Sumarið heldur áfram og alltaf styttist í haustið. Maður gerir lítið annað en að eyða af þessu litla sumarfríi sínu og var dagurinn í dag engin undantekning á því.
Í dag var ekið austur fyrir fjall og í Grímsnesið því þar var og er hóll einn sem ganga skyldi á. Við heldum okkur á jarðskjálftasvæðum og að þessu sinni var Hestfjall fyrir valinu. Enda tilvalið að enda þessa göngutörn á einu léttu fjalli svona til ganga sig niður fyrir Þjóðhátíð. Þarna voru á ferðinni
Stebbi Twist
Krunka
á Polly
Það er óhætt að segja það að rölt þetta hafi verið frekar auðvelt enda ágætt meðan maður var að jafna sig á meðslum gærkveldsins. Helst telst það til tíðinda að hundur einn fylgdi okkur og má kannski segja að sá hafi oft vísað leiðina upp. Á toppnum er frábært útsýni sem skemmtileg verðlaun og smá gulrót. Svo var kíkt í sund í Reykholti, farinn smá rúntur um suðurlandið og ma fengið sér ís í Þorlákshöfn. Ekki laust við það að þar fengi maður nettan þjóðhátíðarfíling þó svo maður fari ekki með þessum Herjólfi. En hvað um það
Myndir frá deginum má nálgast hér
Engin ummæli:
Skrifa ummæli
Talið!