Kongó: Ferðalagið heldur áfram

Miðvikudagsmorgun rann upp og maður mæti í morgunmat í Casablanca, þar sem það var í boði þá fékk maður sé að sjálfsögðu egg og beikon. Síðan lá bara leiðin út á völl og maður opnaði vélina og gjörði það sem maður þurfti að gjöra. Ekki leið á löngu uns við fengum kaffi og þá var ekkert að vanbúnaði að skella sér í loftið og okkur beið lengsti leggur ferðarinnar, niður til Bamako í Malí. Á leiðinni úr lofthelgi Marokkó sá maður þar eru flott fjöll sem alveg mætti skoða nánar. En hinum megin fjallanna birtist sjálf Sahara. Það var áhugaverðara að fljúga yfir eyðimörkina en maður reiknaði með. Margt áhugavert sem við sáum úr lofti þorp, bæir og eitthvað sem maður kann ekki að skýra út.
Við komum svo til Bamako og þar var heitt en þurrt. Þar var áhugavert að koma. Fullt af áhugaverðum flugvélum þarna merktar UN og svo gekk allt þarna á Afrískumtíma og ýmislegt reynt til kreista út úr okkur dollara en fengu bara harðfisk í staðinn. En allavega tókst að sannfæra tankerinn að fylla loftfarið og hægt að leggja í styðsta legginn til Accra í Ghana. Við komum svo til Ghana rétt í ljósaskiptunum og maður opnaði hurðina þá...úff hvað var rakt og heitt. Þarna stóð maður og svitnaði meira en á Florida á sínum tíma. Ennig átti sér líka þarna rangur misskilningur og við þurftum að færa vélina af fuel point yfir á hlað því það átti að over nighta þarna. Ekki reyndist svo mikið mál að komast inní landið því það var bókstaflega labbað inn.
Þegar átti svo að skutla okkur upp á hótel bað bílstjórinn okkur að hinkra aðeins því hann þurfti skyndilega að hitta vin sín. Það tæki enga stund, en auðvitað er ekkert sem tekur enga stund. En meðan við biðum pollrólegir gekk einhver kauði fyrir framan strumpastrætóinn, sem átti að koma okkur upp á hótel, rúllaði þar út teppi, snéri sér að Mekka og hóf bara bænir eins og ekkert væri. Gaman að því.
Þegar við komum upp á hótel var eitthvað vapor lock með herbergi handa Litla Stebbalingnum en það reddaðist. ,,You´ll get a bigger room, sir" var sagt við mig. Þegar ég kom svo upp á fimmtu hæð hófst leitin að herbergi 510. Gekk inn ganginn en fann ekki herbergið en fór svo aðeins lengra inn og þar var það. Þegar maður opnaði svo hurðina þá.. segi bara rómantíska svítan hvað. Þetta var ,,herbergi" sem var stærra en íbúðin mín og svefnherbergið var stærra en gamla íbúðin í Frostafold. Síðan beið manns bara matur og hvíld fyrir síðasta daginn í Afríku í bili amk

Nenni einhver má sjá myndir frá deginum hér

Kongó: Fyrsti áfangi

Það var nú loks þann 14.jan s.l sem Litli Stebbalingurinn lagði af stað í smá heimsreisu á Fokker 50.
En þannig var mál með ávexti að nú síðasta haust seldi Flugfélagið eina af sínum Fokker vélum til Afríkuríkins Austur-Kongó og fékk Stebbalingurinn það hlutverk að fylgja Oddinum sem flugvirki niður eftir og flugmennirnir sem fylgdu Oddinum líka voru þeir Guðjón Halldór og Nökkvi Sveins. Reyndar átti að fara þann 14.des en af hinum ýmsu ástæðum þá frestaðist förin fram í miðjan jan. En nú á að reyna segja ferðasöguna af þessari vinnuferð og láta einhverjar myndir fylgja með.

Sum þriðjudaginn 14.jan var tekið á loft frá Reykjavíkurflugvelli kl:0800 og var fyrsti leggurinn til Bournemouth á Englandi. Þrátt fyrir 4 tíma flugferð var þetta fínasta ferð þarna niðureftir og gaman að því að sjá Liverpool svo ská úr lofti. Líka komst maður að því að það er snjór í Skosku hálöndunum. Gaman að það. En í Bretaveldi var gjörður stuttur stanz og eftir eldsneytisáfyllingu  og kaffi var farið aftur í loftið og nú með stefnuna á Casablanca. Þá er ekki verið að tala um skemmtistaðinn sem var við Skúlagötu.
Á leið okkar yfir Frankaríki og Spán var ekkert að sjá nema ský og okkur fannst það spaugilegt að bezta veðrið í Evrópu skyldi vera á Englandi. Síðan líka hrokkann í Frökkum að babbla bara á frönku í radíóinu.
Sem betur fer þá fengum við útsýni yfir græna akra Marrakó og var frekar heit þegar við lentum í Casablanca en hitin átti svo bara eftir hækka eftir því sem sunnar dró.
Í Casablanca beið okkar fyrirmyndarþjónusta og við drífum bara í því að tanka svona ca 3 tonn og gjöra daily Check en m.a voru þessi tvö verk það sem Litli Stebbalingurinn þurfti að sjá um á leiðinni. Svo tók bara við að koma sér inní landið og upp á hótel.

En langi einhverjum að skoða þá eru myndir frá deginum hér

Þriðji í skráningu 2014

Jú góða kveldið.

Svo maður deyi nú ekki úr dönsku er vel við hæfi að láta hugann reika til sumars nánar til tekið í Bása á Goðalandi.
Nú er auðvitað Óðinsdagur sem táknar að sjálfsögðu að í dag verður birtur nýr skráningarlisti. Það er fátt af honum að frétta því ekkert nýtt nafn er á listanum góða en það eru svo sem rúmlega tuttugu vikur í gleðina miklu svo engin ástæða til að örvænta. Amk ekki strax. Skulum ekkert hafa þetta lengra þessa vikuna.

Ásar og ásynjur:

Krunka
Skotta Twist
Stebbi Twist
Eldri Bróðirinn


Hver drap rafmagnsbílinn:

Willy
Litli Kóreustrákurinn


Allt rólegt á vesturvígstöðunum og allt í góðu með það.
Þanngað til í næztu viku

Kv
Skráningardeildin

Annar í skráningu 2014

Eins og glöggir lesendur V.Í.N.-síðunnar þá var enginn listi birtur síðasta miðvikudag. Það skal tekið fram að hann var ekki birtur útaf leti einni saman. Nei heldur var skráarritari bara staddur í Accra í Ghana síðasta miðvikudag á leiðinni til Austur Kongó í stuttri safariferð. Sjálfsagt verður nánar komið að því ferðalagi hér á síðum lýðnetisins síðar.

Vindum okkur þá bara í mál málanna fyrir síðustu viku og er þar auðvitað verið að tala um listann góða þann annan í röðinni þetta árið.
Skráning fór bara vel af stað þetta árið en eins og venja er þá er komin smá deyfð en ekki hafa áhyggjur.

Persónur:

Krunka
Skotta Twist
Stebbi Twist
Eldri Bróðirinn


Fjórhjóladrifstæki:

Willy
Litli Kóreustrákurinn


Þá er það komið og svo bara aftur á miðvikudag

Góðar stundir
Skráningardeildin

Fyrsti í skráningu 2014

Þá er loks komið árið 2014 sem þýðir auðvitað að það sem allir hafa beðið eftir síðan í byrjun júlí í fyrra er að hefja sitt skeið fyrir þetta árið. Hér er auðvitað verið að tala um skráningarlistann góða fyrir Fyrstuhelgaríjúlíárshátíðarþórsmerkurferð 2014. Þrátt fyrir smá klúður hér í upphafi árs þá hefur skráning farið ágætlega af stað og sjáum hvað verða vill. Við skulum ekkert hafa þetta lengra að sinni og vinda okkur bara í mál málanna þessa vikuna

Fólk:

Krunka
Skotta Twist
Stebbi Twist
Eldri Bróðirinn

Bifreiðar-og landbúnaðartæki:

Willy
Litli Kóreustrákurinn


Jaha, ekki amalegt það
Aftur í næztu viku

Kv
Skráningardeildin

Skráning er hafin

Nú skeit skráningardeildin heldur betur í rjómann. Á mörgum stöðum myndi slíkt kalla á afsagnir nemdarmeðlima en auðvitað ekkert slíkt hjá V.Í.N. Hér geta menn endalaust skitið í rjómann og allir eru sáttir.
En hvað um það. Nú komum við okkur bara að máli málana sem er auðvitað skráning fyrir Fyrstuhelgaríjúlíárshátíðarþórsmerkurferð 2014. Já, börnin mín það styttist í gleðina þetta árið og nú skal hrækt í lófana og gerum gott úr þessu með því að vinsamlegast fjölmennið. Sum sé skráning er formlega hafin og mun fyrsti listinn verða birtur komandi Óðinsdag.

Kv
Skráningardeildin

E.s Þættinum var að berast bréf þar sem Krunka var að skrá sig ásamt Skottu Twist. Það er ljóst að hér að allt að gjörast og klukkan er

Helgafell á þrettandanum

Magnús frá Þverbrekku vildi ólmur hefja nýja árið með stæl og halda til fjalla. Þar sem sannfæringarmáttur Dr.Phil er gríðarlega mikill þá lét Litli Stebbalingurinn tilleiðast. Eftir dulítið skrafs og ráðagjörðir var ákveðið að halda á Fellið helga. Byrja þetta svona á rólegu nótunum. Það var svo í birtingu fyrsta sunnudag á þessu ári sem haldið var upp til fjalla. Bara eins og jólasveinarnir. Skemmst er frá því að segja að báðir komust upp á topp (geztabókin ætti að geta sannað það) og það sem meira er niður aftur.
Hressandi rölt og vonandi vísir á það sem koma skál á þessu ári. Amk eru uppi hugmyndir hjá þessum tveim að hafa óformlega V.Í.N.-rækt fram á vorið. Engin ákveðin dagskrá og allt líklegast ákveðið með stuttum fyrirvara og ekkert allar helgar eða neitt slíkt. Svo er bara að bíða og sjá hvernig þetta gengur. Það verður auðvitað reynt að tilkynna allt svona hér á V.Í.N.-síðunni
En að öðru. Ef fólk er forvitið má sjá myndir frá förinni hér

Áframhaldandi áramótaheit

Magnús frá Þverbrekku ætlaði sér víst að skilja eftir skilaboð á dyrinni hér á ferzlunni fyrir neðan. En eitthvað var tæknin að stríða kauða svo Hr.Blogger neitaði að leyfa drengnum að tjá sig í skilaboðaskjóðunni. En pilturinn bað Litla Stebbalinginn að koma eftirfarnadi skilaboðum. Þar sem Tuddi Tuð er drengur góður þá verðum við auðvitað að ósk hanz.

,,Gleðilegt nýtt ár sömuleiðis! Fínar hugmyndir Staffan, en má ég koma með spurningu eða tvær. Er ekki óþarf að bíða eftir sumri til að fara hreyfa okkur? Getum við ekki smellt Vínræktinni á strax? Getum við ekki farið að hamast á hóli í vetur? Er það ekki hipp og kúl að fara á eitt fjall í viku eða á mánuði? Eigum við ekki að vera hipsterar og fara á eitt fjall á tveggja vikna fresti (svo við hermum ekki eftir ferðafélögunum)? mbk Blöndahl"


Það verður barasta að segjast að þetta eru hinar fínustu tillögur hjá kauða. Upp er komin sú hugmynd að notfæra sér komandi messudag til fitubrennslu. Spurningin brennur hvort það verði Skálafell og þá með skinn undir skíðum eða bara hið sígilda Helgafell ofan hins hýra Hafnarfjörðs. Bíðum bara spenntir eftir hver þróunin verður næztu daga

Kv
Áramótanemdin

Áramótaheit

Gleðilegt ár öll sömul.

Það er vel við hæfi nú á nýju ári að viðra upp hugmyndir með þetta árið. Amk langar Litla Stebbalingnum að reyna hefja Vinafélag íslenskrar náttúru. aftur upp til fyrri vegs og virðingar. Nokkrar hugmyndir liggja í loftinu bæði að gömlum meið og kannski einhverjar nýjar. Svo auðvitað detti fólki eitthvað í hug er um að gjöra að skella þeim fram
Ef maður verður í stuði er aldrei að vita nema V.Í.N.-ræktin verði endurvakin komandi sumar (svona ef það verður eitthvað sumar). Svo er annað, nú eru sumir innan þessa félagsskap miklir hlaupagikkir og segir svo almannarómur að fleiri hyggi á landvinninga í þeim geira. Nú á sumrin eru almenningshlaup allar helgar einhverstaðar á landinu og því mætti alveg blása til útilegu í nágrenni þar sem einhverjir kynnu að spretta úr spori. Kemur fyrst upp í hugann Gullspretturinn á Laugarvatni og hlaupahátíðin fyrir vestan svo dæmi sé tekið. Svo mætti taka hjólaferð fyrir þá sem hafa gaman að því. Kannski hjóla Leggjabrjót og hittast svo í Hvalfirði með tjöld og grill. Svo auðvitað bara almennar útilegur með engan sérstakan tilgang annan en að hafa gaman með vinum og fólki. En þetta þarf ekki allt saman að vera einhverjar útilegur og action því líka væri gaman að hittast einn góðviðrisdag t.d í  Heiðmörk, Guðmundarlundi eða bara í einhverjum heimagarði og grilla þar saman sem (grilla aðeins í liðinu því maður er svo steiktur)
Líka væri gaman að gildir limir myndu segja frá ferðum sínum hvort sem það er bústaðarferð eða bara kveldstund í Bláfjöllum hér á lýðnetinu. Alltaf gaman að því að heyra af því þegar fólk er á ferðinni og aldrei að vita nema það gefi manni hugmyndir um áhugaverða staði og gjörninga.
Svo er líka uppi hugmynd með fara í sumartúr. Það er allt saman á hugmyndastiginu ennþá en gaman væri að fara eitthvað í ca 4-10 daga sumartúr. Síðan er bara að bíða og sjá hvað árið 2014 ber með sér en hvað sem það verður þá verður það bara gott.

Góðar stundir gott fólk

Gleðilega sólrisu

V.Í.N. sendir öllum sínum gildu limum sem vinnum og velunnurunum hugheilar jólakveðjur.
Hafið það sem sem allra bezt á þessari sólrisuhátíð

Aðventa í Agureyrish fjórðungi

Núna um síðustu helgi skruppum við litla fjölskyldan í okkar árlegu aðventuferð til Agureyrish. Þar var ætlunin að skreppa á skíði, skella sér á jólahlaðborð, skunda í jólahúsið og síðast enn ekki síst afsleppi og át.
Við heldum sem leið lá norður á boginn seinni parts Þórsdag úr kulda og frostinu í borg óttans. Þegar við lentum norðan heiða gekk þar á með éljum. Sem er mjög gott. Lítið var nú gjört á fimmtudagskveldinu nema hvað auðvitað fór maður ekkert að sofa fyrr en of seint. Það er svo sem ekkert nýtt.

Flöskudagur rann upp og var frekar kaldur (bara til að herða mann). Þegar hitatölur eru á þessum skala er fljótlegt og þægilegt að malla sér grjónagraut sem og var gjört. Það var gott að fá hita í líkaman og orku. Við þurftum aðeins að stússast áður en við komust upp í fjall. Við skelltum okkur svo upp í Hlíðarfjall sem tók á móti manni með sínu 16 stiga frosti. Við verzluðum okkur bara 2.tíma kort og dugði það vel þar sem fátt var í fjallinu. Þrátt fyrir grimmdarfrost var færi með ágætum og gott var að koma inní strýtuskála til að hlýja sér aðeins.
Þegar skíðun lauk var bara drifið sig í hús og skellt sér í steypibað enda þurfti að fá líf í kaldar tær. Siðan um kveldið var haldið á Hótel Kea til að snæða þar á jólahlaðborði

Það hafði hlýnað um ca 5 gráður þegar vaknað var á laugardag. Við skelltum okkur aftur uppí fjall og tökum þar aftur 2ja tíma kort. Færið hafði harðnað frá deginum áður. En það sem helst telst til tíðinda er að við hittum Snorra sendiherra upp í fjalli. Eftir prýðilegan skíðadag var næzt haldið í vöfflukaffi. Þegar kvelda tók og leið að kveldmat ákváðum við að slá þessu kæruleysi og panta okkur bara flatböku frá Bryggjunni enda skilin ein eftir heima. Svo fór bara kveldið í sjónvarpsgláp og annað hæfilega heiladautt.

Messudagur rann upp. Þarna var skýjað og það leit út fyrir að skyggni yrði fágætt upp í fjalli svo skíðun var slegin af þennan dag. Í staðinn drakk maður bara í sig jólastemninguna í Jólahúsinu og síðan beið mannz bara pönnukökukaffi. Svo kom bara að því að við þurftum að drífa okkur niður á flugvöll til að fara aftur í borg óttans.

En hafi fólk áhuga má skoða myndir frá helginni hér

Étið á sig gat

                                    

Fyrir rétt svo rúmlega viku síðan var haldin næztum því árlega Matarveizla mikla. En ekki er svo ætlunin hér að fara djúpt í þá helgi annað en segja bara takk fyrir mig

En eitt er þó sem skal segja örlítið frá. Við litla fjölskyldan nýttum okkur það að vera á staðnum og það líka að þarna rétt hjá er eitt smáfell. Á þetta smáfell var stefnan sett á, nú kann margur að smyrja sig hvaða smáfell er verið að tala um en það var Miðfellsmúli. Við þrjú röltum þarna upp með Skottu í burðarpokanum hennar Katrínar. Þetta var frekar létt ganga á annars ágættis fell amk fengum við hið prýðilegasta útsýni þar sem Botnsúlur báru af. En svo sem fátt annað markvert gjörðist þarna og hafi einhver áhuga á myndum má skoða þær hér

Sumarið framundan

Þrátt fyrir að árið 2013 sé ekki einu sinni búið og langt, samt ekki svo, í næzta sumar langar mig að koma niður nokkrum hugrenningum.
Langar bara að kanna hvort það sé einhver stemning fyrir því að samstilla sumarfríin hjá gildum V.Í.N.-limum næzta sumar amk að einhverju leyti. Veit að einhverjir kunna að þurfa taka sitt frí á einhverju ákveðnu tímabili og ekki víst að það henti öllum. En allt byrjar þetta á því að skoða málin. Alla vega þætti Litla Stebbalingnum það áhugaverður kostur að geta smalað saman gildum limum í V.Í.N. í góðan 7-10 daga sumartúr sumarið 2014. Kem örugglega til með að minna á þetta þegar fer að líða að því að fólk þurfi að ákveða sumarfríið sitt. Amk er þessu hér með kastað fram

Burtfarardagur

Messudagur rann upp og það táknaði bara að upp var runinn brottfarardagur. Þar sem við áttum kveldflug þá lá okkur ekkert á og tókum því bara rólega þann daginn. Tókum smá rölt um bæinn. Svo kom bara að því að koma sér niður að lestarstöð og koma sér í flugvöllinn. Við tók svo bara tími á flugstöð sem er eins og flestir vita.
En svona í lokin þá viljum við bara þakka heiðurshjónunum og sendiherrahjónunum kærlega fyrir höfðinglegar móttökur. Takk kærlega fyrir okkur

En amk er hægt að skoða myndir frá þessum síðasta degi í Svíþjóð hér