér. Sú er nokkurnveginn á þessa leið

Eftir að laggt er að stað á föstudeginum út úr bænum þá förum við austur yfir Hellisheiði og gegnum Sellfoss. Þar væri upplagt að gæða sér á eins og einni pylsu eða svo. Ekki væri úr vegi að heilsa upp á Guðna Ágúst fyrst við erum á svæðinu. Spurning hvort eigi að tanka þar eða á næsta útsölustað eldsneytis sem myndi vera í Árnesi. Þar yrði beygt út af þjóðvegi nr. ??? og upp með sveitinni. Ekið yrði framhjá Ásaskóla og Laxárdal upp á heiði er kallast víst Skáldabúðaheiði. Þar á að vera skáli sem heitir Hallarmúli og þar yrði okkar fyrsti náttstaður. Eftir morgunmbænir og mullersæfingar á laugardeginum þá yrði haldið áfram slóðinn uns að komið er að Ísahryggjum. Þar kemur tvennt til greina. Beygja til hægri og fara línuveginn, skoða Háafoss og Granna, enda við Hólaskóg eða jafnvel halda áfram upp í Landmannalaugar ef vel liggur á okkur. Hitt er að fara þvert yfir línuveginn og halda í norður. Upp að Sultarfitum þar sem er skáli. Ef þessi leið yrði valin þá á sunnudeginum væri hægt að halda áfram í austur átt þar til við komum á Gljúfurleitaleið og myndum enda við Sultartangavirkjun. Þetta kem ég með og ef einhverjir aðrir lúma á einhverju þá er bara að viðra þær hugmyndir. Það verður farið og enginn öræfaótti skal stoppa okkur þar. Svo legg ég að verði haldnir Ítalskirdagar í millijólaognýársferðinni þar sem við hitum upp fyrir skíðaferð V.Í.N. til Val di Fiemme.

Að lokum vil ég benda öllum ungnum einhleyptum snoppufríðum stúlkum á aldrinum 18-22, sem eru víst fjölmargar og dyggir lesendur, að ennþá er laust í skíðaferðina 15-25.jan n.k. Bara að drífa sig niður í Úrval-Útsýn og bóka. Þetta er kostaboð sem ekki gefst oft.

mánudagur, desember 16, 2002

Ég skrapp í stutta dagsferð á laugardaginn. Í för ásamt mér voru systir mín og vinkona hennar frá Noregi sem ólm vildi skoða eitthvað sem hugsanlega gæti flokkast sem hálendi Íslands. Til þess að gera stutta ferð ekki allt of langa var ákveðið að halda á Hagavatn og berja hið stórbrotna umhverfi þar augum. Fátt gerðist á leið uppeftir í fínu veðri, það tíðindasamasta er sennilega að ég tók eftir því að snjór er kominn í Bláfellsháls (leitt að það skuli teljast fréttnæt að það skuli vera snjór á hálendinu í desember). Þegar komið var að skálanum í Hagavatni bar hins vegar heldur betur til tíðinda, eftir að hafa ekið fram hjá tveimur "ófært" skiltum blasti við okkur bíll sem ekki var tommunni stærri en Toyota Avensins fullur af North Face innpökkuðum Bandaríkjamönnum með bíl fullan af tækjum til ísklifurs. Spurningar þeirra voru ekki af verri endanum "How far is it to the glacier?". Það gladdi þó mitt litla hjarta að ég komst akandi nær jöklinum en kanarnir sem sneru við hjá skálanum, án þess svo mikið sem að sjá jökulinn eða vatnið! Eftir að hafa nær hrætt líftóruna úr systur minni með því að spólast upp brekkuna við vatnið voru gönguskórnir teknir fram og þrammað á næstliggjandi Jarlhettu, lítillega á Langjökli, meðfram Hagavatnsströnd auk þess sem Farið var barið augum. Eftir þessa miklu göngu var haldið til baka og tók systir mín þá skynsamlegu ákvörðun að þramma niður Hagavatnsbrekkuna í stað þess að leggja líf sitt í hættu með mig við stýrið (þess má geta að Norðmaðurinn skemmti sér hins vegar konunglega við þessar aðfarir í brekkunni). Í miðri Hagavatnsbrekkunni var reyndar mannlaus bíll og hafði ökumaður greinilega ætlað sér að stöðva alla umferð (alla!!) til og frá Hagavatni með því leggja þvert á slóðann í miðri brekkunni. Mín för var þó ekki stöðvuð fyrr en í Hagavatnsskála þar sem áð var til nestisáts, hér skal reyndar játuð sú synd að gestbókarskrif gleymdust. Á heimleið var komið við á hinum miklu túristastöðum við Gullfoss og Geysi en það er ekki til frásagnar að öðru leiti en því að þar sá ég hinn nýja Land Cruiser í fyrsta sinn.

þriðjudagur, desember 10, 2002

jú góðan og margblessaðan daginn
Bráðum koma blessuðu jólin og börnin fara að hlakka til o.s.frv. og jólin er einmitt
að hrynja í hausinn á okkur hvað úr hverju en fyrir þá sem ekki vita þá er þau haldin
til að fagna fæðingu frelsarans.....mín. Gjafir eru ekki afþakkaðara af minni hálfu og
býst ég við einhverju spikfeitu og stóru annars verð ég alveg brjálaður.
Nú þetta leiðir líka hugann að því að áramót með tilheyrandi feitakjötsáti (eins og það
hafi ekki verið nægilegt fyrir um jólin), fylleríi og þynnku á nýársdag eru framundan. Nú þar sem búast
má við að þynnka eftir áramótin dragist eitthvað fram á mitt næsta ár (alla vega miðað
við drykkju undanfarinna ára) og má alveg búast við því að menn,konur og dýr eigi alveg
nóg með það bara koma sér í vinnuna og svo heim aftur. Því sem fyrirbyggjandi aðgerð
þá vorum við VJ að ræða heimsins þurftir og nauðsynjar og meðal annars téða utanför
okkar VÍN verja til landsins sem lítur eins og stígvél (alla vega miðað við landafræðikennslu
í þeim fræga skóla sem kenndur er við heimavöll HK) og þótti okkur það viskuráð mikið
að fara kannski að drullast til að borga alla vega inná ferðina ef hana þá bara ekki hana alla og vera því bara
búin að þessu.
Fimmtudagur næstkomandi í hádeginu var hugmynd að kíkja. Ef einhverjir hafa aðrar hugmyndir endilega
smellið þeim á öskrið. En alla vega á fimmtudag eru ég og VJ að fara gera okkur gjaldþrota. Þið megið
endilega slást með í för (þó þið séu ekki að fara) og fylgjast með það er nefnilega svo góð lykt af ykkur!!!!!!!!
Góðar stundir
P.s. heyrst hefur með vindinum að viss aðili sé nú þegar búinn að gera sig gjaldþrota.....þó hann hafi
þjófstartað (þar sem við héldum að við ætluðum að gera þetta öll í einu) þá skulum taka hann okkur til fyrirmyndar

mánudagur, desember 09, 2002

Eins og alþjóð vissi þá stefndi V.Í.N. að aðventuferð um síðustu helgi. Einhver öræfaótti hljóð í menn á fimmtudeginum og fór þar Kæri Sáli fremstur í flokki. Beiti hann lágkúrulegum sálfræðibrögðum til að tala okkur af ferð. Nema hvað ekki voru allir alveg sáttir við þennan öræfaótta sem hafði héltekið V.Í.N.-liða var rætt um að fara eitthvað á laugardeginum. Kom sú frumlega hugmynd upp að kíkja aðeins í Landmannalaugar. Var sú hugmynd samþykkt við fyrsta enda kominn tími á að halda fimmtu umferð heimsbikar móti V.Í.N. í léttsprettsprellahaupi. Ástand manna var ansi misjaft á laugardaginn heilsubrestur var hjá einum, vinna hjá öðrum og svo almennt tapsárindi hjá þeim þriðja. Sem sagt ekki góð blanda til fjallaferða þannig að menn ákvaðu að bíða með brottför fram eftir kvöldmat. Er undirritaður kom heim til VJ til að hann gæti sótti fjallavagninn í vinnuna sína rúmlega níu. Þá var hinn frábæri þáttur Popppunktur í gangi og urðu ferðafélagarnir að horfa á HAM vinna glæsilegan sigur á skítabandinu Í svörtum hönskum. HAm er komið í úrslit og á stuðning VÍN vísan. Eftir að HAM sigraði var ekkert að vanbúnaði og sækja Hliðrunarsparkið og halda svo sem leið lá í Grafarvoginn að pikka Magga Brabrasoninn og svo Twistinn. Loks var lagt að stað áleiðis til fjalla eftir að hafa komið við í 10-11 í Hamrahverfinu. Stuttur stans var gerður í effemmhnakkabælinu Selfossi þar sem bílstjórinn gæddi sér á pulsu með bestu lyst á meðan Maggi fékk símtal frá fyrrum nýlenduherrum Íslendinga og var sagt að tala við Hjördísi úr Árbæjarskóla. Voru Íslendingar erlendis víst ansi vel í skál og búnir að teiga gott magn að Tuborg og Carlsberg. Það var víst þjóðernishyggjan sem réð ríkjum hjá okkur Magnúsi og glöddust við yfir þriðja besta bjór í heimi með bestu lyst. Eftir að Vignir hafði sporðrennt pylsunni var gert annað pitstop, þarna í höfuðvígi effemmhnakka, til að setja þar til gerðan orkuvökva á ofur Sukkuna. Gekk nú ferðin frekar tíðindalaust fyrir sig með ljúfa tóna frá Nick Cave á geislanum. Hélst bar til umræðu með staðsetningu tilvonandi virkjun Landsvirkjunnar með Núpsvirkjun. Þarna var farið að bera á ísingu á veginum svo það var aðeins slegið af. Þegar við komum í Hrauneyjar var það fjör á bæ. Einn var vel í bjór og var að renna að afbjóra sig með að þamba kaffi í miklu magni. Eftir smá spjall þar sem sumir reundu að æsa upp Patrol mann með litlum árangri og þessi með kaffið hafði gríðarlega áhyggjur af því að Vignir hafði lagt yfir kóreskan smábíl. Þessir aðilar voru svo elskulegir að benda og vara okkur við að mikið hefði verið í Kvíslinni og Heita læknum við Landmannalaugar. Höfðu þau svo miklar áhyggjur að þau voru ekki í rónni fyrr enn að við vorum komnir með símann hjá þeim ef það skyldi gerast að allt færi á versta veg. Eftir heimsókn á klósettið þar sem bjórinn þurfti að skola sér út og eftir að Vignir hafði gert áfengiskaup sem samanstóðu af tveimur Tuborg í dósum, ekki slæmt að hafa svona áfengisútsölu á fjöllum og líka verður að hrósa þeim fyrir rúman opnunartíma eitthvað sem Mjólkurbúð Höskuldar mætti taka sér til fyrirmyndar, var ekkert til fyrirstöðu að fjósa af stað. Ekki gerðist mikið markvert á leiðinni nema hvað að allt er snjólaust enn þunnur ís á pollum og vötnum. Á einum stað var nokkuðð stór pollur í einni lægðinni eftir að hafa aðeins smakkað og sumir orðnir blautir í lappirnar eftir að hafa kannað aðstæður var tekinn smá krókur og krægt framhjá. Lítið mál fyrir vana karla og ofur Hliðrunarsparkið. Á Frostastaðahálsi var ca einn hálfur skafl sem var ekki til vandræða. Er við komum að Kvíslinni höfðum við orð félaga okkar í huga en þau orð voru fljót að gleymast því ekkert var í Kvíslinni nema hvað hun hafði grafið sig og bakkarnir voru háir samt ekkert til vandræða bara að þræða framhjá. Sjaldan hefur maður séð jafnlítið í Heita læknum. Gaf það mönnum ástæðu til bjatsýni með að laugin yrði góð. Þegar við komum að bílastæðinu við skálann var ekki nokkur kjaftur á staðnum, okkur til mikillar gleði og jafnframt undrunar. Eftir að bílnum var lagt tökum við allt okkar hafurtask og réðumst til inngöngu í skálann og hertökum Koníakstofuna sem hefur að vísu fengið nafnið Kvistir (sem rímar við Twistur, sem er magnað). Við komum okkur fyrir enn að vísu áttum við í erfiðleikum með að koma rafmagni í gang, ætti þetta að sanna það í einn eitt skiptið að rafmagn er ekki til og hér með legg ég til að Ferðafélag Íslands komi sér upp glussakerfi. Eftir þessar svaðilfarir veð rafmagnið þá drukkum aðeins meira öl og áttum súkkulaði. Nú var lag að gera sig klárann fyrir léttsprettsprellahlaup. Fimmta umferð í heimsbikarmóti gekk vel og verða úrslit kunn síðar. Það verður samt að segjast að laugin var léleg köld og misheit. Það er eitthvað sem maður vill síður þar vöru teigaðir tveir bjórar og eftir að þeir kláruðust var spett úr spori inn á skála. Þar gæddi maður sér á einum jólabjór ,frá sömu þjóð og seldi okkur myglað kjöt og maðgað mjöl í margar aldir í skjóli einokunar, eftir að hafa gætt sér á þessum guðaveigum var farið að sofa. Það sáfu allir eins og ungabörn enda veitti ekki af. Við vöknuðum svo einhvern tíma rétt fyrir hádegi á sunnudeginum og tók þá morgunmatur við ásamt lestri blaða þar sem Jungle Jil var í aðalhlutverki í einu þeirra. Eftir lestur og hádegismessu var lagt í hann. Rétt eftir brottför mættum við tveimur Patrolum með ulla eða eitthvað álíka um borð. Þarna sýndum við hvar Davíð keypti ölið. Það er alveg óhætt að segja það ekkert merkilegt gerðist á leið okkar til byggða. Okkur til mikillar leiðinda þá urðum við ekki varir við jólasveina eða foreldra þeirra. Þannig að okkur tókst ekki að koma óskalista til þeirra bræðra um hvað okkur langar í skóinn þessi jólinn. Það var stoppað í Hrauneyjum þar sem einn þurfti að skella sér á biskupinn til þessa að tefla við páfann. Eftir að við höfðum yfirgefið Hrauneyjar þá kom upp sú hugmynd að skella okkur í sund. Eftir að hafa komið við í Árnesi og komist að því að þar ´se sundlaugin lokuð í desember, janúar og febrúar ekki nóg með það heldur er líka laugin í Brautarholti lokuð á sunnudögum. Þannig að það var ákveðið að kanna með sundlaugina í Reykholti í Biskupstungum væri opinn. Viti menn, eftir að hafa ekið framhjá Skálholti og rifjað upp sögu Ragnheiðar biskupsdóttir, þá var laugin í Reykholti opinn. Þetta er alveg hinn ágætasta laug þó svo að nýtingin hafi ekki verið með besta móti. Sundlaugin missir einn sundkút fyrir að hafa rennibrautina lokaða svo ég get ekki gefið meira enn **. Eftir að við komum úr lauginni vel soðnir eftir heitupottana var að samdóma álit ferðafélaga að þessi sem var að vinna í sundlauginni væri hreppsmeistari kvenna í þrístökki. Á heimleiðinni hlustuðum við á Rokkland í grenjandi rigningu og þannig endaði aðventuferð V.Í.N. 2002. Þegar öllu er á botninum hvolt þá fínnasta ferð og við við fórum úr bænum létum engan öræfaótta stoppa okkur. Nú er barasta að gera klárt fyrir millijólaognýársferð.

laugardagur, desember 07, 2002

Gleymdi einu í reiðilestrinum og drullinu yfir Thorvaldsen.
Það er að þolinmæðistankar okkar Stefáns kláruðust og hoppuðum
við úr röðinni bölvandi þessum miður gáfulega stað í sand og ösku nema hvað þegar við ´
troðum okkur út úr prísundinni þá myndaðist að sjálfsögðu pláss. Ég 0,11 tonn að þyngd þannig að plássið
hefði átt að vera töluvert. Við þetta
myndaðist ansi góð bylgja í röðinni þegar fólk tróð sér í plássið okkar og sú bylgja endaði
að sjálfsögðu fremst og ég gat ekki betur séð en að einn af vinnudýrunum hafi troðist duglega upp að
einum veggnum þegar hann reyndi að stöðva röðina sem var komin
hættulega nálægt því að komast inn. Minnst kosti emjaði greyið "drullist til að bakka"
Þótti mér það ansi fjörugt og skemmtilegt á að horfa. Þessi bið okkar var þá kannski
til einskis!!!!!!!
Tel mig knúinn til þess að deila örlitlu fróðleikskorni með ykkur.
Byrjum á yfirlýsingu og svo skýringu á gífuryrðunum
Thorvaldsenbar er eitthvað sem má brenna til grunna (með celebapakkinu
inni) og þá mun
ég mæta og míga á rústirnar og hananú!!!!!
Hvers vegna skyldi maður nú vera æsa sig yfir þessu?????
Jú við höfum kvartað sáran yfir því hversu neðarlega í virðingarstiganum við
erum hjá heilalausu vinnudýrunum í hurðinni á Hverfisbarnum þar sem
bókstaflega 24,76% Reykvíkinga og nærsveitunga
komast fram fyrir okkur (og þar af leiðandi fyrr inn) í röð sem oftar en ekki
gengur undir nafninu celebaröð eða eins og útleggst á íslensku
fólksemhefurþábjargföstutrúaðþaðsémerkilegraenviðhinþráttfyriraðhafaunniðnákvæmlegaekkertfyrirþvíheyrðiégnafniðfjölnirþorgeirssonröð
og höfum við margoft fundið ákveðnum andlegum særindum þegar fólk töltir fram hjá okkur og það eina sem
gerir er að nikka og med det samme komið inn og við húkandi úti í bylmingskulda og rokfári þrátt fyrir að liðið
á barnum bíði spennt eftir að taka svona hér um bil 2389 kr af kortum okkar (við hverja færslu að sjálfsögðu)
þegar við beiðumst rússnesks kóks og fleiri
göróttra drykkja ERGO við höldum fjármálahlið staðarins uppi og finnst að það ætti að koma limmó og sækja okkur
og flytja á okkar annað heimili þ.e. títtnefndur Hverfisbar.
Ég og Stefán nokkur sem kenndur er við dans komumst að því að þetta er bara ekki neitt neitt. Viðmiðin hafa
breyst svo um munar. Við ákváðum nú að heilsa uppá vin okkar, hagfræðispekóinn og appelsínugululiðsstuðningsmanninn
Vigni Jónsson sem hafði komið sér vel fyrir á Thorvaldsenbar með vinnufélögum. Við mættir í langa röð en sem betur fer vel æfðir í að bíða
eftir fjöldamörg pitstopp röðinni á Hverfisbarnum. Svo líður og bíður og röðin færist strax um heila 56 cm og við bara spenntir
yfir því að þetta gæti nú gengið fljótt og vel fyrir sig og við þyrftum ekki að pirra okkur mikið yfir biðinni. ÓÓÓÓÓÓÓÓÓÓNNNNNNNEEEEEEIIIIIII
svo gott var það nú ekki því við biðum í 25-30 mín og röðin færðist ekki cm. Þetta hefði nánast verið óbærilegt ef ekki hefði verið
fyrir ansi hreint slompaðan dreng sem fyrir aftan okkur var og fannst það tilhlýðilegt að segja aðeins frá og fræða útlendingsgrey um
heimsins þurftir og nauðsynjar og MJÖG BJAGAÐRI ÍSL-ENSKU.
En það er nú ekki aðalmálið enda við tvívetra í þessum málum af fenginni reynslu af Hverfó heldur er það að á meðan við biðum þá fór örugglega
(og ég er ekki að ýkja þetta) 25-28 manns beint að dyrunum (meðan við biðum eins og álfar úti á túni
og inn þrátt fyrir að enginn kæmi út. M.ö.o. það var fullt af plássi (það er svo notalegt
að láta trukka svona í taðið á sér). Það var haugur kvenkyns-ljóshært eintökum sem gerðu það eina að brosa og þær bókstaflega rifnar inn
og svo þónokkur eintök af fólksemhefurþábjargföstutrúaðþaðsémerkilegraenviðhinþráttfyriraðhafaunniðnákvæmlegaekkertfyrirþvíheyrðiégnafniðfjölnirþorgeirsson
BOTTOM LINE: Ekki fara þarna því þú gætir orðið snobbfrík og haldið að þú væri merkilegri en við hinir þrátt fyrir að þú vinnir bara í grænmetisbarnum í Hagkaup

Ég er ekkert bitur. Er bara í vinnunni og hef ekkert að gera (útleggst nenni ekki neinu) og ákvað aðeins að drulla yfir eitthvað en Thorvaldsen sökkar jesöríbob
Góðar stundir

fimmtudagur, desember 05, 2002

Örlítið fyrir þau okkar sem eru að fara til Ítalíu: Hitti mann á förnum vegi sem hafði komið til Val di Fiemme og gist á sama hóteli og við stefnum á. Hann hafði svipaða sögu og við höfðum áður heyrt þe. að þetta væri fínt hótel (og þá sérstaklega maturinn), skíðasvæðið væri gott og mikið af snjóbyssum. Helsta vandamál okkar er hins vegar það að partýstemmning á svæðinu væri með daprara móti en við ættum að geta ráðið fram úr því eins og alltaf þegar við erum á ferðinni. Varðandi Mílanóferð sagði hann að akstur þangað tæki um 3,5 - 4 klst. og best væri líklega að leigja bíl til að koma sér þangað. Eftirfarandi eru helstu síðurnar með upplýsingum um svæðið (þe. sem ég hef rekist á):
Hér er kort af svæðinu.
Hér eru vefmyndavélar.
Hér má sjá allt um veðrið og snjóinn
Hérna er allskonar óskiljanlegt dót á Ítölsku.

miðvikudagur, desember 04, 2002

þessa snilldarsögu fann ég á netinu
Það er hressandi hefði að láta steggja sig á fleiri
stöðum á jarðkúlunni heldur en bara hér á klakanum
Vessgú og njótið vel


In sweden it is a bit of a custom for the groom to be

kidnapped and whisked off somewhere for his stag night... these usually

last all day.. and all night... and rather than the typical english

stag night where you all arrange it beforehand.. go out get drunk and

hire a stripper...

The swedes do it different.. The groom has no idea until he gets nabbed.. he
might be dressed up in something crazy... and go do something fun...and then
the fun starts! This particular guy is a keen sailor and when he was
kidnapped for his stag night they pasted a false "skippers-beard" on him and
put him at the helm of a 60 foot yacht and let him be skipper for the day...
much beer and fine food was consumed. But nothing... nasty happened to him
at all...

In the evening when they got back on land and were getting cleaned up

for the night club... they all had a sauna as is customary in sweden....

Imagine the grooms horror when he walked into the sauna where his naked

buddies were waiting for him... to see that best mate number one had no

hair on his genitals... neither did friend two.. or three.... or four.... OH
dear....!! Can you guess where they got the fake beard from......

föstudagur, nóvember 29, 2002

jæja þá er komið að því
Magnús Blöndahl er opinberlega orðinn celebi og nú skulið þið halda ykkur í.
Samkvæmt áreiðanlegum heimildu var ég nefndur í Fókus í hverjir voru hvar.
Ég læt að sjálfsögðu ekki upp um heimildir mínar nema ég kem kannski með
vísbendingar. Fyrsti stafurinn er A og sá næsti rnór þið megið geta ykkur til
hver er það.
Nú þá er það bara að fara nýta sér óvæntu frægð mína og fara troða mér fremst
í allar raðir á öllum börum bæjarins. Þið fáið kannski að hanga með ef þið biðjið fallega
en ég er samt ekki viss að þið fáið að fljóta með því ég er orðinn svo merkilegur með mig
og frægur. Næsta mál á dagskrá er að koma sér í Séð og Heyrt og verða frægur fyrir ekki neitt.
Maður kemst kannski í sama flokk og Villi "ritgerðastelir" og Fjölnir liðleskja...nei ég meina
athafnamaður nei ég meina liðleskja.....hverjum er ekki sama þetta þýðir hvort eð er það sama!!!!!!
Bottom line: Það er eins fallegt að þið börnin stór og smá verðið reglulega dugleg við að sleikja
mig upp og gefa mér fullt af bjór svo þið fáið kannski að "væblast" í grennd við mig............
........ magnús það eru bláu pillurnar á föstudögum fyrir hádegi og þær grænu eftir hádegi en ekki öfugt!!!!!!!
Dilbert dagsins er góður!

fimmtudagur, nóvember 28, 2002

og þetta versnar ekki hérna!!!!!
Næsta heimasíða sem hægt er að
slefa yfir
gjörðusvovelognjóttabarastavel
http://www3.mistral.co.uk/minthouse/hk.htm
andskotans blogger drasl. Það kemur meira að segja í veg fyrir að maður getir gónt þar til gerðar
myndir á netinu því slóðin kom ekki drasl.......eða kannski bara að ég kunni ekki á tölvur.....veit eiginlega ekki hvort er
líklegar en alla vega hér er slóðin
http://www.spacesurfer.com/wceleb/list/Heidi_Klum_p4.html
Jæja ætli það sé ekki kominn tími til að rífa aðeins kjaft.
Menn hafa verið óvenjuspakir í blogginu að undanförnu og hefur lítið komið frá okkur félögunum
nema ef vera skyldi frá VJ.
Því kem ég hér með mjög þarfa og góða umræðu
um hver skuli vera verndari þessa góða félagsskapar og kem ég með eina tillögu.
Ekki er meiningin að drulla á gamlan og góðan vin eða hana Brynju Spjót og Rauðumbjúgnagallann góða heldur er
það því miður sorgleg staðreynd að mesti glansinn er horfinn af henni (þarf kannski að
bóna hana örlítið!!!!!) . Klassískir slagarar á borð við
Ooooops I didi it again eða eins og útleggst á íslensku: óguðminngóðurogfariþaðígrákolaðogallteraðfaratilandskotan ég gjörði það á nýjan leik!!!!!
hafa yljað okkur um hjartaræturnar og oft verið tilefni til dansskaka og fíflaláta en svo ég geri langa og leiðinlega sögu stutta þetta er orðið þreytt!!!!!
(ef þið eruð ósammála verið það mér er alveg skítsama!!!!!)
Þar að auki þá er eitt lítið atriði getur ekki talist til góðra kosta fyrir hana Brynju
sem þó er af slíkri stærðargráðu að erfitt getur reynst að finna stað í hjarta okkar til að fyrirgefa. En það er að
hún Brynja var svo merkileg með sig (kannski velgengnin hafi stigið henni til höfuðs......hver veit) að hún ómakaði sig ekki einu sinni við það að spjalla þó ekki
væri nema stundarkorn við VÍN-félaga sem þó gerðu sig út í krossferð til Ammirikku bara til þess eins að hitta hana. Ekki nóg með það heldur streymdi
fjöldinn allur af VÍN-félögum í heimsókn til krossfaranna (í lengri eða skemmri tíma) og hvað gerðist. Heyrðist ekki múkk frá Brynju segi það og skrifa!!!!
Því kemur hér með tillaga ein svo ég röfli aðeins fyrir minn túlla aaaaaaaaaaarrrrrrrrrrrrrrgggggggggggggg
Vessgú og njótið vel
Ég sá hana í Leno og þetta er bara ekki sanngjarnt!!!!!
Ég ráðlegg ykkur eindregið að skoða þessa síðu og fleiri myndir af þessu vinalega greyi.Jesúspéturíallannvetur

Verndarinn er mættur í sjoppuna

Góðar stundir
Það er alltaf góð stemning í neðri deildunum í Englandi, þessi er fengin af gras.is:
Knattspyrnustjóri enska 3. deildarliðsins Exeter, Neil McNab, er alveg æfur af reiði út í Brian Curson dómara sem rak 5 leikmenn út af með rauða spjaldið á 2 mínútum í viðbótartíma í 2-1 tapleik gegn Cambridge um helgina. McNab sakar dómarann um að hafa gjörsamlega misst tökin á leiknum þegar hann vinkaði hverjum leikmanninum á fætur öðrum með rauða spjaldinu sínu í kjölfar uppþots leikmanna á milli upp við hornfánann.
Fjörið hófst á 90. mínútu þegar Kevin Miller markverði Exeter vikið af velli fyrir brot á leikmanni Cambridge sem kom æðandi með boltann í átt að vítateignum. 2 mínútum síðar leystist leikurinn upp í rifrildi og Curson dómari sendi fjóra leikmenn til viðbótar í sturtu, tvo úr hvoru liði. McNab mun örugglega ekki senda Curson dómara jólakort.
Að segja að dómarinn hafi misst tökin á leiknum er of vægt til orða tekið. Hann rak meira að segja rangan leikmann af velli. Ég held svei mér þá að hann hafi misst stjórnina á þessu.” sagði Exeter stjórinn súr í bragði.
Aldrei áður hefur jafnmörgum leikmönnum verið vikið út af á svo skömmum tíma í deildarleik í Englandi.

miðvikudagur, nóvember 27, 2002

Einn mjög góður frá Valda Kalda:
HU'S ON FIRST
By James Sherman
(We take you now to the Oval Office.)
George Bush: Condi! Nice to see you. What's happening?
Condi: Sir, I have the report here about the new leader of China.
George: Great. Lay it on me.
Condi: Hu is the new leader of China.
George: That's what I want to know.
Condi: That's what I'm telling you.
George: That's what I'm asking you. Who is the new leader of China?
Condi: Yes.
George: I mean the fellow's name.
Condi: Hu.
George: The guy in China.
Condi: Hu.
George: The new leader of China.
Condi: Hu.
George: The Chinaman!
Condi: Hu is leading China.
George: Now whaddya' asking me for?
Condi: I'm telling you Hu is leading China.
George: Well, I'm asking you. Who is leading China?
Condi: That's the man's name.
George: That's who's name?
Condi: Yes.
George: Will you or will you not tell me the name of the new leader of China?
Condi: Yes, sir.
George: Yassir? Yassir Arafat is in China? I thought he was in the Middle East.
Condi: That's correct.
George: Then who is in China?
Condi: Yes, sir.
George: Yassir is in China?
Condi: No, sir.
George: Then who is?
Condi: Yes, sir.
George: Yassir?
Condi: No, sir.
George: Look, Condi. I need to know the name of the new leader of China. Get me the Secretary General of the U.N. on the phone.
Condi: Kofi?
George: No, thanks.
Condi: You want Kofi?
George: No.
Condi: You don't want Kofi.
George: No. But now that you mention it, I could use a glass of milk. And then get me the U.N.
Condi: Yes, sir.
George: Not Yassir! The guy at the U.N.
Condi: Kofi?
George: Milk! Will you please make the call?
Condi: And call who?
George: Who is the guy at the U.N?
Condi: Hu is the guy in China.
George: Will you stay out of China?!
Condi: Yes, sir.
George: And stay out of the Middle East! Just get me the guy at the U.N.
Condi: Kofi.
George: All right! With cream and two sugars. Now get on the phone.
(Condi picks up the phone.)
Condi: Rice, here.
George: Rice? Good idea. And a couple of egg rolls, too. Maybe we should send some to the guy in China. And the Middle East. Can you get Chinese food in the Middle East?

þriðjudagur, nóvember 26, 2002

mánudagur, nóvember 25, 2002

Áfram með sögurnar, fann þessa hjá Öryggismiðstöð Íslands og minnti þetta mig óneitanlega á Jarlaskáldið Arnór:
Hann vaknaði við vondan draum maðurinn sem sofnaði á skemmtistað um helgina. Hann svaf vært og það fór mjög lítið fyrir honum, það lítið að starfsmenn staðarins urðu ekki varir við hann þegar þeir gengu frá. Þegar leið að morgni rumskaði náunginn og teygði úr sér og það var eins og við manninn mælt, þjófavarnabúnaðurinn fór af stað og 120 desíbila hávaði dundi á gestinum sem rauk upp með andfælum. Um leið og kerfið fór af stað fékk Öryggismiðstöð Íslands boð um innbrot á staðinn. Öryggisverðir voru fljótir á vettvang og hleyptu titrandi og skjálfandi gestinum út í þögulan og friðsælan morguninn.

laugardagur, nóvember 23, 2002

Þessa snilldarsögu fann ég hjá þeim Kögguls mönnum. Njótið vel


Uglan
(eftir stúlku í fimmta bekk)

Fuglinn sem ég ætla að skrifa um er ugla. Ég veit ekki mikið um uglur þannig að ég ætla skrifa um leðurblöku. Kýrin er spendýr. Hún hefur sex hliðar þ.e. hægri hlið, vinstri hlið efri hlið og neðri hlið. Að aftan hefur hún halann sem burstinn hangir í. Með burstanum fælir hún flugurnar í burtu svo þær komist ekki í mjólkina.

Höfuðið er til þess að hornin geti vaxið og að munnurinn geti verið einhversstaðar. Hornin eru til þess að stanga með en munnurinn til að borða með. Undir kúnni hangir mjólkin. Mjólkin kemur bara og kemur, allveg endalaust. Hvernig kúin gerir þetta hef ég ekki ennþá komist að en hún getur búið til meira og meira.

Kýrnar hafa mjög næmt lyktarskyn og lyktin af þeim finnst mjög langt langt í burtu. Það er skýringin á ferska sveitaloftinu. Karlmannskýr eru kölluð naut. Þau eru ekki spendýr.

Kýrnar borða ekki mikið en það sem þær borða, borða þær tvisvar svo þær fái nóg. Þegar þær eru svangar þá baula þær en þegar þær segja ekki neitt þá er það vegna þess að þær eru pakksaddar.

Endir.











fimmtudagur, nóvember 21, 2002

Fyrst að maður er lokins opinberlega orðinn tölvunörd þá er alveg eins gott að koma hugmyndum sínum á framfæri á netinu eins hvar annarstaðar. Nóg um það. Best að koma sér að efninu. Þannig er má með ávexti að nú er manni farið að langa í aðra jeppaferð sem mín hugmynd er að fara á aðventunni eða sannkallaða aðventuferð. Fyrir okkur sem höfum lokið skólagöngu (í bili amk) og erum farnir að stunda verðmætasköpun þá var mér að detta í hug helgina 6-8.des n.k. Sú leið sem hafði hvarlað að mér að fara er eitthvað á þessa leið. Á flöskudeginum að þjóta yfir holt og hæðir í austurátt uns við komum að Geysi þar sem áhugasamir geta skoðað Geysi og aðra hveri. Meðan á skoðun færi fram væri hægt að nota tímann fyrir aðra til að tanka og fá sér pulsu. Þegar öllum þessum erindagjörðum væri lokið væri upplagt að halda för áfram og fara framhjá næstu virkjunaráformum Landsvirkjunnar þ.e.a.s Gullfossi og uppá Kjalveg. Það myndi svo fara eftir færð og öðrum óvissuþáttum hve langt upp á Kjöl við myndum fara. Það eru nokkrir skálar sem koma til greina sem gististaðir þessa fyrstu nótt. Fyrstan ber að telja Fremsta-Ver svo er líka Hvítárnes þar er víst gott að heilsa uppá drauga, segir sagan allavega. Svo kemur náttúrulega til greina gamalkunnur skáli okkar V.Í.N-liða sem er Árbúðir. Spurning um að hafa Gvandala-Gústala með og fá hann til að missa eins og eitt afturhjól undan, fá frosið vatn inn á vélina og steikja startarann. Svona uppá gamla tíma. Kannski líka málið að yfirfylla Willysinn, nei ég held ekki, best að sleppa þessu. Síðasti gististaðurinn sem kemur til greina þessa föstudagsnótt er Svartárbotnar. Fyrir þá sem ekki eru vissir er sá skáli rétt norðan við afleggjarann í Kerlingafjöll. Eftir morgunbæn laugardaginn 7.des yrði haldið sem leið liggur í átt að Kerlingafjöllum og ef vel liggur á okkur væri vel hægt að kíkja á stemninguna í Kelló. Það er aldrei að vita nema Carmen Diaz verði á svæðinu. Hvort sem við myndum koma við í Kerlingafjöllum eða ekki þá myndi leið okkar liggja í átt að Leppistungum fylgja það slóða og fara yfir ár. Seinni gististaður yrði svo Svínárnes þar sem þetta hefðbunda myndi taka við, kjötát og inntaka skáldamjöðurs. Sunnudagurinn færi svo bara í að koma sér heim með einum eða öðrum hætti. Þetta er allavega mín hugmynd með aðventuferð og ef þið hafið aðrar grillur þá er bara að koma þeim á framfæri. Það er um að gera að nýtta svartasta skammdegið meðan það gefst. Hvað segið þið við þessu? Er ekki góð stemning fyrir þessu? Svo þegar við komum í bæinn getum við getið út jólastressið á mettíma. Þetta er, myndi ég segja, gott mál. Nú er bara að bera út fagnaðarerindið og um leið að leggjast á skeljarnar og fara með snjóbænir.
Fyrst að maður er lokins opinberlega orðinn tölvunörd þá er alveg eins gott að koma hugmyndum sínum á framfæri á netinu eins hvar annarstaðar. Nóg um það. Best að koma sér að efninu. Þannig er má með ávexti að nú er manni farið að langa í aðra jeppaferð sem mín hugmynd er að fara á aðventunni eða sannkallaða aðventuferð. Fyrir okkur sem höfum lokið skólagöngu (í bili amk) og erum farnir að stunda verðmætasköpun þá var mér að detta í hug helgina 6-8.des n.k. Sú leið sem hafði hvarlað að mér að fara er eitthvað á þessa leið. Á flöskudeginum að þjóta yfir holt og hæðir í austurátt uns við komum að Geysi þar sem áhugasamir geta skoðað Geysi og aðra hveri. Meðan á skoðun færi fram væri hægt að nota tímann fyrir aðra til að tanka og fá sér pulsu. Þegar öllum þessum erindagjörðum væri lokið væri upplagt að halda för áfram og fara framhjá næstu virkjunaráformum Landsvirkjunnar þ.e.a.s Gullfossi og uppá Kjalveg. Það myndi svo fara eftir færð og öðrum óvissuþáttum hve langt upp á Kjöl við myndum fara. Það eru nokkrir skálar sem koma til greina sem gististaðir þessa fyrstu nótt. Fyrstan ber að telja Fremsta-Ver svo er líka Hvítárnes þar er víst gott að heilsa uppá drauga, segir sagan allavega. Svo kemur náttúrulega til greina gamalkunnur skáli okkar V.Í.N-liða sem er Árbúðir. Spurning um að hafa Gvandala-Gústala með og fá hann til að missa eins og eitt afturhjól undan, fá frosið vatn inn á vélina og steikja startarann. Svona uppá gamla tíma. Kannski líka málið að yfirfylla Willysinn, nei ég held ekki, best að sleppa þessu. Síðasti gististaðurinn sem kemur til greina þessa föstudagsnótt er Svartárbotnar. Fyrir þá sem ekki eru vissir er sá skáli rétt norðan við afleggjarann í Kerlingafjöll. Eftir morgunbæn laugardaginn 7.des yrði haldið sem leið liggur í átt að Kerlingafjöllum og ef vel liggur á okkur væri vel hægt að kíkja á stemninguna í Kelló. Það er aldrei að vita nema Carmen Diaz verði á svæðinu. Hvort sem við myndum koma við í Kerlingafjöllum eða ekki þá myndi leið okkar liggja í átt að Leppistungum fylgja það slóða og fara yfir ár. Seinni gististaður yrði svo Svínárnes þar sem þetta hefðbunda myndi taka við, kjötát og inntaka skáldamjöðurs. Sunnudagurinn færi svo bara í að koma sér heim með einum eða öðrum hætti. Þetta er allavega mín hugmynd með aðventuferð og ef þið hafið aðrar grillur þá er bara að koma þeim á framfæri. Það er um að gera að nýtta svartasta skammdegið meðan það gefst. Hvað segið þið við þessu? Er ekki góð stemning fyrir þessu? Svo þegar við komum í bæinn getum við getið út jólastressið á mettíma. Þetta er, myndi ég segja, gott mál. Nú er bara að bera út fagnaðarerindið og um leið að leggjast á skeljarnar og fara með snjóbænir.
Betri er gaur hjá kvendi en í hendi!

þriðjudagur, nóvember 19, 2002

Betri er aur í hendi en hjá kvendi!
Eins og fram kom fyrir helgi þá fór mælingadeild VÍN í mælingaferð (eins og nafn deildarinnar gefur til kynna). Á föstudagkvöld lagði annar helmingurinn af stað, það var að sjálfsögðu betri helmingurinn. Eftir að hafa verslað hjá Tíkinni í túninu var snætt á KFC á Selfossi. Eftir að hafa tankað í Hrauneyjum og lokið ferð sinni á Biskupinn var ekkert til fyrirstöðu að fjósa upp í jökulheima. Þegar leiðin lá framhjá Vatnsfellsvirkjun þá var GPS-tækið ekki alveg sammála var leiðin væri. Það kann etv vill að skírast af því að nú er kominn heljar eitt mannvirki og Lalli frændi búinn að færa veginn um leið og hann hækkaði hann. Eftir afleggjarann að Jökulheimum var komið var keyrt á snjóbreiðu og á harðfenni. Adam var ekki lengi í paradís því eftir svona ca 3 km var komið á auðann veginn fyrir utan nokkra skafla sem voru í veginum (ef skafla má kalla). Rétt fyrir miðnætti birtust svo skálar Jöklarannsóknarfélagins í Jökulheimum okkur. Við skoðun eftirlitsmanna kom í ljós að olía í gamla skálanum var búinn svo það var ekkert annað að gera nema flýja í nýja skálann. Það er nefnilega óhætt að segja að það hafi verið kalt, þó ekki fastar að orði kveðið. Það tók smá tíma að koma olíuofninum í gang enn það hafðist um síðir. Ekki var mikið um bjórdrykkju þetta kvöldið og samtals voru tveir bjórar kláraðir þetta kvöldið. Slíkt verður að teljast léleg framistaða. Menn afsökuðu sig með því að kalt væri, þá er gott að eiga góða úlpu þó að hún sé ekki ný, líka með því að daginn ætti að taka snemma morguninn eftir. Um tvöleytið var farið í koju og var þá aðeins farið að hlýna inni og hitastigið orðið nokkrum gráðum heitara inni þá mælt í fahrenheit. Kl 07:14 á laugardagsmorgni góluðu vekjaraklukkurnar í þar til gerðum símum þrátt fyrir góða viðleitni þá komu menn sér ekki á lappir fyrr ca 07:48. Hófust þá morgunnæfingar og leikfimi með Mullersæfingum. Er undirritaður var að ferma bílinn þá þurfti Zingerborgarinn að skila sér og það strax svo það var ekkert annað að gera í stöðinni nema að hlaupa á kamarinn, sem er hinn glæsilegasti af fjallakamri að vera. Er Jolli hafði lokið sér við að setja upp basestöðina var ekkert að gera í stöðinni nema að koma sér að stað. Við vorum nú ekki nema 45 á eftir áætlun sem verður bara að teljast nokkuð stundvíslega þegar V.Í.N er annarsvegar. Er Þröskuldi var náð var beygt til hægri og fundinn slóði einn og hann mældur um leið og hann var ekinn. Það tók örlítið lengri tími að aka þessa leið að Þórisósi heldur enn háskólamenntaður maður hafði tjáð Jolla. Nóg um það. Þegar við komum að Þórisós hittum við restina af mælingadeild VÍN eða þá Magga Brabra og Togga. Voru þeir að vonum glaðir að hitta okkur enda ekki búnir að bíða í nema klst eftir okkur. Þarna við Þórisvatn voru menn á beltagröfum, jarðýtum og 12 búkollum að grafa skurð. Þá hófust miklar vangaveltur um það á hvað tæki Stína væri að vinna á. Ekki fannst Stína þarna svo fjósað var sem leið lá upp á Sprengisandsleið og yfir brú eina sem var 5 tonna öxulþungi, eins gott að Blöndahlinn var ekki með í för því annars hefði maður þurft að láta hann lappa yfir brúna. Sprengisandur var ekkert erfiður yfirferðar þrátt fyrir að vegurinn væri fullur að snjó. Ekki mikið mál fyrir Willys Thruster með 20 psi í dekkjunum. Eini farartálminn var Svartá. Toggi fór fyrstur á ísbrjótnum frá síðustu ferð. Ísinn brotaðu undan mun fyrr heldur en menn höfðu reiknað með. Nú var ekkert að gera í stöðunni nema brjóta meiri ís og fleyta honum undan. Eitthvað var svo vatnsyfirborðið farið að hækka vegna ísklakkatregðu neðar sem varð til utaf engu. Engu að síður þá komst Patrolinn upp með smá aðstoð ameríska hestafla. Nú var bara að prufa Willysinn í þessu og ofan í fór hann og uppúr hinum megin. Naglarnir, no spinið og bensíngöfin fengu að vinna fyrir kaupinu sínu þarna. Toggi fór svo á Pattanum yfir aðeins ofar og það án þess að bleyta dekkinn. Þarna veltu menn því líka fyrir sig hvenær Toggi yrði sóttur svo það var um að gera að koma honum yfir lækinn sem fyrst. Eftir ´hadegismat og hádegisbæn lá leið okkar að Hágöngulóni. Þegar þar var komið upp hófust miklar og djúpar pælingar hvar ætti að fara yfir. vildi Jolli að fjósað yfir á affallstíflunni. Eitthvað voru bílstjórarnir tregir við þá framkvæmd og fallist var á að kanna aðstæður neðar. Viti menn þar var fært yfir og yfir komust við þokkalega heilir á húfi og geði. Nú lá leið okkar einhvert og var ætluninn að enda aftur í Jökulheimum. Við keyrðum í gegnum Hágönguhraun uns við komum að einhverju fjalli og sáum slóða því var ekkert til fyrirstöða að elta þennan slóða og vona að hann myndi enda einhverstaðar annars staðar en í ógöngum. Þarna fórum við í rúma 1100 metra hæð og frostið niður í 15gráður auk vinds sem bles eitthvað. Þarna fyrir einhverja brekkuna sá maður sig tilneyddan að hleypa úr dekkjunum og fór niður í heil 12 psi enda mikið um stórgrytti þarna og einstaka skafla. Þarna fórum við niður eina þá bröttustu brekku sem minnti mann á brekkuna hjá Fjallkirkju um árið. Flotlega eftir brekkuna komum við að skála. Við fylgdum svo slóða þarna og mældum. Fórum yfir Sylgju á punkti. Gekk nú ferðinn þokkalega stórtíðindalaust fyrir sig uns að Jökulheimum var komið aftur því þá gekk erfiðlega hjá sumum að finna skálanna en gekk að lokum með smá aðstoð. Er í skála var komið um 18:30 var hafist handa við eldamennsku. Á matseðlinum var kjúklingaréttur hinn ágætasti. Við snæddum þetta með bestu lyst og skemmtum okkur yfir gestabókafærslum Köggulsfélaga. Eftir mat var minnið á tækinu klárað og eftir að basestöðinn var tekinn saman lá leið okkar til byggða. Á leiðinni tóku sumir vitlausabeygju og áttuðu menn sig missnemma á mistökunum Toggi og Jolli enduðu í Veiðivötnum meðan ég og Brabrasonurinn dóluðum okkur í Hrauneyjar. Þar var orkuvökva dælt á og lofti pumpað í dekkinn. Svo skiluðu hinir sér og var þá ekkert til fyrirstöðu að koma sér í bæinn í veigadrykkju þar. Þá kom í ljós að afturhjólalega (þessi leiðinlega) hjá pabbahanstoggabíl var líklegast farinn. Undirritaður brá sér á fógetann og þeir Patrolmenn notuðu tækifærið og komu sér af stað enda þurftu þeir að fara hægar yfir heldur en alla jafna. Við ákváðum svo að bíða eftir þeim við þjóðveg eitt, enda voru þeir ekki langt á eftir, vegna þess að það er ekki þorandi annað nema fara í gegnum Selfoss í hópum. Í Kömbunum tók Toggi fram úr Willys enda þá kominn í annan gír á snúningi sem hvorki ég né Willysinn látum okkur dreyma um að komast á. Þar sem Willysinn lætur menn og bíla ekki komast upp með að taka fram úr sér í kömbunum, nema þeir séu frá sama framleiðslulandi og hann sjálfur, þá tók Willy aftur forystuna efst í Kömbunum og hélt henn alveg þanngað til að við komum heim til Jolla og enduðum ferðina þar. Það flýtu menn sér sumir til að komast á árshátíð og aðrir í almenna drykkju. Eftir að hafa heilsað upp á afgreiðslustelpurnar á barnum á Hverfisbarnum þá endaði kvöldið á einum sveittum Nonnabita og með Stóra Stúf mér við hlið í leigubíl sofandi. Ég vona bara að einhver hafi haft einhvert gagn að þessum lestri og einnig nokkurt gaman

mánudagur, nóvember 18, 2002

Það er víst ekki tekið út með sældinni að verða fyrir líkamsárás! Gerði rétt í þessu stutta heimsókn til læknis sem tjáði mér það að í öllum hamaganginum sem gekk yfir þegar ég varð fyrir árásinni um þarsíðustu helgi brákaðist rifbein. Brákun á rifbeini lýsir sér helst í viðbjóðslegum verkjum sem fylgja öllum hnerrum auk þess sem ýmsar aðrar hreyfingar geta verið sársaukafullar. Niðurstaðan er sú að ég verð einungis að stunda léttar æfingar næstu fimm vikurnar (bjórglasalyftingar hljóta að teljast léttar æfingar) auk þess sem ég má ekki lyfta neinu þungu (ekki drekka stærri en hálfslítra bjór).

laugardagur, nóvember 16, 2002

Var að kanna hvort ég gæti ekki fundið framtíðar maka á netinu. Verð nú að segja þeim til hróss að þetta eru ekki föngulegustu konur sem ég hef séð, helst að þessi komi til greina, enda kveðst hún vera hagfræðingur. Hún vill hins vegar hitta blíðan, vingjarnlegan og umhyggjusaman mann, sem hefur vott af húmor, sú lýsing passar alls ekki við mig, þannig að ég á engan möguleika! Þessi er einnig alveg mögnuð og kemur vel til greina fyrir klæðaburð og frumleika, held hún myndi passa mjög vel við mig. Ætli hún hafi heklað peysuna sjálf? Fá eina svona með póstkröfu fyrir jólin, hvort tveggja konuna og peysuna!

föstudagur, nóvember 15, 2002

Það líður að helgi en aldrei þessu vant er hætt við því að helgin verði nokkuð róleg hjá VÍN-verjum. Flestir ætla að jafna sig eftir ævintýri síðustu helgar og amk tveir þurfa að liggja sjúkralegu um helgina og er ég annar þeirra (halda skal nefi frá hnjaski í uþb. 2 vikur og bannað er að nota sólgleraugu á þeim tíma!). Þó veit ég til þess að mælingadeild VÍN ætlar að gera sér ferð upp í Jökulheima í kvöld til þess að safna GPS hæðarmælingarpunktum fyrir Raunvísindastofnun HÍ. Þess fyrir utan eru menn í viðbúnaðarstöðu vegna hugsanlegs eldgoss í Mýrdalsjökli.

miðvikudagur, nóvember 13, 2002

Fyrir þá sem ekki vita þá nefbrotnaði ég (amk. nefbrot skv. lögregluskýrslu þó sumir vilji meina annað) en færri vita sennilega að nú er ég loksins búinn að kæra helv. óþokkann sem stóð að þessu! Vildi bara láta þá vita sem hefðu áhuga á. Svo er bara að sjá hvað gerist, nebbinn á mér fer allavega sífellt skánandi (batnar með árunum)!
Annars óska ég Arnóri til hamingju með skráningu í Ítalíuferðina og hlakka til að sjá hann á snjóbrettinu árgerð Ísland vann B keppnina!
ég held að við getum öll tekið félaga vorn Arnór Hauksson til fyrirmyndar og ýtt undir "ídolsdýrkun" á honum, því hann er maður mikilla verka og mikilla orða
en vandamálið er að hann stendur við þetta allt!!!!
Rámar einhvern sem í þessari frægu bústaðarferð var, þegar Arnóri þótti það gáfumerki mikið síðla laugardagskvelds að koma með til Ítalíu á skíði þó skíðakunnátta væri lítil sem engin og skíðin ekki til!!!
Ekki vandamálið, því hann á snjóbretti árgerð 1991 sem hann hefur reyndar ekki stigið á síðan Ísland skeit á sig í B-keppninni í Austurríki um árið (minnir að það hafi verið 1993...má vera að það sé einhver vitleysa) en það er ekkert vandmál fyrir Arnór Hauksson.Hann er búinn að kaupa sig inní leiðangurinn og hefur því okkur sem ætlum að fara bæst góður liðsmaður í skemmtunina (varla telst hann góður liðsmaður á skíðin!!!!).
Þetta fullyrði ég að sé á sama kaliberi og þegar Stefán nokkur, sem kenndur er við dans flaug alla leið frá ammirikkunni til að detta í það í Mörkinni hér forðum daga!!!!
Megi guðsfriður ríkja yfir ykkur og heimilum ykkar....alla vega fram yfir hádegi á föstudag!!!!
Góðar stundir

föstudagur, nóvember 08, 2002

Ég er með gleðifréttir fyrir VÍN-verja, því rétt í þessu var Gústi að útvega okkur íbúð Rafiðnaðarsambandsins í Furulundi á Akureyri helgina 13. - 16. mars 2003. Nú er um að gera að merkja við helgina í dagatalinu og láta sér hlakka til. Þrefalt húrra fyrir Gústa.

þriðjudagur, nóvember 05, 2002

Eins og áður hefur komið fram líður senn að átveislunni miklu (Le Grand Buffet) sem fram fer að Ölvunarborgum um komandi helgi. Enn hefur ekki verið tekin ákvörðun um hvað skuli vera á boðstólnum en til stendur að hittast í Heiðarásnum (athvarfi Boga og Loga) á miðvikudagskvöldið kl. 20.30 og ræða þau mál. Þeim sem vilja leita hugmynda að réttum fyrir átveisluna er bent á uppskriftir.is. Allir sem vilja hafa áhrif á matseðil kvöldsins eru hvattir til að mæta!

mánudagur, nóvember 04, 2002

Nú líður senn að hátíðarhöldum og þurfa menn, konur og dýr að fara koma sér í hátíðargírinn því eins og skáldið kvað hér forðum
"það er ekki ráð nema í tíma sé tekið og fjarlægðin gerir fjöllinn blá og langt til Patreksfjarðar og þar stóð hundurinn fastur í kúnni blablabla"
Án gríns þurfum við ekki að fara ákveða hverju við ætlum að troða í kökuopið á okkur fyrir utan bjórinn.
Undirritaður hefur fyrir því áreiðanlegar heimildir að val á tónlist sé vel á veg komin og getur fólk farið að hlakka strax til.
Bottom line: ÉG VIL ÉTA FEITT KJÖT EN HVERNIG?????

fimmtudagur, október 31, 2002

Fari það í hurðalaust helvíti!!!!!
Af hverju í skrattanum er þessi myndasíða í fokki. Það er ekki nema hluti af norðurhálendisskálaheimsóknarrigningartúrnum
okkar
Mér þykir tölvunörrarnir eitthvað vera klikka svo ekki sé fastar að orði kveðið.
Laga takk ekki seinna en í fyrradag

miðvikudagur, október 30, 2002

jæja bíddu nú við hvar var ég...jú í önglinum. Góður félagi þarf að míga og hafði hann lofað því að inn skyldi nú snúa hið fyrsta. Ekkert bólaði á honum svo sekúndum skipti og voru menn farnir að hafa áhyggjur af honum. Fnæsingurinn barði kofann að utan og voru menn farnir að velta því fyrir sér hvort hann hefði fengið hjartáfall við að viðra á sér litla vininn fyrir framan Kára sem miðað við kuldadjöfilinn var í miklu stuði. Nei ekki var það nú svo gott(eða vont eftir því hvernig þú lítur lesandi góður á málið) því þegar út var komið hafði ferðafélaginn þreytti troðið sér inní Toggapabbabíl á nýjan leik og lamdi þar ímyndaðar húðir af miklum móð við háværa músík sem úr kagganum barst. Voru náttúruhamfarirnar slíkar að unun var á að horfa og sannaðist hið fornkveðna (eða alla vega eitthvað kveðna!!) "þá sjaldan telst maður dauður þá er trommað getur"
Eftir þetta gerðist nákvæmlega ekki rassgat.
Talandi um rassgat því þegar vaknað var (eins og talandi um kamarinn í Emstrum...þið sjáið tengslin ég held rauða þræðinum í sögunni!!! hvað er þetta kallað í íslenskunnni Nóri??) þá þurfti sá sem þetta talar (eða skrifar) að heimsækja kofa einn ekki svo langt frá því matarbyrgðir gærkvöldsins voru farna að ulla (var þetta í 368 skipti í þessari ferð sem undirritaður þurfti að bregða sér úr partýi í þessum erindagjörðum.....að fróðra manna sögn....ein spurning hver nennir að fylgjast með klósettferðum???). Sá fær ekki mörg prik. Greinilega langt um liðið síðan hann hafði verið þrifinn og var ekki langt í að hann myndi springa!!!!. Var undirritaður manna fegnastur að vera sloppinn úr prísundinni.
Svo var ekið að Langasjó. Lítið fréttnæmt gerðist þar nema ef vera skyldi að við keyrðum í vatni þar sem Toggapabbabíll fékk nýtt hlutverk sem ísbrjótur. Var það helvíti hressandi.Einnig skal það nefnt að þetta svæði er alveg viðbjóðslega fallegt. Vatnajökull skammt frá og sást í Hvannadalshnjúkinn og fleiri góða tinda.
Eftir áningu í Sveinstindi þar sem etið var og smá jeppó var komið að Landmannalaugum. Þar var krotað í gestabók eins og alls staðar þar sem við komum held að nöfn okkar hafi fyllt hátt á annann tug gestabóka í þessari ferð. Svo var druslast í laugina sem var ekki í stuði og er Suðurlandsskjálftanum ógurlega sem lagði borg og bý í rúst hér árið 2000 kennt þar um. Svo var komið í Hrauneyjar go svo heim.
Má vera að ég sé að gleyma einhverju en mér er skítsama þarf að fara að vinna og læt þetta þetta nægja í bili
Góðar stundir
P.s. ferðafélagar voru Toggi,Maggi,Stebbi,Nóri, Viggi og svo undirritaður og held ég lesendum spikspenntum enn um hver sé öngullinn....fylgist með næst það er aldrei að vita að maður láti upplýsingarnar frá sér!!!
Þeir sem telja sig vita hver er hripi bara eitthvað niður í öskrið

þriðjudagur, október 29, 2002

Þá er komið að kryddi í góðan kviðling nafna míns.
Eins og hann komst að orði var ekki lagt af stað í fínan túr fyrr en efitir dúk og disk og var mér (stóra stúf) og Stebba (minnsta stúf) auk bíls sem skv. eiganda er dvergur með tröllatyppi, kennt þar um. Þeim sem lesa er bent kurteisislega á að ferðafélagar voru svona hér um bil 34 sek á undan okkur í Heiðarásinn þannig að ef einhver vill kenna okkur um þá er það fint en ég hlusta ekki á það.
Nú pylsan á Hvolsvelli smakkaðist prýðilega eins og vanalega enda ekki amalegt að láta gelgjur dauðans afgreiða sig og hlusta svo á bestustu hljómsveit spila á tónleikum (þeir sem til þekkja vita hvað gæðaband ég er að tala um)
Í Emstrur var komið eftir að hafa týnst og skal góðum ferðafélögum bent á að það er ágætisregla að stoppa á þegar beygt er út af vegi og inn á slóða sem er ekki merktur. Þeir taka það til sín sem eiga en þetta hafðist allt saman að lokum. Það skal tekið fram að þeim sem á undan komu í Emstrur (þeir eru nú ekki alveg vonlausir) þeim hafði með ágætum tekist að hita upp kamarinn.
Talandi um kamarinn, áður en lagt var af stað úr Emstrum þá fóru tveir VÍNLIÐAR og fallprófuðu rótþrónna með kofanum á og fær það toppeinkun (ólíkt skíthúsinu í Skælingum sem vikið verður að á eftir). Þessi rotþró var björt, rúmgóð og hentar af vel í meðferð fyrir þunglyndissjúklinga. Sérstaklega mæli ég með því að steinum sé grýtt í húsið eins og minnsti stúfur gerði í gríð og erg þegar verpt var. Það kemur svo skemmtilegt tunnuhljóð í húsið.
Nú í Skófluklif var áð og dáðst að skálanum eins og Jarlinn af Jöklafoldi komst að orði. Áður en að því kom hafði nákvæmlega ekkert gerst nema ef vera skyldi sandstormur af stærri sortinni sem gerði menn, konur og heimilisdýr alveg blind um stund en vegurinn fannst að lokum. Okkur sem þarna vorum á ferð þótti æði hreint merkilegt hvað maður er fáránlega nálægt Mýrdalsjöklinum á Mælifellssandinum. Það er varla 10-15 mín akstur upp á jökulinn.
Fátt markvert gerðist áður en komið var í Álftavatnakróka nema Toggi gerði heiðarlega tilraun til að drekkja Toggapabbabíl í Hólmsánni en tókst ekki. Annað sem vakt athygli ferðalanga var hversu allir vegir voru rosalega skornir og illa farnir. Var vatnsveðri miklu sem um svæðið hafði arkað 2 vikum áður kennt þar um.
Að endingu var komið í Skælinga og eins og VÍN-liða er von og vísa var farið að éta og bæta á belginn á sér. Síðan var örlítil drykkja sem þó ekki var meiri en svo að menn voru lagstir til hvílu uppúr 02:00. Einhver nefndi þetta sænsku aðferðina: byrja snemma og hætta snemma.....ég kaupi það og legg ég til að í framtíðinni verði þetta nafn notað ef drykkjan er í civilseraðri kanntinum (má leiða að því líkum að við þurfum ekki að nota þetta nafn oft!!!!)
Einn félagi tók reyndar allhressilega á því skv gamalli venju (þó svo að um ofneyslu áfengis hafi ekki verið að ræða.....þeir sem með voru i för skilja hvað ég er að fara) því eftir drykkju lauk með slurpi af strohi þá var haldið út í bíl og hlustað á takfasta músík og reynt að dilla sér við (gekk nú eitthvað hálfilla við 6 í Toggapabbabíl sem rúmar 7 max...ég veit bara ekki af hverju þetta stafar!!!). Víkjum aftur að félaga vorum og hættum að tala um þetta dansidótarí (við þurfum aðeins stærri sali undir slíkt). Eitthvað var Óli Lokbrá að stríða honum því öngullinn var kominn í hann (öngull= liggur sofandi fram á hnén á sér og hreyfist ekki spönn frá botni) í hann. Tekin var sú diplómatiíska ákvörðun að drusla manninum inn sem var og gert. Ekki vildi hann til hvílu leggjast heldur kváði hann við að hann þyrfti að losa sig við bjórinn.....framhald á morgun heimilsfólk hér þarf víst að sofa þó svo að enginn öngull sé komin í þau.....enda erum við ekki í Toggapabbabíl
Jæja það er ekki búið að heyrast í okkur í nokkurn tíma, því kemur ferðasagan hér í smá máli.

Brottför frá Heiðarási á föstudeginum um 21 leytið (Þurfum að bíða eftir næst minnsta stúf og stóra stúf). Þaðan lá leiðin beint á Hvolsvöll þar sem 190 kr pylsan var borðuð með bestu lyst. Eftir hana var keyrt beinustu leið í Emstrur þar sem gist var.

Snemma á laugardagsmorgni var liðið ræst og komið sér út í bíla. Úr Emstrum var stefan sett á Skófluklif þar sem Útivist er að byggja stórglæsilegan skála. Eftir að hafa dást aðeins að þessum skála voru bílarnir ræstir og haldið að stað í Álftavatnaskróka, mættum við þangað aðeins of snemma til að hefja drykkju. Því var stefnan núna sett á Skælinga og mættum við þangað um 18 leytið ,þar sem er alveg þræl góður skáli. Þar hófst svo át-veisla að hætti VÍN með tilheyrandi feitu keti og öli.

Mjög snemma næsta morgun var vaknað skálinn þrifinn og keyrt sem leið liggur inn að Langasjó og Sveinstindi þar sem snætt var. Eftir það var tekin einn ein stefnan og núna var hún sett á Landmannlaugar í 100m sprett lella hlaup. Sem tókst með eindæmum vel.





föstudagur, október 25, 2002

Dagskrá VÍN um helgina er eftirfarandi:

Brottför kl 19:00 frá Heiðarási. Þaðan er stefnan sett eitthvað áleiðis upp Fljótshlíðina líklega inn í Emstrur eða eitthvað lengra þar sem gist verður. Á laugardeginum er stefnan sett á Álftavatnskróka, Sveinstind eða Skælinga eftir því hvernig stemmningin er.
Sunnudagurinn fer í að dóla sér heim og skoða merkilega hluti á heimleiðinni......og ekki er veðurspáin að spilla fyrir helginni þannig þetta lýtur þræl vel út.

fimmtudagur, október 24, 2002

Jæja núna er seinasti kosninga dagurinn. Því á morgun verða kunngjörð úrslit um hvert VÍN ætlar að fara um helgina.... fylgist spennt með og nýtið atkvæða rétt ykkar og kjósið.

PS. Arnór til hamingju með ammlið. Mér hlakkar til að borða kökuna um helgina.

þriðjudagur, október 22, 2002

Þessi bölvaði golfleikur gerir mann alveg sjóðandi einhverfan. Ég er búinn að gleyma mér í tæpan klukkutíma!!!!!
Fuss og svei
En nú styttist í túrinn. Fínaris veðurspá og allir í hoppandi glaðir og teitir með það.
Sjipp og hoj sjipp og hoj og Simbi sjóari
Verð að vera sammála síðasta ræðumanni að þetta var góður dagur fyrir okkar menn í hafnarborginni.
Hins vegar vil ég benda þeim sama á að leita sér læknismeðferðar við þessu VÍNleysi. Þvílíkt þrek og þor
að standast þetta og segja frá þessu!!!!! Þú gætir kannski kennt okkur hinum hihihi
Hún talar reyndar um að hún muni fá sér hóstamixtúru til að lina sóttina og önnur mein
um næsti helgi þannig að við skulum vona að hún lifi þetta af!!!!!
Þetta er alveg snilldar tengill sem mér var bent á fyrir þá sem leiðast í vinnunni eða í skólanum.
Hérna kemur veðurspáin fyrir næstu helgi:

Á laugardag, sunnudag og mánudag: Norðaustlæg átt og víða él. Heldur kólnandi veður.

Þokkalega snilldar veðurspá fyrir jeppa og útivistarfólk.....þannig núna er bara haka við í kosningunni og drífa sig með VÍN á fjöll um næstu helgi.

mánudagur, október 21, 2002

Nú getur almenningur haft áhrif á það hvert VÍN fer um næstu helgi. Veldu þann stað sem þú telur heppilegast að VÍN verði.










VÍN Ferðakosning









Hvert á VIN að fara helgina 25. - 27. okt.?
Hrafntinnusker
Arnarvatnsheiði og Hveravelli
Sveinstind
Álftavatnakrók
Veiðivötn

Current results
Alxnet Free Web Tools

fimmtudagur, október 17, 2002

Eins og áður hefur komið fram hér á síðunni styttist sífellt í Le Grand Buffet 2002, sem er mikið ánægjuefni. Það er hins vegar algerlega óákveðið hvernig matseðillinn á að líta út. Það er mín persónulega skoðun að það megi breyta út frá þeirri þreyttu venju að vera með lambalæri, ég vil NÝUNGAR! Fróðlegt þætti mér að fá ábendingar ("shout out" hér að neðan) frá mönnum um hvað mætti hafa á matseðlinum. Allar hugmyndir vel þegnar.
Vegna mikils þrýstings á undirritaðan um að uppfæra Le gran túrinn hefur hann loks látið undan. Myndir úr seinasta hluta ( Part III ) ferðarinnar eru komnar inn á myndasíðuna......Vúbbí

Slóðinn á Part III er: http://www.pbase.com/vinvinvin/part_iii

Þar með er ég búinn að setja allar mínar myndir inn á netið. Ef einhverjir aðrir en ég vilja setja myndir þarna inn geta þeir eða þær haft samband við undirritaðan eða Vigni og fengið að setja inn sýnar myndir..........því fleiri myndir því betra.

Kveðja
Maggi

miðvikudagur, október 16, 2002

Sá í fyrsta skipti í gær þáttinn Piparsveininn (The Bacelor) á Skjá einum (ekki seinna vænna). Þar sem þetta var síðasti þátturinn í þáttaröðinni var komið að kallinum (man ekki hvað hann heitir, en virðist vera amerísk útgáfa af Loga Bergmanni Eiðssyni, þó að því undanskildu að hann virtist hafa nóg af dollurum á milli handanna, þannig að við köllum hann bara hér eftir Loga) að velja hvaða stúlku hann ætlaði að trúlofast. Verð að játa að það var nokkuð auðvelt að setja sig inn í vælið og væmnina í þáttunum og ég var alveg sammála kallinum um kelluna sem hann valdi (veit held ekki hvað hún heitir en virtist vera bústin útgáfa af Britney Spears, þannig að hér eftir köllum við hana Britney), hin kellingin virtist bara svo leiðinleg greyið. En ég mæli með því ef þið hafið ekkert annað að gera en að horfa á Granna (þetta á sérstaklega við um einn einstakling í hópnum, væntanlega af því að hún er ekki piparsveinn!!), ekki sleppa því fyrir The Bachelor. Annars veit ég ekki alveg hvað ég er að tala um hérna á VÍN-blogginu, ég er sennilega kominn út fyrir öll velsæmismörk VÍN-verja og út í einhverja algera steypu. Greinilegt að maður er farinn að skrifa hérna hvað sem er bara til að skrifa eitthva, best að koma sér heim og horfa á leikinn! Áfram Ísland burt með Atla Mikson!

þriðjudagur, október 15, 2002

Drésasonurinn skal eiga heila og góða þökk fyrir framtakssemina og gríðarleg afköst í tölvunördajobbinu. Meira af þessu takk!!!
Maður hefur varla undan að góna á myndir, jedúddamía ég var alveg búinn að gleyma hvað það var gaman að gösslast um norðurhálendið.
Einnig þótti mér nú ekkert leiðinlegt að sjá okkur félagana og vora vini á fylleríi í Þórsmörk eins og við séum nýlentir úr Grímsnesinu nánar tiltekið úr Sólheimum
Ef eyrun væru ekki farartálmi á góðri leið glottsins á sumum þá myndi hausinn hrökkva í tvennt hihihi.
Og talandi um fyllerí (þetta kemur nú á óvart!!) þá vil ég benda landi og lýð (jú og áköfum lesendum ævintýra lífsnautnafélagsins Vinafélags Íslenskrar Náttúru, til
sjávar og sveita) á að nú styttist óðum í að við þyngjumst allhressilega með smjatti á feitu kjöti og mjólkurinntöku í massavís því nú líður senn að Le Grand Buffé. Menn, konur og dýr ættu að fara að setja sig í stellingar því það er ekki ráð nema í tíma sé tekið. Fylgist með frá byrjun!!!

Jamm, sorrý Bobbý, en Maggi er búinn að setja helling af myndum á netið hjá okkur! Greinilega nóg að gera í vinnunni hjá honum, mætti halda að þar væri ríkisstarfsmaður á ferð. Fyrir þá sem ekki höfðu tekið eftir því er linkað yfir á hvern kafla á myndasíðunni okkar hér vinstra megin (er það vinstra eða hægra megin!!!???) á síðunni. Maður hefur varla við að uppfæra linkana meðan Maggi er svona duglegur að skella inn myndum. Mér skilst á honum að það sé von á þriðja og síðasta myndakaflanum úr Gran Túrismó á morgun, hlakka til að sjá hann!
Yes sorý bob ég er búinn að setja inn enn fleiri myndir af okkur Le Gran Túrismó ferðinni.

Þetta er Part II sem er kominn inn núna og er þá bara einn partur eftir bíðið spennt eftir honum.

Slóðinn er: http://www.pbase.com/vinvinvin/le_gran_trism_part_ii

mánudagur, október 14, 2002

Jæja þá er ég búinn að setja inn enn fleiri myndir á myndasíðuna okkar.

Þetta eru myndir af LE GRAND TÚRISMÓ. (Ath þetta er bara fyrri-hlutinn af ferðinni)
Jæja það eru komnar fleiri myndir á myndasíðuna.

Þetta er myndir af okkur nöfnunum ásamt tveimur öðrum í ísklifri í Gígjökli.

föstudagur, október 11, 2002

Vegna anna í vinnunni í morgun tók ég mig til og setti upp myndasíðu fyrir VÍN.

Þetta er bara prufa eins og þetta er núna og munu fleiri myndir bætast inn eftir helgi.

Slóðinn er: http://www.pbase.com/vinvinvin/

PS. ALLIR AÐ MUNA AÐ SKRIFA Í GESTABÓKINA.
Jæja skynsemin verður fyrir valinu þessa helgina. Því VÍN félagar ætla að fjölmenna í Gígjökul um helgina (allavega laugardag). Þar sem þeir ætla að stunda hina miklu íþrótt ís-klifur.

Ég er bara að verða fastagestur í jöklinum því þetta er í 3 skiptið í haust sem ég fer þangað og um seinustu helgi var ég þar bæði laugardag og sunnudag........maður ætti að fara að þekkja þennan jökul nokkuð vel....... :- )

fimmtudagur, október 10, 2002

.........Hvað er að gerast núna, veðurstofan spáir ekki rigningu fyrir helgina, það hefur ekki gerst svo lengi að elstu menn munu bara ekki eftir örðu eins. Því eru flest allir vínverjar með höfuðið í bleyti um hvert skal halda um helgina. Sú frumlega hugmynd um að fara í Landmannalaugar kom upp .......... en því miður er kominn biðlisti í skálann um helgina. Það er ófært inn í Þórsmörk vegna vatnavaxta.

Þannig nú er það spurning um að velja skynsemina eða Hverfisbarinn eins og nafni minn kvað um.
................Ég styð skynsemi en hvar á að stunda hana ?

Tillögur sendist á Magga.
Júgóðanogmargblessaðandaginn þá hefst á nýjan leik hinn eilífi höfuðverkur VÍN-verja um hvort eigi að velja.....skynsemina eða Hverfisbarinn því jú það er að koma að helgi og miðað við aldur og fyrri störf þá er það jafn áreiðanlegt og klukka að við spígsporum inn á Hverfisbarinn síðla kvölds á föstudegi og laugardegi og beiðumst rússnesks kókaíns barþjónum staðsins til mikillar ánægju og yndisauka.
Því skvetti ég þeirri spurningu framan í menn hvert halda skuli. Ef ég tala fyrir minn kjaft (sem er nú nokkuð stór alla vega miðað við hvað ég borða mikið og tala mikið líka!!!!)þá er ég komin með alvarleg fráhvarfseinkenni af fjallaferðum. Það er ansi langt um liðið því miður.
Góðar stundir

þriðjudagur, október 08, 2002

Helgin.......05-06 okt.

Jæja þessi helgi fer nokkuð hátt í einkunn yfir skemmtileg heit. Vaknað var kl 06:00 á laugardagsmorgun til að koma sér niður í fbsr-hús. Þaðan var stefnan sett á Gígjökul í ísklifur. Sem heppnaðist alvegmeð eindæmum vel þennan daginn, það var um 15 stiga hiti á jöklinum, bongó blíða og fullt prílað þennan dag ...sem sagt alger snilld.

Eftir laugardagsprílið var stefnan sett í Tindfjöll til að hitta B1 sem var í sinni árlegu rötunarferð. Gist var í Tindfjöllum í þessu hífandi roki yfir nóttina (sem betur fer vorum við í skála).

Á sunnudeginum var ekki alveg eins gott veður á jöklinum, rok og rigning þannig jökulinn var ekki alveg eins skemmtilegur þennan daginn......en engu að síður var klifrað í einhverja tíma sér til ómældrar bleytu og ánægju. Þaðan var stefnan sett á Hlíðarenda og fengið sér pylsu (Smá níska sem er kominn í 190kr).

Þannig þetta var alveg þrælgóð helgi.

mánudagur, október 07, 2002

Skellti mér, ásamt vinnufélögunum, í GoKart á laugardaginn og verð ég eindregið að mæla með því við alla spennufíkla. Var í harðri baráttu allan tímann og ég held að framúrakstrarnir hjá mér hafi verið um 7 í keppninni. Reyndar var keyrt fram úr mér 5 sinnum þannig að ég náði að vinna mig upp um 2 sæti. Eftir GóKart fórum við í afslöppun í Bláa Lóninu. Bláa Lónið klikkaði ekki frekar en fyrri daginn (ég tala nú ekki um eftir GóKart og nokkra bjóra). Um kvöldið var svo farið út að borða á Einari Ben og var maturinn þar með ágætum. Kíkti á fjóra skemmtistaði aðfaranótt sunnudagsins og einhverra hluta vegna var lokuðu þeir allir á meðan dvöl mín þar stóð yfir. Það kom mér á óvart hversu mikið fjölmenni var á Nasa en hins vegar var fátt sem kom á óvart á Kaffi- og Hverfisbarnum (enda er ég orðinn einum of tíður gestur á þessum stöðum). Ég endaði svo kvöldið (morguninn) á að skrölta á 22 og berja á dyrnar í uþb. hálftíma til að láta önugan dyravörð hleypa mér inn, en ég var ekki fyrr kominn inn en slökkt var á tónlistinni og dyraverðir staðarins sópuðu gestum hans út!

laugardagur, október 05, 2002

Fór í gær í kvikmyndahús að sjá Insomnia. Myndin stóð að mestu leyti undir væntingum. Það sem kom mér helst á óvart við myndina er að söguþráðurinn er ekki afturábak og sögupersónurnar þjást ekki af meiriháttar minnisleysi. Reyndar verður að játa að í lokin verður myndin nokkuð væmin (næstum því jafn væmin og Shregg-bloggið og þá er nú mikið sagt!) en það er bara nokkuð sem maður verður að sætta sig við þegar amerískar kvikmyndir eru annars vegar. Þrátt fyrir það get ég fyllilega mælt með myndinni.

föstudagur, október 04, 2002

Eins og margir vita stefnir VÍN á skíðaferð til Ítalíu, nánar tiltekið til Val di Fiemme, þann 15. janúar næstkomandi. Ég hef verið að tjékka á heimasíðum á netinu um Val di Fiemme og þetta er það helsta sem ég fann:
http://www.mondoalpino.it/webcam.htm - síða með vefmyndavél af svæðinu (er samt ekki alveg viss um áreiðanleika myndanna!!)
http://www.skicenterlatemar.it/english/flash.htm - ágætis síða með kortum og þess háttar
http://www.dolomitisuperski.com/fiemme/default.asp?l=3 - ágætis alhliða síða
http://www.valdifiemme.it/ - örugglega nokkuð góð síða ef maður skilur eitthvað í ítölsku
http://www.skiinfo.it/destinations/detail.jsp?product.skiinfo.DESTID=EITVALDIFIE - frekar slöpp síða
Ef þið vitið um fleiri síður um svæðið endilega sendið látið mig vita með tölvupósti á vignir@jonsson.is
Jæja þá er enn einn föstudagurinn runninn upp og helgin blasir við....... Vúbbbí.....

Stefnan þessa helgina er sett á Ísklifur í Gígjökli með FBSR. Þar ætlar minn að reyna að miðla reynslu sinni áfram til þeirra sem eru ekki jafn færir og ég.

Veður spáin er reyndar ekki upp á marga fiska en maður hefur svo sem sér rigningu áður.


Blöndahlinn þakkar hlý orð í sinn garð en minnir jafnframt á það að fyrst að íbúar miðdepils alheimsins tóku upp á því að vinna þjóðhátíðaríbúa þá þurfum við víst að spila annann leik (sem ég veit ekki hversu gáfulegt er...ég meina við gætum lent á móti Haukum eða einhverjum öðrum eins náttúruhamförum) og gætum þurft að vinna hann líka og leggja eitthvað á okkur shit!!!!
Við skulum bara vona að við mætum Árbæjarnegrunum og þá verður stuð......
Ein leiðrétting hér í lokin: Eins og ég hafði nú gaman að lesa bloggið hans VJ um þá góða vana VÍN-verja að standa sig í bikarkeppnum þá vil ég benda á það að Kópavogsbúar þurftu ekki framlengingu til að senda þessa aumu skersíbúa grátandi heim....en það hefði bara verið skemmtilegra hehehehe

fimmtudagur, október 03, 2002

Þær virðast ekki endaslepptar hamfarir VÍN verja í bikarkeppnum þessa dagana. VÍN er nýbúið með stuðningi sínum að aðstoða meistaraflokk Fylkis við að hampa Coca Cola bikarnum. Nýjasta sagan er hins vegar sú að VÍN verjinn Magnús Blöndahl tryggði Breiðablik ótrúlegan sigur á ÍBV í 32ja liða úrslitum í bikarkeppni karla í handknattleik í gærkveldi. Magnús náði að koma þrumufleyg sínum í markið rétt áður en lokaflautan gall í framlengingunni og sitja því eyjamenn eftir með sárt ennið. Að sjálfsögðu óskar VÍN öllum Kópavogsbúum til hamingju með árangurinn.
Um helgina var Flugröst opin fyrir fyllibyttum og að sjálfsögðu lá leið VÍN verja á staðinn, við höfum nefninlega einstakt lag á því að þefa uppi ókeypis áfengar veigar. Eftir afmæli hélt hluti hópsins (þe. sá hluti þeirra sem í afmælinu voru sem eru gegnheilir fylkismenn) á Fylkisball á Grand Hótel. Segja þeir sem til þekkja að stemmningin hefði verið gríðar góð, jafnvel þó sumum endist ekki minni til að muna eftir allri stemmningunni á svæðinu, enda Fylkir nýbúnir að hampa Coca Cola bikarnum. Áfram Fylkir!
Vill VÍN hérmeð koma á fram þakklæti til þeirra sem að partýinu í Flugröst stóðu, þe. Nóra og Dengsa og auk þess vill VÍN nota tækifærið og óska Nóra til hamingju með nýju gleraugun sín.

föstudagur, september 27, 2002

Nú líður senn að Flugröst opni fyrir fyllibyttum eins og okkur. Nú fyrir ykkur pupulinn
sem hefur ekki fengið formlegt ammiliboð (fékk þetta líka fína sms um daginn ligga ligga lái)
þá vil ég minna á að fagnaðurinn hefst eigi seinna en þegar fréttir á rúv í gamla daga hófust eða klukkan
20:00. Nú þar sem hér eru á ferð miklir gleðimenn og konur þá skal það nefnt hér ykkur til fróðleiks þá hitti
ég ammilibörnin (maður svoleiðis í innsta kopp og með slúðrið á hreinu) þá er það merki um þróttmikið vit
og miklar gáfur að mæta ekki seinna en 21:00 því þá eru teikn á lofti um það að hveitið í vökvaforminu verði búið.
Mér fannst rétt að minna á þetta þar sem jú gulrótin fyrir mætingu (alla vega að sumra hálfu) er að drekka allt
fría brennivínið.
Bið ykkur vel að lifa í guðs friði og mínum líka...ólíkt Össuri
P.s. áfram Fylkir....bara að annað ammilibarnið sjái þetta ekki því þá er hætt við því að sumum verði ekki hleypt inn!!!!
ÁFRAM FYLKIR Á MORGUN ........

Allir í Fylkishöll í dag að kaupa miða í forsölu á 1300 kall.
.......Fylkir 3 Fram 0

fimmtudagur, september 26, 2002

Var að sjá í fréttum dagsins að brotist hafi verið inn í Útilíf í nótt. Að sögn verslunarstjórans er ekki vitað hvort nokkru hafi verið stolið en ég held þeir ættu að kanna hvort það vanti nokkuð svona u.þ.b. einn Patagóníu jakka og einar buxur. Ef svo er hef ég einn aðila sterklega grunaðann, en ég ætla samt alls ekki að koma upp um Magga!
Síða dagsins í dag er síða FBSR í Rvík
Neibb minn er sko ekki dauður úr öllum æðum. Þessi síða er búin að vera í fokki í næstum allan dag
þannig maður er ekki búinn að geta bloggað neitt....... :- (

Gefum við þeim ekki bara söng, spil og mikil og góð drykkjulæti.

Góðar stundir sömuleiðis

Maggi.


eru allir steindauðir á þessu helvítis bloggi!!!
Það er lítið vinalegt við þetta finnst manni við þetta. Fuss og svei og fari það í hurðalaust helvíti.
Hins vegar minni ég ykkur á að nú eru öll vötn tekin að falla til Flugrastar og heiti ég á menn,
konur og dýr að mæta og verða VÍN til skammar,leiðinda,nauðuþurftar og almennra leiðinda með
söng, spili og miklum og góðum drykkjulátum
Einnig minni ég á að þið þurfið að fara fá ykkur höfuðverk yfir því hvað þið ætlið að gefa þeim.
Góðar stundir.
jæja þá er að sjá hvort stórtækar breytingar mínar á prófælinu mínu virki

miðvikudagur, september 25, 2002

Góður nafni
Ja mikið helvíti. Mér tókst að komast inn á þetta alveg einn og óstuddur. Detta mér allar dauðar rottur og hef ég nú nóg af þeim
Jæja þá er komið að þessu. Magnús Blöndahl hefur tekið tölvuheiminn í sátt og hefur hafið blogg. Fuss og svei
En jæja here goes!!!
Jæja minn tók sig til í dag og fann sér afarheppilegan klæðnað í dag til fjallaferða.

Jakkinn og buxurnar líta ekkert smá vel út og minn er orðinn vel spenntur fyrir þessu, en þetta er einmitt frá toppmerkinu PATAGONIA.

Kv.
Maggi
síða dagsins
Jæja þá er að prufa hvort maður er orðinn bloggari hjá VÍN.

MMoses.

miðvikudagur, júlí 24, 2002

Jæja, ég er frekar latur við að blogga en betra er seint en aldrei.
Skellti mér um helgina í fjallaferð. Í för ásamt mér voru Eyfi og Maggi Bra og fararskjótinn að þessu sinni eins og margoft áður var Súkkan mín. Tilefnið var að taka út GPS hæðarmælingar með þartilgerðu GPS tæki frá Raunvísindastofnun HÍ. Á föstudegi var ferðinni haldið í Landmannalaugar með viðkomu í Hekluhlíðum. Veðurlag var fremur furðulegt þannig að maður stóð í Hekluhlíðum og horfði á skýin fyrir neðan sig. Í Landmannalaugum var stuð að vanda og vaktaskipti í lauginni á miðnætti er erlendu ferðamennirnir fóru úr lauginni en íslenski vísitölutúristinn tók við. Vísitölutúristinn er iðulega vopnaður bjór þegar hann skellir sér í laugina þannig að það líður ekki á löngu þartil hann er kominn með sundskýluna yfir höfuð sér. Svo hress var ég því miður ekki að þessu sinni. Árla laugardagsmorguns lá leið okkar ferðalanga í íshellana í Hrafntinnuskeri, með viðkomu í Hrauneyjum. Því miður reyndist tæknibúnaður við GPS mælingar ekki nógu vel þannig að við þurftum að bregða okkur borgarleið og viðkoma í Reykjavík á leið í Tindfjöll var óumflýjanleg. Í þessum útúrdúr fengum við nýjan liðsmann í hópinn er Stebbi kallast og mætti hann á sínum fjallaWillys. Eftir hvassa nótt í Tindfjöllum var aftur haldið á Fjallabak til að taka mælingar, meðal annars við Laufafell og Hungursfit.
Fleira var það ekki að sinni

fimmtudagur, júlí 18, 2002

Þetta er svolítið að þvælast fyrir mér í fyrstu hvernig á að henda þessu saman en þetta virðist allt saman á réttri leið.
Nú er bara að finna eitthvað til að röfla um, sem ég veit eiginlega ekki hvað ætti að vera, en ég ætla alla vega að byrja á því að auglýsa afmælið mitt sem framið verður í Þjórsárdal laugardagskvöldið 27. júlí nk. Sjá nánar á http://www.hi.is/~mbs/vignir26ara.html. Allir velkomnir!
Nú ætti nýja bloggsíðan að vera komin í gang hjá mér eða hvað!!!