Mynd vikunnar

Gamlar syndir

Já komið öll sæl og blessuð!
Það er gaman frá því að segja að nú um helgina tókst loks að vinna upp nokkrar gamlar syndir er varða myndamál hjá undirrituðum. Þannig var mál með ávexti að ekki hafði verið uppfært í dágóðan tíma. Er þar bæði um að kenna almennri leti og hugsskap sem líka tæknilegra erfiðleika þá á erlendri grundu. En hvað um það ári kennir illur ræðari.
Komum okkur að því sem máli skiptir,ef einhver nennir að skoða þessar blessuðu myndir. Þó nokkur ný albúm hafa litið dagsins ljós frá því er hjólað var hringinn í kringum Skorradalsvatn hér snemma á haustdögum. Þar má telja,frá Þverun straumvatna með FBSR, 3tugs ammæli litla Húnans, haustferð FBSR, sundferð þriggja ofurmenna í Reykjadal, fjallabjörgunarnámskeiði, Agureyrishferðar og nú síðast námskeið í Leitartækni hjá FBSR. Vonandi einhverjir hafi gaman og jafnvel gagn af þessari stafrænnu tækni sem gerir fólki kleift að skoða svona lagað.

Fleira var það ekki að sinni

Mynd vikunnar

Matur er manns megin...

...og því langar mig til að rifja upp að La Grande Buffet er á næsta leiti. Matseðill hefur borist í tal og hefur í því sambandi m.a. verið rætt að hafa hrefnukjöt eða langreyð í forrétt, nautakjöt í aðalrétt og súkkulaðiköku til að toppa fjörið! Öræfaóttinn á glæsilegan feril í gerð forréttra og þykist hann luma á gómsætri hrefnucarpaccio uppskrift, spurning að taka hann á orðinu. Athugasemdir, tillögur eða hugmyndir? Orðið er laust!

Mynd vikunnar

Bara svona rétt til að reyna að hressa aðeins upp á síðuna og hrista þetta aðeins upp á er Mynd vikunnar. Sem að þessu sinni er tekin við Þumal í Kjós og kallast ,,thumbs up við Þumall''.
Svo er bara smurning hversu lengi þessu verður haldið úti. thumbs up Fer allt eftir nennu og kemur bara í ljós í óráðinni framtíð

Kv
skemmtinemdin

Jólahlaðborð

Í ljósi þess að okkur hefur aldrei leiðst að djamma í Hveragerði hefur sú hugmynd komið upp að halda á jólahlaðborð á Hótel Örk.

Um er að ræða mat, skemmtun og gistingu eina nótt. Okkur datt í hug að gera eitthvað meir út þessu og til að höfða til beggja kynja er dagskráin eftir farandi:

- Strákar skreppa eitthvað til fjalla í jeppum á meðan stelpur gera eitthvað annað til dæmis í fara spa á Heilsuhælinu.

- Allir í hittast í heitu pottunum á hótelinu.

- Mannskapurinn dressar sig upp í sitt fínasta púss og mætir svo í mat.

Jólahlaðborðin eru í boði á föstu- og laugardögum fram til 19 des. Hvað segið þið um 12. des?

Það ku vera eitthvurt tilboð í gangi þarna, 11.900 krónur (á mann í tveggja manna herbergi) fyrir jólamat, skemmtun og svo herbergi eina nótt.

Hvað segiði? Orðið er laust í kommentakerfinu.

Reykjadalslaug

Rétt eins og sjá má á færslunni hér að neðan voru uppi hugmyndir um að leika sér aðeins um komandi helgi. Eftir að lýðræðisleg umræða átti sér stað og kom þar þjóðin að sjálfsögu að máli var ákveðið að hafa þetta öruggt og kíkja í Reykjadalslaug á morgun. Er það bara vel
Þar sem sá sem þetta ritar verður við verðmætasköpun í kveld þá er lagt til að menn verði ekkert að missa sig í morgunhresslega, en kannski ekki vera ætlast til einhvers morgunógleði heldur. Fara einhvern tíma eftir hádegi og hittast bara við Gasstöðina etv milli 13:30 og 14:00. Annars eru allar tímasetningar í boði bara láta í sér heyrast og allir velkomnir með

Kv
Laugadeildin

Hristum þetta aðeins upp

Jæja gott fólk. Það hefur verið eins og það hafi ríkt smá lægð yfir mannskapnum hér aðeins síðustu vikurnar. Ekkert þýðir svo sem að væla yfir því heldur skal bara núna láta hendur standa framúr ermum og fara gjöra eitthvað.
Sá sem þetta ritar er með nokkar ófrumlegar hugmyndir í kollinum um að koma einhverjum mannskap saman og brjóta aðeins upp hversdagsleikann. Varla þarf það að koma neinum á óvart að þetta allt tengist laugum á beinan eða óbeinan hátt.
Fyrsta er að skella sér í ökuferð upp á Hellisheiði, þar sem gönguskórnir yrðu síðan aðeins brúkaðir er tölt væri í Reykjadalslaug, baðað sig og síðan rölt aftur í bílinn.
Annað er bara bíltúr austur á Flúðir og þar skellt sér í Hrunalaug. Kannski síðan ís á eftir ef menn eru stillir og prúðir.
Sú þriðja er hjólhestaferð í kringum Reykjavík var sem farið yrði í fjöruna við Seltjarnarnes, nærri Gróttu, þar sem farið væri í fótabað í lítili skál sem þar á víst að leynast.
Fróðlegt væri að sjá hvort einhver sála þarna úti hefði einhvern áhuga að einhverju annaðhvort þá laugardag nú eða sunnudag. Skiptir þá engu þó fólk hafi aðrar hugmyndir því allt má skoða. Verið svo ófeimin við tja ykkur í skilaboðaskjóðunni hér að neðan

Enn af LGB 2009

Eins og áður hefur komið fram á síðu þessu þá eru ráð ekki nema í tíma tekin. Því brugðum við Helga á það ráð í tíma að bóka hús fyrir LGB 2009 dagana 13.-15. nóv. nk. Um er að ræða tvö hús í Brekkuskógi. Annað húsið er þriggja herbergja og er hugsað fyrir fjölskyldufólk, nánari upplýsingar um það hér. Hitt er hugsað fyrir þá sem ekki er jafn umhugað um ró og er það tveggja herbergja en einnig búið svefnlofti, nánar hér. Þetta ætti því að taka af allan vafa um stað- og tímasetningu og geta menn nú farið að huga að því að setja saman draumamatseðilinn. Nánar um það síðar.

Ormurinn í Skorradalsvatni

Sjálfsagt muna glöggir lesendur eftir því að auglýst var hjólaferð í kringum Skorradalsvatn í síðustu viku. Rétt eins og allar áætlarnir sögðu til um var lagt í´ann á sunnudagsmorgni. Reyndar aðeins seinna en til stóð og þá aðallega vegna kunnáttuleysis sumra á vekjaraklukkuna sína. En það telst nú vart til tíðinda að lagt sé aðeins seinna afstað en til stóð í fyrstu. Þrír árrisulir fóru þarna á sunnudagsmorgninum.

Stebbi Twist
Krunka
Tuddi Tuð

og sá Franska fjósið um að koma fólki og hjólum til og frá áfangastað

Óhætt er að segja að hjólun hafi gengið prýðilega, í það minnsta stóráfallalaust fyrir sig. Allir leiðangursmenn, og kona, kláruðu hringinn. Veður verður að teljast hafa verið sérdeilis prýðilegt til hjólreiða. Milt, stillt og ekki rigndi á okkur. Svo á leiðinni hittum við fyrir frænku Tudda og var hún svo almennileg að bjóða okkur í pottasetu að för lokinni. Var það þegið með þökkum og kunnum við beztu þakkir fyrir. Hringinn kláruðum við svo á rétt rúmum 3.klst og eftir teygjur var ljúf lega í potti. Á heimferðinni var Hvalfjörðurinn valinn og urðum við þar vitni að hvalskurði. Óhætt að segja að maður hafi fengið vatn í munninn við það. En það er nú aukaatriði
Varla kemur það neinum á óvart að myndavél var með í för og hér má sjá myndir úr túrnum

Kv
Hjóladeildin

LGB 2009

Ekki er ráð nema í tíma sé tekið. Komið hefur fram sú tillaga að halda La Grande Bouffe helgina 13.-15. nóvember. Og þar með er orðið laust. Tjáið ykkur í skilaboðaskjóðunni.

Kindin Einar

Morgunn einn ég hoppa upp í rútuna
með vasa fulla af banana.
Grænum geðþekkum fasana
hafði ég í bítið ælt.

Upp í sveit ég ætlaði að halda hana
í svaka partí með píuna.
En síðan hraktist ég leiðina,
það var klárlega sem við manninn mælt.

Kindin Einar var þá við vegabrúnina
búinn að bíta upp alla túnina.
Fyrir hann var og ég keyrði hann í spað.
Hann sagði dada...
en meinti bada, verst var það.

Það var komið langt fram að hádegi
og þá hrópaði einn farþegi
að færi ekki lengra ef hann fengi eigi
greyið Einar rúð og skrælt.

Nú ég kvað við, hví ekki á þeim degi
barasta að búta hann strax.
Svo hreinlega velta honum úr deigi,
grilla hann og egg með jafnvel spælt.

Kindin Einar var þá við vegabrúnina
búinn að bíta upp alla túnina.
Fyrir hann var og ég keyrði hann í spað.
Hann sagði dada...
en meinti bada, verst var það.

Í því bar að bóndann á næsta bæ,
hann kom til vor og sagði hæ.
Nei hvað sé ég, er þetta kindarhræ?
Bætti hann við og æfur varð.

Eina kind ég átti hér heima á bæ
sem að ætlaði niðrað sæ.
En núna sposkur ég spranga og hlæ
því núna skuldarðu meir en nokkurt sparð.

Kindin Einar var þá við vegabrúnina
búinn að bíta upp alla túnina.
Fyrir hann var og ég keyrði hann í spað.
Hann sagði dada...
en meinti bada, verst var það.

Einar var þá við vegabrúnina
búinn að bíta upp alla túnina.
Fyrir hann stökk og ég spældi hann í spað.
Hann sagði dada...
en meinti bada, verst var það.

Sk-Orri í dal

Nú fyrr í kveld var haldinn, milli tveggja manna, átakatakamikill símafundur. Þeir Stebbi Twist og Blöndudalur komust að þeirri niðurstöða að fara núna komandi sunnudag og taka þá hjólatúr. Hugsunin er að hjóla í kringum Skorradalsvatn og því endurtaka leikinn frá því í fyrra, til sælla minninga líkt og sjá má hér. Hafi einhverjir þarna úti áhuga að skella sér með í hjólhestatúr á sunnudag er þeim óhætt að tjá sig í skilaboðakjóðunni hér að neðan. Sjálfsagt má reikna með því að lagt verði úr bænum ca kl 10:00 á sunnudagsmorgun eða bara eftir nánara samkomulagi

Kv
Hjóladeildin

Inngangur að helvíti

Núna síðasta messudag var maður vakinn upp fyrir allar aldir með símhringingu þar sem þeirri hugmynd var kastað fram að skella sér í göngu upp Heklu. Var þessi vitleysislega hugmynd samþykkt í svefnmokinu. Síðan var bara drifið sig af stað. Þarna fóru á ferðinni:

Stebbi Twist
Krunka
Bogga
Eyþór

Drottingin var ekki á því að sýna sitt besta þrátt fyrir að hafa blasað við okkur af suðurlandinu þá safnaði hún nokkrum skýjahnoðrum á sig og því var toppað í roki og vind. En hvað um það þá kláruðu allir verkefni dagsins og skiluðu sér niður að bíl aftur. Sú gamla var bara spök og þrátt fyrir að vera komin á tíma þá gaus hún ekki. Amk ekki þarna. Skyldi einhver hafa áhuga þá má skoða myndir úr göngunni hér

Kv
Göngudeildin