Vetrarríki

Um síðustu helgi skrapp Litli Stebbalingurinn sér upp í Botnsúlur með FBSR þar sem ætlunin var að aðstoða við kennslu hjá fyrsta árs nillum í vetrarfjallamennsku. Eldri Bróðirinn var svo með seinna árs hópinn í vetrarfjallamennsku2. Að sjálfsögðu var gist í tjöldum báðar næturnar þó staðsetningin hafi ekki verið sú sama. En hvað um það. Þarna var sæmilegasti snjór amk í Súlnadal þar sem námskeiðahöld fóru fram og hefði verið ansi skemmtilegt skíðafæri á messudeginum. En ætla nú ekki að gera fólk mjög leitt með endalausu bulli og benda bara á myndirnir frá helginu sem er hér

Sá annar þetta árið

Já, tíminn líður áfram og það styttist í næzta mánudag. Það er nú ekki ætlunin að básúna hér um ágæti mánudaga þó svo að einn mánudagur í júlímánuði verður sérstaklega skemmtilegur. Það vill einmitt svo skemmtilega til að það er einmitt fyrsti mánudagurinn eftir Fyrstuhelgaríjúlíárshátíðarþórsmerkurferð 2013. Talandi um helgina 2013 hvernig væri að birta lista vikunnar.
Já komum okkur í það mál


Ásar:

Eldri Bróðirinn
Stebbi Twist
Brekku Billi

Fjögur hjól:

Willy
Brútus


Án efa hafa glöggir lesendur áttað sig á því að það hefur bæst í hópinn þetta árið og er það bara vel. Lofar vonandi góður fyrir það sem koma skal.
Jæja, nú skal áfram haldið undirbúningi og auka spenningin hjá sjálfum sér

Kv
Skráningardeildin

Norsk sveifla

Það ganga um það sögusagnir og sjaldan lýgur almannarómur, að Þelamerkursveifluhátíð hins Íslenska Alpaklúbbsins verði laugardaginn 16.marz n.k.
Nú er bara smurningin hvort einhverjir hafi áhuga á norðurför þessa helgi og þá þarf líka að kanna með húsnæðismál. Skal athuga hvort eitthvað er í boði sem Litli Stebbalingurinn gæti hugsanlega kannski etv reddað. En er satt bezt að segja ekkert alltof bjartsýn á að eitthvað sé í boði. Því væri kannski ágætt einhver hefur áhuga að koma norður kanni kannski líka með íbúðarmál

Kv
Skíðadeildin

Sá fyrsti þetta árið

Jæja, gott fólk.

Þá er komið að því sem flestir hafa beðið eftir alveg síðan í byrjun júlí á síðasta ári. Það er alveg óhætt að segja að það sé kominn góður spenningur a.m.k hjá Litla Stebbalingunum. Nú er bara að fara huga að undirbúnings-og eftirlitsferð innúr. Vitað mál er að Danni Djús er spikspenntur fyrir hjólaferð og er það vel. Kominn tími á að endurtaka leikinn frá 2008. En hvað um það komum okkur bara að því sem máli skiptir þessa vikunna.

Knöll og ýlur:

Stebbi Twist
Eldri Bróðirinn


Sjúga, þjappa, sprengi, blæs:

Willy


Segjum þetta gott í þessari viku og það er bara hálft ár í GLEÐINA

Kv
Skráningardeildin

Fyrstuhelgaríjúlíárshátíðarþórsmerkurferð 2013

Nú er komið árið 2013 og að auki fyrsti dagur þess herrans ár. Slíkt þýðir bara eitt. Nú hvað er það? Kunna einhverjir að spyrja. Hér er auðvitað verið að tala um að í dag hefst skráning fyrir Fyrstuhelgaríjúlíárshátíðarþórsmerkurferð þetta árið 2013.
Skráning er svo sem með hefðbundnu móti og fer fram í skilaboðaskjóðunni. Að vanda fara allir sem skrá sig í pott sem dregið verður svo um ótal glæsilegra vinninga

Kv
Skráningardeildin

Aðventuferðin 2012

Nú um síðustu helgi skelltum við hjónaleysin okkur norður yfir heiðar í okkar árlegu aðventuferð. Við komum norður um kaffibil á flöskudeginum og sugum í okkur norðlenzka jólastemningu í göngugötunni sem reyndar má keyra á. En svo sem ekki mikið gjört því okkur beið svo jólahlaðborð á sjálfu Hótel KEA en þar var étið á sig gat svona skv venju.

Þegar laugardagsmorgun bar að garði var farið að élja og skv vefmyndavélum var skyggni frekar takmarkað. Svo maður beið bara rólegur frameftir degi og skellti sér upp í fjall rétt fyrir 1400. Maður náði þar ágætis tveim klst nema skyggni var ekkert og algjörlega blint uppi. Nú vitna ég bara í Þverbrekkinginn og ,,maður sá ekki framfyrir buxnaklaufina". Sem var hálf fúlt því færið var nokkuð gott. En hvað um það. Stebbalingurinn komst á skíði og það er fyrir öllu. Þar sem Krunka er með einhvern sjúkdóm gat hún ekki skellt sér upp í fjall en fór í heimsókn þess í stað. Þar sem hún var sótt
Síðan um kveldið boðuðu sendiherrahjón V.Í.N. oss í kveldmat í sendiherrabústaðinn. Slíkt var þegið með þökkum og nutum við gestrisni þeirra og fórum ekki svöng þaðan. Gaman að hitta þau

Síðan á messudeginum var brugðið sér í Kjarnaskóg og brugðið sér á gönguskíði því það var jafn blint upp í fjall og á laugardeginumm. Við tókum saman einn hring 2,2 km og síðan tók Litli Stebbalingurinn annan aukahring. Þetta var prýðilegasta skemmtun og jólalegt. Okkur beið svo jólagrautur og endaði með sunnudagslæri áður en haldið var aftur í borg óttans

En allavega þá eru myndir, svona fyrir áhugasama, hér

Halló þarna Agureyrish

Við hjónaleysin skruppum um helgina í okkar árlegu aðventuferð til Agureyrish þar sem m.a var kannað ástandið á Hlíðarfjalli. Ferðaskýrzla og myndir væntanlegt innan tíðar. Amk fyrir jól

Kv
Twist

Hairy Blue Mountains

Jæja, nú í dag var skíðasvæði okkar höfuðborgarbúa opnað í Bláfjöllum. Í ljósi þeirrar staðreyndar datt Litla Stebbalingnum í hug að kanna hvort einhver stemning væri fyrir því að skella sér uppeftir um helgina, þá annað hvort laugar-nú eða messudag, til þess að renna sér dagspart eða svo. Sjáum til hvað spámenn ríkisins segja

Kv
Skíðadeildin

Æfa, æla

Í gær var haldin risasjúkraæfing FBSR og þar var Litli Stebbalingurinn þátttakandi ásamt tveimur öðrum gildum limum innan V.Í.N. En það vill svo skemmtilega til að það voru Eldri Bróðirinn sem sá um að stjórna lýðnum úr Birninum og svo Krunka sem var í heimstjórn í húsi. Sá sem þetta ritar var með fjallahóp í fjallabjörgunarverkefni. Þetta gekk allt svo sem ágætlega og allir leystu sín verkefni. Varla kemur það á óvart að myndavél var með í för og myndir frá deginum í gær má sjá hér

Skíði sunnan heiða

Skv heimasíðu Bláfjalla þá er stefnt að opnun í Blue Mountains um komandi helgi. Spurning hvort það sé stemning fyrir því að skella sér uppeftir komandi messudag og renna sér þar dagspart?

Fjölskylduútilegan 2013

Eins og Litli Stebbalingurinn var búinn að skella fram á Snjáldursíðu V.Í.N á lýðnetinu þá var kominn upp sú hugmynd með fjölskylduútilegu V.Í.N. 2013. Sjálfsagt eins og glöggir lesendur muna þá var hugmyndin að halda norður í Skagafjörð, nánar tiltekið á Steinsstaði, og slá þar upp tjaldbúðum helgina 14-17. júní n.k.
Við hjónaleysin, ásamt laumufarþeganum, komum við þarna síðasta sumar svona sem undirbúnings-og eftirlitsferð. Það verður að segjast að þarna er aðstaðan til fyrirmyndar. Flott tjaldsvæði með rafmagn í boði sem það vilja. Nú sömuleiðis er sá möguleiki fyrir þá sem ekki geta hugsað sér að liggja í seglskýli að leigja sér herbergi svo fáar eða engar afsakarnir eru teknar gildar. Sömuleiðis er hægt að komast inn og borða þar ef þannig viðrar og á neðra tjaldsvæðinu var amk í sumar samkomutjald sem hægt var að matast inní. Svo er þarna líka sæmilegasta sundlaug og úr heitapottinum hefur maður útsýni á Mælifellshnjúk. Ekki amalegt það.
Okkur ætti ekkert að leiðast þarna og getum fundið heilmargt til dundurs. Við strákarnir gætum skellt okkur á samgöngusafnið í Stóragerði á meðan kvennpeningurinn fer á hannyrðasafn og prjónabúðir.

Jæja þá er þessari upphitun lokið í bili með einhverjum nokkrum myndum frá staðnum og svo sjáumst við bara 14. júní n.k


Kv
Nemdin

Skíðavertíðin hafin

Hlíðarfjall opnaði um helgina og vonandi styttist í það hér sunnan heiða líka. Annars þarf maður svo sem ekkert lyftur þegar maður á skinn.

Kv
Skíðadeildin

Upphífingar

Jæja, þessi blessaða síða er nú ekki alveg dauð úr öllum æðum þrátt fyrir lítið líf síðustu vikur. En það á sér svo sem sínar skýringar. En hvað um það

Nú síðasta laugardag var Litli Stebbalingurinn boðaður á þyrluæfingu með Gæzlunni og undanförum, svona sem undanrenna. Þetta er kannski ekki beint tengt V.Í.N. en amk einn gildur limur var þarna á ferðinni.
Flugferðin var ekki svo sem löng en farið var upp á Sandskeið og teknar þar nokkrar upphífingar og svona almenn umgegni í kringum þyrilvængju. En gaman var að því í norðanáttinni og ef einhver er áhugasamur má skoða myndir hér

Skíðaupphitun

Jæja það styttist í skíðatímabilið þennan veturinn. Að sjálfsögðu er stefnt að því að vera rosa duglegur að skíða af manni rassinn í vetur og vera ofurmenni á fjallaskíðunum.
K2 er með nokkuð skemmtilega síðu þar sem farið er yfir ýmis atriði sem tengjast fjallaskíðamennsku. Svo sem snjóflóðagryfjur og tækni. En allavega má kíkja á þessa síðu hér og hafa nokk gaman af

Kv
Skíðadeildin