SJÁUMST Í FJALLINU Á MORGUN !!!!

STUÐ STUÐ STUÐ,

Agureyrish á morgun

Og enn eitt slúðrið: Heyrst hefur að Stebbi mæti í Lederhosen og bjóði upp á kennslu í jóðli á Ráðhústorginu milli fimm og sjö bæði föstudag og laugardag.

Heyrst hefur fyrir Agureyrich 2006...

...að Jarlaskáldið muni sýna danzmenntir

... að V.Í.N.-liðar muni hlæja að þeim sem verða með lausan hæl í fjallinu, fyrir að vera ekki búnir að fatta hve hallærislegur norskur skíðastíll er, sem og allt annað sem frá Noregi kemur og Norðmenn yfir höfuð

...að tírolsk stemning svífi yfir vötnum á Pottþétt Agureyrich 2006

... að Pottþétt Agureyrich 2006 sé allt að því 20 cm langur

...að Stebbi Twist komi til með að kenna sveitavarginum sína útfærslu á djakkinu, sem hann lærði í NY 2002

...að Bónína verði kynnir á Ungfrú Norðurland í Sjálfstæðissalnum á laugardagskveldið

...að keppendur í Ungfrú Norðurland séu við það að missa legvatnið yfir komu jeppadeildarinnar til eyrarinnar ljótu við Eyjafjörðinn

...að björgunarsveitir séu í viðbragðsstöðu vegna komunnar og að það sé komið á rautt viðbúnaðarstig hjá Súlum

...að framsóknarflokkurinn verði á Lessukaffi svo vissara sé að hafa nebbakonfekt með í för

... að það sé aldrei að vita nema nýr félagsmálaráðherra mæti

...að Addi Kiddi Gauj mæti á svæðið og verði með námskeið í bardagalistum

...að bæði vinur fiskimannsins og ópalinn verði á svæðinu

...að Júdóslörið margfræga sé komið í leitirnar

...að Stymmorol hafi pantað gistingu í runna við Helgamagrastræti

...að lokum, þá hefur heyrst að Stóri Stúfur verði heima að horfa á Tómasínu um helgina. Óskum við honum góðrar skemmtunar. Eflaust mikið skemmtilegra en að renna sér á skíðum.

Fleira var það ekki að sinni

Hrafntinnusker

Núna fyrstu helgina í marzmánuði á því herrans ári 2006 lagði jeppadeildin upp í leiðangur lítinn. Var stefnan sett á Hrafntinnusker og bárum við þá veiku von í brjósti að þar væri einhvern snjó að finna. Svona eins og áður hefur komið fram þá fannst snjór þarna uppfrá. Skárra væri það nú í rúmlega 1000 mys.
Fröken Skipuleif á nú mestan heiðurinn af þessari ferð og kunnum við henni beztu þakkir fyrir það.

Það var svo vaknað fyrir allar aldir á laugardagmorgninum og byrjað á því að sækja bíl upp í Digranes eftir að hafa skilið þar eftir vegna öldrykkju eftir fótboltamót vinnunnar. Hvað um það.
Þegar heim var komið var símað í Tiltektar-Togga og var hann þá að raða í Ladý, víð ákváðum þar að vinnufélagi hans myndi sækja Lítla Stebbalinginn. Skömmu síðar var Hrafn nokkur kominn og við tilbúnir að hitta liðið á Lélegt. Er við komum í hlað voru þar allir ferðafélagarnir mættir og farartækin. Hópurinn samanstóð af:

Hrafn og Stebbi Twist á Trooper

Tiltektar-Toggi, Frú Toggi, Tuddi og Auður á Ladý-Krúser

Haffinn og Jarlaskáldið á Lata-Krúser.

Eftir að bílar höfðu fengið sína tankfylli og mannfólkið sitt morgunkaffi var ekkert að vanbúnaði að koma sér af stað. Fyrsta stopp var svo í Hnakkaville, að vísu ekki til koma við á KFC, því þar þurfti sagnaritarinn að koma við í nýlenduvöruverzlun til þess að ná sér í epli, maðkað mjöl og aðrar nýlenduvörur. Þar þurfti líka að styrkja íslenskan landbúnað með einum helgar pabba eða var það helgar grís. Man ekki alveg hvort það var en annaðhvort var það. Eftir verzlunnarleiðangurinn var barasta að halda áfram inn í blíðunna í uppsveitir Árnessýslu. Næsti stanz var gerður í Árnesi og okkur karlpeninginum til mikilar vonbrigða var enginn Hulda að vinna. Þar fengu bílar að drekka og mannfólkið var sér úti um bílanammi. Auðvitað fékk maður sér hjúplakrís. Áfram var haldið upp Gnjúpverjahreppinn, framhjá Þjórsárdal með sínar minningar, upp Samstaðamúlan og að mannvirkjum Lalla frænda þar sem við fórum yfir Þjórsá og yfir í Rangárvallasýslu. Er við komum að Dómadal var loft frelsað úr hjólbörðum. Þarna var ekki snjókorn að sjá, það eina sem var hvít var vikurinn en ekki var hægt að kvarta yfir veðrinu.
Við ókum áleiðis Dómadalinn og þurftum við að fara yfir einn og einn snjóskafl en annars var að mestu bara keyrt á klaka. Þar sem aðeins var leikið sér og nokkrir hringir teknir. Gaman af því. Við komust svo í fyrsta snjóinn í fyrstu brekkunum eftir að beygt var við afleggjarann upp á næsta hól í tjekka aðeins á útsýninu, sem var ekki amalegt eiginlega bara stórfenglegt. Nóg um það.
Ferðin inn í Sker gekk svo nokkuð stóráfallalaust fyrir sig, aðeins meira hleypt úr í brekkunni við íshellinn og svo haldið áfram. Þegar við vorum rétt ókomin að skálanum komum við að bíl einum sem oltið hafði helgina áður. Hér má sjá restina af Hi-Luxinum og hvar hann fór fram af. Við komum svo inn í skálann á hádegi sem passaði vel því tími var kominn á hádegissnæðing.
Eftir að allir voru orðnir mettir var um að gera að halda áfram að keyra og leika sér. Við gerðum heiðarlega tilraun til að finna íshelli einn sem ekki bar árangur, í staðin fórum við upp á einhvern hól og fengum nokk gott útsýni. Sumir notuðu tækifærið og smelltu skíðum undir sig hengu svo aftan í eigin bíl meðan aðrir voru fengnir til að keyra, um leið reynt að smita menn af því að fá sér jeppa. Ákveðið var að kikja aðeins í skálann aftur en á för okkar þanngað þurftum við að bíða aðeins eftir Haffa. Eitthvað sáum við þá vera í kringum bílinn með skóflu í hönd en ákveðið var að koma sér til þeirra og athuga hvernig gengi. Þegar við komum til þeirra kom í ljós að Skáldið hafði verið í úlpunni svo þeir sátu pikkfastir. Því var kippt í liðinn hið snarasta með aðstoð nylons, en þó ekki stúlknabandsins. Er við komum aftur að skálanum voru Vésælsmenn þar og þurftum við aðeins að taka út hinn alameríska snjókött. Haffi fékk svo aðeins að taka í amerískasnjótækið. Var það mál manna að það færi drengum einstaklega vel að sitja svona undir stýri á amerískufarartæki. Vakti snjóbíll þessi mikla lukku meðal viðstaddra. Eftir þetta stopp var haldið áleiðis að Torfajökli. Nokkrar brekkur reyndust okkur snúnar þó svo að við kæmust nú upp um síðir. Þegar við vorum svo kominn bakvið Háskerðing komum við að brekku, sem var niður í móti, löng og brött. Var niðurstaðan sú að ekkert mál væri að fara niður en snúnara gæti verið að komast upp. Svo ákveðið var að snúa við og koma sér aftur í skálann. Á bakaleiðinni fékk Litli Stebbalingurinn aðeins að setjast undir stýri hjá Hrafni. Var það mál manna að strákurinn hefði nú gert það alveg einstaklega vel og sjaldan hafði sést annað eins
Við komum svo aftur að skálanum rúmlega 16:00 og því kominn tími á síðdegiskaffi. Þar sem engin var til staðar þegar við komum ákváðum við að færa okkur af svefnloftinu og niður. Þar var heitt en samt var sumum kalt, hvernig sem það var nú hægt. Hvað um það. Það var svo eftir kaffi sem hörðustu naglarnir skuppu í smá bíltúr til að kanna hvort mönnum hefði tekist að koma Hi-Lux hræinu e-ð áleiðis. Ekki sáum við það fólk svo við förum bara aftur að skála. Þar var sólarinnar notið með öl í hendi. Maður gat ekki látið svona tækifæri, til að verða brúnn undir höndunum, fara til spillis. Maður verður að sjálfsögðu að vera hesttanaður Þegar sólin lét sig hverfa bakvið einhvern hól þá kólnaði skyndilega. Humm, veit ekki alveg hvernig á því stendur. Er ekki var lengur hægt að vera brúnn undir höndum var alveg eins gott að koma sér inn í skála og fara að undirbúa kveldmatinn. Er undirbúningur fyrir kveldveizluna var í hámarki og menn að missa sig í salatgerð reyndu nokkrir jeppar í hlað.
Fljótlega eftir að fýrað hafði verið í grillunum skellu menn sauðlaukum á kolinn. Þegar undirritaður hafði svo skellt helgarpabbanum í grillið og var á leiðinni aftur inn rakst hann á kunnugtlegt andlit, úr hinum hópnum. Var þarna á ferðinni Birkir, Freysabróður, nokkur á ferðinni og eftir smá spjall kynnti hann þarna fyrir sagnaritaranum verðandi starfsfélaga. Gaman að því. Flestir skelltu svo sínum mat á grillið hver á eftir öðrum. Það verður bara að segjast að maturinn smakkaðist alveg ágætlega svona eftir að búið var að hreinsa mesta kolið í burtu. Ekki var svo tollurinn verri til að skola ljúfmetinu niður.Þetta var allt að því ómetanleg blanda og ekki spillti sósan hans Hrafns fyrir. Kveldið leið og bjórunum fækkaði það kom svo að því að við vorum beðnir að yfirgefa svefnskálann. Við fórum því fram í eldhús að spjalla við Birki og félaga. Kom þar í ljós að þar voru á ferðinni Útlagar, ekki gott að verða á þeirra vegi, spjölluðum við við á um jeppa og sumir um flugvélar og flugvélaviðgerðir. Þetta var því góð nördasamkoma þar sem skipst var á hetjusögum og öll afrek lítillega ýkt. Menn týnust svo í koju einn af öðrum og það endaði með því að eftir voru skýrzluhöfundur, Jarlaskáldið, Hrafn og Haffi. Ekki voru menn á því að heilsa strax upp á Óla Lokbrá endað var því í Lata. Þar kom líka einhver kall sem aðlega virstist hafa áhyggjur af kynhneigð okkar. Þegar bjórinn var svo öllum lokið var lítið annað að gera nema koma sér í draumaheima.

Maður vakaði svo á heldur ókristnilegum tíma á messudeginum við það einhverjir voru að ganga um á svefnloftinu sem og fólk var komið á fætur þarna niðri. Eftir morgunmat, messu og Mullersæfingar beið manni uppvaskið. Já, einhver neyddist til að ganga í verk hreingerningardeildinnar. Soffía frænka stoð sig líka alveg í stykkinu við tiltektir.
Eftir smá umræðu um hvert skyldi halda áleiðis heim varð niðurstaðan sú að fara niður á Dómadalsleið og fara inn í Landmannalaugar. Eftir að hafa gert alsvakalegar tiltektir þar sem séð til þess að ruslið yrði tekið með, var haldið áleiðis til Lauga. Ferðin niðureftir gekk bara eiginlega of vel og ekki var veðrið verra en á laugardeginum. Á einhverjum stað var stanzað og beðið eftir Tiltektar-Togga hann birtist um síðir og um leið koma skýring á töfinni. Það var nefnilega kvenmaður undir stýri. Allt á sér útskýringu. Er við komum aftur niður á klakann var e-ð loft endurheimt í hjólbarðana. Brunað var svo bara áfram uns við komum að Dómadalsbrekkunni þar var gerður stuttur stanz til að kanna aðstæður. Var brekkan vel fær en að venju brött og nú var hún frekar hörð. Haffi reið á vaðið og e-ð þótti sumum þetta heldur bratt. En niður komust allir bæði bílar og menn þó svo að sumir hafa farið niður á tveimur jafnljótum.
Svo lá nánast beinn og breiður vegur inn í Laugar og enginn alvarleg fyrirstaða á leiðinni. Við komum svo inn í Laugar rétt fyrir hádegi. Ákveðið var að skella sér í laugina og fá sér svo hádegisverðarhlaðborð. Ekki er beint hægt að segja að langlellahlaupið hafi verið spennandi því aðeins Litli Stebbalingurinn uppfyllti öll skilyrði fyrir þátttöku í þessari umferð í heimsbikarmóti V.Í.N. í langlellahlaupi. Laugin var hinn fínasta og mikið erfitt að koma sér upp úr, eins og stundum vill verða þegar lofthiti er ekkert of hár. Það hafðist að lokum að koma sér uppúr og þegar maður kom aftur í skálann var maður orðinn hálf frostþurrkaður. En það beið manns hádegisverðarhlaðborð með hamborgurum og pylsum, þó engar vær Dodda-pylsur í boði, allt mjög ljúft og gott. Við yfirgáfum því Laugarnar mettir og sælir. Kíkt var aðeins inn í Jökulgilið þó stutt væri. Haldið var svo bara áleiðis niður á láglendið. Þrátt fyrir snjóleysið þá var hægt að taka sneiðing og stytta sér leið yfir göngubrekkunna kom svona þægilega á óvart. Það var svo nánast enginn snjór í hrauninu eiginlega bara klakki og þar var aðeins meira lofti dælt í dekk. Við rúlluðum svo í Hrauneyjar og þar virkaði ekki loftpressan en sumir notuðu tækifærið og heilsuðu upp á Fógetann. Það var svo komið niður á láglendið og að sjálfsögðu var komið við í nýlenduvöruverzlunni í Árnesi þar sem heilsa átti upp á Huldu. Okkur til mikilar vonbrigða var þar engin Hulda svo ekki var nein ástæða til að staldra þar e-ð við. Það átti að koma við í Hnakkaville til að fá sér ís. Þegar til Hnakkaville var komið gátum við bræðurinir ekki setið á okkur og fórum á KFC meðan hinir skelltu sér á ís. Það verður að segjast að KFC smakkaðist alveg jafnvel og manni minnti. Enda hafði maður ekki komið á KFC síðan maður fór í opinbera heimsókn til Austurríska/Ungverskakeisaradæmisins. Ljúft var það. Eftir skítthoppara og ís var ferðinni slitið og hver og einn hélt sína leið til borg óttans.

Vill bara nota tækifærið og þakka samferðarfólki fyrir frábæra ferð. Þar sem veðrið og færið gerast vart betri.

Kv
Jeppadeildin (þessi er bara fyrir Haffa)

Óréttlæti

Það er ekki að spyrja að hálvitununm í þessari mannanafnanefnd. Fyrst fær Curver ekki að heita Curver, og nú fær Stebbi ekki að heita það sem hann heitir. Sjáiði bara!

Held að tími sé kominn til að leggja þessa nefnd niður!

Hrafntinnusker

Jeppadeildin brá sér í jeppaferð um nýliðna helgi. Farið var í Hrafntinnusker og viti menn, þar fannst smá snjór. Frábært verður og fínt færi.
Það er verið að vinna í ferðaskýrzlu en á meðan getur fólk skoðað myndir frá Skáldinu. Myndirnar eru að finna hér.

Kv
Jeppadeildin

(uppfært)

Tiltektar Toggi er líka búinn að setja inn myndir úr ferðinni um sl helgi. Þær myndir er hægt að nálgast hér.

Depeche Mode kvöld á Thorvaldsen

Efnt til upphitunar fyrir tónleikaferð Depeche Mode um Evrópu
á Thorvaldsen bar miðvikudagskvöldið 22. febrúar.
Í ár eru 25 ár liðin síðan að hljómsveitin Depeche Mode gaf út sína fyrstu breiðskífu. Síðan þá hefur hljómsveitin gefið út 11 stúdíóplötur en nýjasta afurð sveitarinnar kom út síðastliðið haust og ber nafnið “Playing the Angel”. Þessa stundina eru Depeche Mode á tónleikaferðalagi um Evrópu að kynna nýju plötuna og hefur tónleikaförin hlotið nafnið “Touring the Angel”. Meðal annars mun hljómsveitin halda tónleika á Parken í Kaupmannahöfn þann 25. febrúar nk og búist við að fjöldi íslendinga leggi leið sína á þessa tónleika.

Til þess að hita upp fyrir tónleikana verður haldið “Depeche Mode kvöld” í Bertelsstofu á Thorvaldsen bar miðvikudagskvöldið 22. febrúar frá kl. 21:00 til 01:00. Sýnt verður frá fyrrum tónleikum sveitarinnar á risaskjá og þarna gefst aðdáendum sveitarinnar tækifæri á að hittast og spjalla. Tilboð verða á barnum og frítt inn.

Frá því að Depeche Mode kom fyrst fram á sjónvarsviðið hefur hún náð þeim undaverðum árangri að vera talin ein virtasta “alternative” sveit í heiminum og sú sveit sem brúaði tölvupopp níunda áratugarins inn í nútímann. Þrátt fyrir að ýmislegt hafi gengið á innan sveitarinnar er hún enn skipuð þremur af fjórum upphaflegum meðlimum og hefur starfað samfleytt í yfir 25 ár sem er árangur sem örfáar hljómsveitir geta státað sig af.

Skipuleggjendur kvöldsins eru útvarpsmennirnir Hallgrímur Kristinsson (Halli Kristins) og Bragi Guðmundsson en báðir hafa þeir fylgt sveitinni til fjölda ára, eða allt frá árinu 1983.

Góða ferð gjöra skal...

Fyrir þá er ekki vita verður gerður út leiðangur á vegum VÍN til Austurríkja á komandi dögum. Verða þar á ferðinni sá er þetta ritar (Vignir) og sá er mikið ritar (Stefán) auk þess sem tvímenningarnir fá þann er ekkert ritar (Eyfi) með sér í lið er til Austurríkja er komið. Hér verður dagskrá ferðarinnar gerð nánari skil.

Næstkomandi laugardag verður haldið til Kaupmannahafnar. Ætlunin er að hitta þar Runólf að máli í vissum erindagjörðum. Ekki verða þær erindagjarðir tíundaðar frekar hér. Síðdegis sunnudags verður svo haldið til Mánaborgar og ekið með sjáfrennileigureið sem leið liggur að Innbrú nokkurri í Austurríkjum. Þar verða fagnaðarhöldur ásamt Eyfa.

Árla mánadags munu þrímenningarnir halda að skíðabrautum Heilags Antons. Ætlunin er að dveljast þar um fjögurra nátta skeið eða allt fram að föstudagskveldi þegar stefnan verður sett að þeim stað er Ísgleið nefnist. Verða skíðabrautir Ísgleiðar þaulkannaðar og eru áætlaðir fjórir dagar til verksins. Á þriðjadegi verður því afturkvæmt í Innbrú.

Við Innbrú verður dvalist frá þriðjadegi að föstudegi og meðal annars vitjað Moskú einnar. Föstudagsmorgni verður hins vegar varið til ferðalaga frá Innbrú til Kaupmannahafnar. Þar verður meðal annars kveðju kastað á félaga vor Magnús og Auði og hlýtt á lifandi tóna hljómsveitarinnar Dýpsta Moð. Á sunnudegi er svo áætluð heimferð....því miður :(

Ferðalangar áskilja sér rétt til breytinga án fyrirvara.

NR: 3

Jæja, þar sem nú er farið að halla nokkuð niður að helginni og er vel við hæfi að birta lista nr:3 yfir hina viljugu og staðföstu. Kjaftatjéllingar bæjarinns segja það að allir listar, sem bjóða sig fram fyrir komandi bæjar-og sveitarstjórnakosningar, séu með það kosningaloforð að komast á þennan sívinsæla lista.
Dveljum ekki lengur við það heldur komum okkur að efninu:


Stebbi Twist
VJ
Jarlaskáldið
Haffi
Edda
Adólf
Maggi Brabra
Frú Andrésson
Andrés Þór
Stóri Stúfur
(S)Auður
Svenson

Djúsinn, ef á landinu verður

Jeepi og farartæki


Willy
Hispi
Lilli
Lati-Krúser
Barbí
MonteNegro
Pæja???


Eins og sjá má hafa ekki orðið miklar breytingar frá því að listin birtist síðast.
Þó hefur mannanafnanemd tekið ábendingum umhyggjusamra foreldra og leiðrétt vitleysu í manntali sínu. Er hér með beðist velvirðingar.

Enn eru stúlkur á kjöraldri hvatar til þátttöku í íþróttaleikjum um fyrstuhelgaríjúlíárshátíðarþórmerkurferð.

Koma svo og allir að skrá sig!!!

Kv
Undirbúninginsnemd eftirlitsdeildar skipulagssviðs

Sæl,

Hver man ekki eftir útreikningaleikjunum þegar maður var 10 ára til að finna út hvernig nafn manns sjálfs og þess sem maður var skotinn í passaði saman? Já það er komið aftur fram á sjónarsviðið á netinu og hvet ég alla til að tékka á sér og síns heitt elskaða, hér!!!

Hinir viljugu og staðföstu:nr.2

Jæja, gott fólk þarna úti á hinum viðáttumiklu sléttum alnetsins. Þá er komið að birta nýjan og uppfærðan lista yfir hina viljugu og staðföstu fyrir Fyrstuhelgaríjúlíárshátíðarþórsmerkurferð 2006 sem farin verður í 141 skiptið.
Það hefur aðeins bæst við á þennan góða og magnaða lista bæði af fólki og farartækjum. Og er ástæða að óska þeim öllum til hamingju með það
Dveljum ekki lengur við og hér birtist listinn góði:

Fólk:

Stebbi Twist
VJ
Jarlaskáldið
Haffi
Edda
Adólf
Maggi Brabra
Frú Andrésson
Andrés litli
Stóri Stúfur
Auður er undarleg svo er nú það
Svenson

Djúsinn, ef á landinu verður


Farartæki:


Willy
Hispi
Lilli
Lati-Krúser
Barbí
MonteNegro
Pæja???

Vel skipaður og sigurstranglegir listi.
Gakk þú í viningsliðið áður en það verður of seint. Því þegar það gerist þá segir maður: Ýkt óheppin(n)

Kv
Undirbúninginsnemd eftirlitsdeildar skipulagssviðs

Hinir viljugu og staðföstu

Þá er komið að því. Jú, nú skal fyrsti listi birtur yfir hina viljugu og staðföstu er ætla með í Fyrstuhelgaríjúlíárshátíðarþórsmerkurferð. Hér er á ferðinni listi yfir bæði menn og bíla. Hér kemur sá fyrsti:

Mannskapurinn:

Stebbi Twist
VJ
Jarlaskáldið
Haffi
Edda
Alda

Farartæki:

Willy


Ef þú lesandi góður vilt komast í góðan hóp meðal viljugra og staðfasta þá er það ekki of seint. Það borgar sig að vera snemma á ferðinni.

Kv
Undirbúninginsnemd eftirlitsdeildar skipulagssviðs

Skíða- og menningaferð

Já það er sko farið að halla í rétta átt, ekki bara að hinni margrómuðu fyrstuhelgaríjúlíárshátíðarÞórsmerkurferð heldur einnig að hinni mögnuðu skíða- og menningaferð Vínverja til Agureyrish. Þetta árið verður haldið norður helgina 16 - 19 mars. Þar sem við viljum ómögulega vera á götunni hef ég gengið frá leigu á einu stykki íbúð. Að vanda er þessi íbúð við Furulund en mikill kostur við þessar íbúðir er hversu létt er að koma sér inn lyklalaus ef menn eru rétt vaxnir.
Þar sem fólk er farið að dreifa sér um allan bæ í þessum ferðum okkar væri ágætt að fá að vita hverjir ætla að fá gistingu í Furulundi svo hægt sé að panta aðra íbúð ef þarf. Því eins og við öll vitum eru þessar ferðir alveg óhemju vinsælar.

Með skíða-(vonandi) og menninga(ójá)kveðjum
Alda

Þá er loks farið að halla í rétta átt

Já, það styttist í botnlausa, en samt svo stutta, gleðina sem er auðvitað fyrstuhelgaríjúlíárshátíðarþórsmerkurferð. Hvað annað
Jebbs, þetta er allt framundan blautbolakeppni, dvergakast og vaselínglíma. Ekki má svo gleyma Bumper Dumper
Það er hafin skráning og ef þú, lesandi góður, ert eitthvað óákveðin þá skaltu lesa þetta (þó pistilinn sé kominn við aldur þá er þetta sígild lesning) og skrá þig svo í athugasemdakefinu. Ekki það undirbúingsnemdin geti skilið að nokkur sé óákveðin. Hvað um það. Gleðin er framundan, allar undirbúnings-og eftirlitsferðirnar já og allt hitt. Takið dagana 30.06-02.07´2006 frá og þið munið ekki sjá eftir því. Farið líka að safna brennivíni því stórbrotin náttúra gerir það bara svo mikið betra og líka áhrfin. Bara eitt:lítill bjór er vondur bjór
Nóg af bulli í billi

Þanngað til næst, góðar stundir

Kv
Undirbúningsnemd eftirlitsdeildar.